އިބްރާހިމް ލަތީފް ވައިޑް ސްޓޯން ކޯޑް ޏ.އެފްސީއެސްސީ ހޭންޑްބޯލް ޗެލެންޖް 2021 ގެ ޗެމްޕިއަންކަން ފުވައްމުލަކު ޕޮލިސް ޓީމުން ހޯދައިފިއެވެ. މިމުބާރާތުގެ ފައިނަލް މެޗުގައި ފުވައްމުލަކު ޕޮލިސް ޓީމާއި ވާދަކޮށްފައިވަނީ އެމްޖޭއެސްގެ ޓީމެވެ. މިމެޗު 9 ލަޑު 7 ލަޑުން ކާމިޔާބުކޮށް މިމުބާރާތުގެ ތަށި ފުވައްމުލަކު ޕޮލިސް ޓީމުން އުފުލާލާފައިވަނީ ކުޅުނު އެއްވެސް މެޗަކުން ބަލިނުވެއެވެ. ފައިނަލް މެޗުގެ ކްއީން އޮފް ދަ މެޗުގެ މަގާމު ހޯދައިފައިވަނީ ފުވައްމުލަކު ޕޮލިސް ޓީމުގެ ފާތުމަތު މާޔާއެވެ. މިމުބާރާތުގެ ފައިނަލް މެޗު ބެލުމަށް ގިނަ އަދަދެއްގެ ކުޅިބަލާ މީހުން ޒިޔާރަތްކުރިއެވެ.
ފުވައްމުލަކު ޕޮލިސް ޓީމު މިމުބާރާތުގެ ފައިނަލް މެޗަށް ދަތުރުކޮށްފައިވަނީ ސެމީ ފައިނަލްގެ ފުރަތަމަ މެޗުގައި ބްރައިޓްވޭ ޓީމާއި ވާދަކޮށްފައެވެ. އެމްޖޭއެސް ޓީމު ފައިނަލަށް ދަތުރުކޮށްފައިވަނީ ސެމީ ފައިނަލްގައި ހޭޒްގެ ޓީމާއި ވާދަކޮށްފައެވެ.
ޚިޔާލުތައް