މުހައްމަދު ޝިހާބް މިއަދު ހަވީރު ފުވައްމުލައް ސިޓީގައި ނުރައްކާތެރި އެކްސިޑެންޓެއް ހިނގައި ދެމީހަކަށް ބޮޑެތި އަނިޔާތަކެއް ވެއެޖެއެވެ. މި އެކްސިޑެންޓްގައި އަނިޔާވި ދެމީހަކު އިތުރު ފަރުވާއަށް މާލެ ފޮނުވަން ޖެހިފަވާކަމަށްް ފުވައްމުލަކު ހޮސްޕިޓަލުގެ މެނޭޖަރު އަހުމަދު ސައީދު ވިދާޅުވެއެވެ.
މިއެކްސިޑެންޓް ހިނގީ މިއަދު ހަވީރު ބާރު ސްޕީޑްގައި ތާރުމަގުން ހުޅަނގުން އިރަށް (ބަނދަރާއި ވީކޮޅަށް) ދުއްވާފައި ދިޔަ ސައިކަލަކާއި ފުނާޑު ތެޔޮ ޕޮއިންޓުން ޕެޓްރޯލް އަޅައިގެން ތާރުމަގަށް ނިކުތް ސައިކަލަކާއި ޖެހިގެނކަމަށް މައުލޫމާތު ލިބެއެވެ. ބަނދަރާއި ވީކޮޅަށްދިޔަ ސައިކަލު ދުއްވަން ހުރީ ދިގުވާޑު އަވަށު ޒުވާން އުމުރުގެ ފިރިހެނެއް ކަމަށާއި އަނެއް ސައިކަލުގައި ތިބީ ދަޑިމަގު އަވަށުގެ އަންހެން ކުއްޖަކާއި ދޫނޑިގަމު އަންހެން ކުއްޖެއް ކަމަށް ވެއެވެ.
މި އެކްސިޑެންޓްގައި ބޮޑަށް ހާލު ދެރައީ ދިގުވާނޑު އަވަށު ފިރިހެން މީހާއެވެ. އަދި ދެ އަންހެންކުދިން ގެ ތެރެއިން އެއްކުއްޖަކަށް ވެސް އިތުރު ފަރުވައަށް މާލެ ގެންދަން ޖެހޭކަމަށް ވެއެވެ. އަދި އަނެއް ކުއްޖާގެ ގައިގެ ތަންތަން މަށައިގެން ގޮސްފައިވާ ކަމަށް ވެއެވެ. މާލެ ގެނދާ ދެމީހުންނަށް ވެސް ލިބިފައިވަނީ ކޮންކަހަލަ އަނިޔާއެއްކަން އެނގޭ ގޮތެއް އަދި ނުވެއެވެ.
މިއެކްސިޑެންޑްގައި އަނިޔާވެ އިތުރު ފަރުވާއަށް މާލެ ފޮނުވަން ޖެހޭ ދެމީހުން މާދަމާ ފޮނުވަން ތައްޔާރުވަމުން އަންނަކަމަށް ވެއެވެ.
ކޮވިޑް-19 އާއި ގުޅިގެން ރައްކާތެރިކަމުގެ ފިޔަވަޅެއްގެ ގޮތުން ހަވީރާއި ރޭގަނޑުގެ ވަގުތުތަކުގައި ނާއިބު ތުއްތު މަގު ބަންދުކުރުމަށް ފަހު އެމަގު އެއްކޮށް ހުޅުވާފައިވަނީ 23 މެއި 2020 ގައެވެ.
ޚިޔާލުތައް