ކޮމިއުނިކޭޝަން ސައިންސް އެންޑް ޓެކްނޮލޮޖީ މިނިސްޓަރު މުހައްމަދު މަލީހު ޖަމާލު ގެ އިތުބާރު ނެތްކަަމަށް ރައްޔިތުންގެ މަޖިލީހުން ނިންމި ނިންމުމާއި ގުޅިގެން އެމްޑީޕީގެ ކުރީގެ ރައީސް އިބްރާހިމް އިސްމާއީލް ފާޑު ވިދާޅުވެއްޖެއެވެ. އެނިންމުމަށް ފާޑު ވިދާޅުވަމުން އިބުރާ ބުނެފައިވަނީ ވަޒީރަކު ހަވަރަށް ދިނުމަކީ ހުތުރުކަމެއްކަމަށެވެ.
މިނިސްޓަރު މަލީހު އާއި މެދު ތުހުމަތު ކުރެވި އިތުބާރު ގެއްލިފައިވަނީ ކޮމިއުނިކޭޝަން މިނިސްޓްރީން ހަދަން ޖެހޭ އެއްވެސް ގަވައިދެއް މަލީހު މަގާމުގައި ހުންނަވާތާ ދެ އަހަރުވީ އިރު ވެސް ހަދާފައިނުވާ ކަމަށް ތުހުމަތުކޮށްގެންނާއި އިންޓަނެޓްގެ އަގުހެޔޮކުރުމަށް އަމަލީ ސިފައެއް ނުގެންނެވުމާއި، މިކަންކަމާއި ގުޅިގެން ޖަވާބުދާރީވުމަކީ މުވާސަލާތީ ހިދުމަތްތައް ތަންފީޒުކޮށް ހިންގުމުގެ މަސްއޫލިއްޔަތު އެ އިރެއްގައި ހަވާލުކޮށްފައިވާ ވުޒާރާއެއްގެ ވަޒީރުގެ ޒިންމާއެއް ކަމަށް ރާއްޖޭގެ ކޮމިއުނިކޭޝަންސް އޮތޯރިޓީ އޮފް މޯލްޑިވްސްގެ ގާނޫނުގެ ދެ ވަނަ މާއްދާގެ (ނ) ގައި ކަނޑައެޅިފައިވާ ކަމަށް ބަލައިގެންނެވެ.
މިކަމާއި ގުޅިގެން ޖަވާބުދާރީވަމުން މަޖުލީހުގެ ތަޅުމުގައި ވެސް މަލީހު ވަނީ އެއީ ދޮގު ތުހުމަތުތަކެއް ކަމަށް ބުނެ އިންކާރުކޮށްފައެވެ. މަލީހު ވިދާޅުވެފައި ވަނީ އެއީ ހަދާފައިވާ ގަވާއިދުތަކެއް ކަމަށެވެ.
ޚިޔާލުތައް