މުހައްމަދު ޝިހާބް ދަނޑުވެރިކަމުގެ ތަމްރީނު ޕްރޮގްރާމެއްގައި ބައިވެރިވުމަށް ފުރުސަތު ފުވައްމުލައް ސިޓީގެ ރައްޔިތުންނަށް ހުޅުވާލައިފިއެވެ.
މިއީ އަނބުގަސްތަކާއި އަލަ އޮޅުތަކަށް ޖެހޭ ބަލިތަކުގެ މައުލޫމާތު ފުވައްމުލައް ސިޓީގެ ރައްޔިތުންނަށް ދިނުމަށްޓަކައި އޮންލައިންކޮށް މިނިސްޓްރީ އޮފް، ފިޝަރީޒް، މެރިން އެންޑް އެގްރިކަލްޗަރ ގެ ފަރާތުން ކުރިޔަށްގެންދާ ތަމްރީނު ޕްރޮގްރާމެކެވެ. މި ތަމްރީނު ޕްރޮގްރާމް ކުރިޔަށް ގެންދިއުމަށް ހަމަޖެހިފައި ވަނީ މި ނޮވެމްނަރު މަހު 15 އިން ފެށިގެން 5 ދުވަހުގެ މުއްދަތަށެވެ.
މި ނޮވްމަބަރު މަހު 6 ވަނަ ދުވަހު ފުވައްމުލައް ސިޓީ ކައުންސިލުން ނެރުނު އިއުލާނެއްގައި ހާމަކޮށްފައިވާ ގޮތުން މި ތަމްރީނު ޕްރޮގްރާމުގައި ބައިވެރިވުމަށް ބޭނުންވާ ފަރާތްތަކުން މި ނޮވެމްބަރު މަހުގެ 9 ވަނަ ދުވަހުގެ މެންދުރު 12:00 ގެ ކުރިން ނަމާއި އެޑްރެސް، އުމުރު، އައޑީކާޑު ނަމްބަރު އަދި ގުޅެނެ ފޯނު ނަމްބަރު ފުވައްމުލައް ސިޓީ ކައުންސިލްސްގެ ނަމަބެރު 7487900 އަށް މެސެޖް ކުރެއްވުމަށް އެދިފައިވެއެވެ.
ފުވައްމުލަކަކީ ގިނަ އަދަދަކަށް އަލަ އޮޅާއި އަނބުގަސް ހައްދާ ރަށެކެވެ. އަދި އަލަ އާއި އަނބުން ބޮޑު ނަފާވެރިކަމެއް ވެސް ހޯދަމުން އާދެއެވެ. ނަމަވެސް މި އަލައޮޅުތަކަށާއި އަނބުގަހަށް ބަލިޖެހިގެން ލިބޭ ގެއްލުންތަކުގައި މިނަފާވެރިކަން ވަރަށް ބޮޑުތަން ވަނީ ދަށްވާން ފަށާފައެވެ. ދިވެހިރާއްޖެގައި އެންމް ގިނައިން އަނބު ގަހާއި އަލަ އޮޅުތައް ހައްދަނީ ފުވައްމުލަކުގައެވެ. އަދި މިކަމުގެ ކަންބޮޑުވުން ފުވައްމުލަކުގެ ރައްޔިތުން ފާޅުކުރަމުން އަންނަތާ 4-5 އަހަރު ވެދާނެއެވެ. އަދިވެސް މިކަމުގެ ހައްލެއް ވަނީ ނުފެނިފައެވެ.
އަލަ އޮޅެއް
ފުވައްމުލަކުގެ އަލަ އޮޅުތަކަށް މައިގަނޑުގޮތެއްގައި ދިމާވާ ދެބައްޔަކީ ފަތުގައި ލަތް ޖެހުމުގެ ބައްޔެއް (ލީފް ބްލައިޓް) އާއި އަލަކެއި (އަލައިގެން ތެރެއިން ތޮރުފައި ލޮވަޅުތަކެއް ހަދަނމުންދާ ސޫއްޕެއް) ގެ ސަބަބުން ކަމަށް މިކަލް ނުހާއި ކުރިން ވާހަކަ ދެއްކި ފުވައްމުލަކުގެ އަލަހައްދާ މީހަކު ބުނެފައިވެއެވެ.
ފަތުގައި ލަތް ޖެހޭބަލި ނުވަތަ “ލީފް ބްލައިޓް” ޖެހެނީ ފަންގަސް އެއްގެ ސަބަބުންނެވެ. މިފަންގަސް ވަޔާއި ފެނާއެކު އެއްތަނުން އަނެއްތަނަށް ދަތުރުކޮށް ގިބަ އޮޅުތަކަށް ފަސޭަހައިން ފެތުރެއެވެ. މިބަލި ފުރަތަމަ ފެނިފައި ވަނީ އިންޑޮނޭޝިއާގެ ޖާވާއިން ކަމަށް ވެއެވެ. މިހާރު އޭޝިއާ ޕެސިޕިކްގެ އަލަ ހައްދާ ގިނަ ގައުމުތަކުން މިބަލި ފެނެއެވެ. މިބަލި ފެތުރިފައިވާ ގައުމުތަކުގެ ތެރޭގައި އިންޑޮނެޝިއާ، ޕަޕުއާ ނިއުގިނީ، ސޮލޮމަން އައިލެންޑްސް، ހަވާއީ، ސަމޯއާ، ޕިލިޕީންސް ތައިލޭންޑް ހިމެނެއެވެ.
ލީފް ބްލައިޓް ކޮންޓްރޯލް ކުރެވޭތޯ މި ގައުމުތަކުގައި ތަފާތު ގޮތްތަކަށް އަޖުމަ ބެލަމުން އާދެއެވެ. ދަނޑުވެރިކަމުގެ ބައިލޮޖިކް ކޮންޓްރޯލް އުސޫލުތައް އެހާ ކާމިޔާބު ނޫނަސް، ކޮންމެވެސް ވަރެއްގެ ކާމިޔާބީއެއް ލިއްބައި ދޭކަމަށް މިގައުމުތަކުން ހާމަކުރެއެވެ. ސަމޯއާގައި މިބަލި ކޮންޓްރޯލް ކޮށްފައި ވަނީ ބޭސް ސްޕްރޭ ކޮށްގެންނެވެ. އެގައުމުގައި 2 ވައްތަރެއްގެ ބެހެއް ސްޕްރޭ ކުރިއެވެ. އެއީ ރިޑޮމިލް (Ridomil) ނުވަތަ މެންޒޭޓް (Manzate) އެވެ. ދެން ބޭނުންކޮށްފައި ވަނީ ފޮސްޕަރަސް އެސިޑް ނުވަތަ ފޮސްޗެކް (Foschek) އެވެ.
ފުވައްމުލަކުގެ އަނބުގަސްތަކަށް މައިގަނޑުގޮތެއްގައި 4 މައްސަލައެއް ދިމާވެއެވެ. އެއީ އަނބުގަސްތައް ކާ ސުއްޕެއްގެ ސަބަބުންނާއި އަނބުގަހުގެ ފަތަށް ޖެހޭ “ފަތްކަޅުވާ ބަލި” ނުވަތަ ކަޅު ކޫޑި އާއި، އަނބުގަހުގެ މާފޮޅެ އިރު ކުދި ކުނޑިފުށްތަކެއް ގޮތަށް މާތަކަށް ޖެހޭ ބައްޔާއި ފަތްތަކަށް ކަޅުލަތްތަކެއް ޖެހޭ ބައްޔެވެ. މިބަލި ތަކުގެ މައުލޫމާތު އެހެން ލިޔުމެއްގައި ގެނެސްދިނުމަށް ގަސްތު ކުރާވާހަކަ ކިޔުންތެރިންގެ މައުލޫމާތަށް ދަންނަވަމެވެ.
އަނބުގަހަށް ޖެހޭ ބައްޔެއް ކަމަށްވާ ޕައުޑަރީ މިލްޑެވް
ޚިޔާލުތައް