އިބްރާހިމް ލަތީފް އެމްޑީޕީގެ ފުވައްމުލަކު ދެކުނު ދާއިރާގެ ރައީސް ގެސްޓް ހައުސް އެސޯސިއޭޝަން އޮފް މޯލްޑިވްސް (ގޭމް) ގެ ސެކްރެޓަރީ ޖެނެރަލް ސައުދުﷲ އަހުމަދުގެ މައްޗަށް ޖިންސީގޯނާކުރުމުގެ ތުހުމަތު ކުރެވިއްޖެއެވެ. ސައުދު ގެ މައްޗަށް ތުހުމަތު ކުރެވިފައިވަނީ ގޭމްގެ ސެކްރެޓަރީ ޖެނެރަލް އަށް ހުރެ އެއެސޯސިއޭޝަންގެ އިދާރީ އަންހެން މުވައްޒަފަކަށް ޖިންސީ ގޯނާކުރިކަމުގެ ތުހުމަތެވެ. މިމައްސަލަ މިހާރު ވަނީ ފުލުސް އޮފީހަށް ހުށަހަޅާފައިކަމަށް އޮންލައިން ނޫސް ވޮއިސް އިން ރިޕޯޓް ކުރެއެވެ.
ސައުދު އޭނާ އަށް ޖިންސީ ގޯނާކުރީ ވަޒީފާ ހަމަޖައްސައިދިނުމަށް ފަހު އޭގެ ބަދަލެއްގެ ގޮތުން ކަމަށް ބުނާކަމަށް ވިކްޓިމް އާއި ހަވާލާދީ މިހާރު ނޫހުން ރިޕޯޓުކުރެއެވެ. ވަޒީފާ އަށް ނުކުތް ހިސާބުން ފެށިގެން ވެސް އެކި ދުވަސް މަތިން ދިޔައީ ގޯނާކުރަމުންކަމަށާއި، ފުރަތަމަ އެކަން ފަށާފައިވަނީ ސަމާސާއަކަށް ހަދައިގެން ކަމަށްވެސް ވިކްޓިމް ކިޔައިދިންކަމަށް މިހާރު ނޫހުން ރިޕޯޓްކުރެއެވެ. ސައުދުގެ އަމަލުތަކުގެ ސަބަބުން، މަސައްކަތްތަކަށް ނުކުންނަން އުޒުރުވެރިވާކަމަށް އެ މުވައްޒަފު ބުނެފައިވާ ކަމަށްވެސް ނޫސްތަކުން ރިޕޯޓްކުރެއެވެ.
މާޗް މަހުގެ ކުރީކޮޅު ވަޒީފާ އަށް ނުކުތަސް އޭޕްރީލްގައި ކޮވިޑް-19 ގެ ލޮކްޑައުންއާ ހެދި ގޭގައި މަސައްކަތް ކުރަން ޖެހުމުން ސައުދުގެ އުނދަގޫ ކުޑަވާނެ ކަމަށް ހީކުރި ނަމަވެސް ފޯނުން ގުޅައިގެން ނުވަތަ މެސެޖުން ވެސް ފުރައްސާރަ ކުރި ކަމަށާއި އަދި ވަޒީފާ އިން ވަކިވާން ނިންމައި މައްސަލަ އެސޯސިއޭޝަންގެ ހިންގާ ކޮމެޓީ އަށް ހުށަހެޅުމުން، ޓެރަސްމަތިން ފުންމާލާނެ ކަމުގެ ބިރު ސައުދު ދެއްކި ކަމަށް ވިކްޓިމް އާއި ހަވާލާދީ މިހާރު ނޫހުން ބުނެއެވެ.
މިކަމާއި ގުޅިގެން މިމަހުގެ 5ވަނަ ދުވަހު އެސްޖީގެ މަސްއޫލިއްޔަތުތަކުން ސައުދުﷲ ދުރުކުރެވިފައިވާކަމަށް ވަނީ އަންގާފައެވެ. ނަމަވެސް މިހާރު އަނެއްކާވެސް ގޭމްގެ އެކްސްކޯ މީޓިން ތަކުގައި ބައިވެރިވާ ކަމަށް ގޭމުގެ އޮފިޝަލަކާއި ހަވާލާދީ ވޮއިސް އިން ރިޕޯޓުކުރެއެވެ.
މި މައްސަލަ އެކަށީގެންވާ ގޮތުގައި ތަހުގީގުކޮށް ފިޔަވަޅު ނޭޅުމުގެ ސަބަބުން ނާސިހު ވަނީ އެސޯސިއޭޝަންގެ ރައީސްކަމުގެ މަގާމުން އިސްތިއުފާދެއްވާފައެވެ.
މިމައްސަލަ ހިންގާ ކޮމެޓީ އަށް ހުށަހެޅުނު ނަމަވެސް އެ މައްސަލަ އިތުރަށް ކުރިއަށް ގެންދިއުމަށް ހުރަސްއެޅެމުންދާ ކަމަށާއި އެމައްސަލަ ކުރިއަށް ނުގެންދިއުމަށް ނުފޫޒުފޯރާކަމުގެ ތުހުމަތުވެސް ގޭމްގެ ރައީސްވަނީ ކުރައްވާފައެވެ. ސައުދަކީ އެމްޑީޕީ ގައުމީ މަޖިލީހުގައި ފުވައްމުލަކު ދެކުނު ދާއިރާ ތަމްސީލުކުރައްވާ އެދާއިރާގެ ރައީސެވެ.
ޚިޔާލުތައް
ތިކަލަ އަޚްލާގީ ފެންވަރު މައްޗައް ފިއަވަޅު ނެއެޅުމުން ލަދުގައްނަނީ ޕާޓީގެއާމުމެންބަރުން
ވީމާ ޕާޓީގެ ދަފުތަރުންބޭރުކުރޭ. ޝުކުރިއްޔާ