މުހައްމަދު ޝިހާބް މިއަދު ހަވީރު މާނޭރުން މޫދަށް އެރުނު އުމުރުން 17 އަހަރުގެ ފިރިހެން ކުއްޖަކު ނިޔާވެފައިވާ ކަމަށް ފުވައްމުލަކު ހޮސްޕިޓަލުން ދާދި ދެންމެއަކު މައުލޫމާތު ލިބިއްޖެއެވެ. މޫދަށް އެރިގެގެން އުޅެނިކޮށް މަރުވެފައިވަނީ ދޫނޑިގަމު އަވަށު ޔޫރޯ ފައުޒާން ހަސަން އެވެ.
މިކަލް ނޫހުގެ ރިޕޯޓަަރު ހާމަކުރައްވި ގޮތުގައި މިއަދު ހަވީރު މާނޭރަ މޫދަށް އެކުއްޖާ ދިޔައީ އިތުރު ބަޔަކާއެކު އެވެ. އޭނާއާއިއެކު ދިޔަ ކުއްޖަކު އޮޔާދާތީ އެކުއްޖާ ސަލާމަތް ކުރުމަށް ފައުޒާން ނެރުގެ ފުންކޮޅަށް ދިއުމުން އޭނާ ނެރުގެ ގަދަ އޮއިގައި ޖެހި ބޭރަށް ދަމައި ގެންދީޔައީ ކަމަށް ވެއެވެ.
މިއަދު ނިޔާވި ފުވައްމުލަކު ސްކުލްގެ ގްރޭޑް 10 ގެ ދަރިވަރު. ފައުޒާން ހަސަން (17އ.)
އޭރު އޭނާ ސަލާމަތް ކުރަން ދިޔަ އަންހެން ކުއްޖާގެފައި މޫދުގެ އަޑީގައި ފައިޖެހޭގޮތްވެ ސަލާމަތް ވެވުނީ ކަމަށެވެ. ނަމަވެސް ފައުޒާން އޮޔާ ގެންގޮސް ނެރުން ބޭރުވެ ގެއްލުނީ ކަމަށެވެ.
އޮޔާދިޔަ ކުއްޖާ ގެއްލިގެން ހޯދަން އެއްވި މީހުން މާނޭރެ އަތިރީގައި، 9 ޖެނުއަރީ 2021
މިހާދަސާގެ މައުލޫތު ފުލުހުންނަށް ލިބުނީ ހަވީރު 4:45 ހާއިރު ކަމަށާއި އަދި 5:40 ހާއިރު އޭނާ މުދުން ނަގާފައިވާކަމަށް މިކަލް ނޫހުގެ ރިޕޯޓަރު މައުލާމާތު ދެއެވެ. ފުލުހުން އޭނާ މޫދުން ނެގީ ފުވައްމުލަކު ބަނދަރުން ލޯޗެއްގައި ފުރައިގެން ގޮސް މާނެރު ނެރާއި ދިމާލަށް ބޭރުން ކަމަށް ވެއެވެ. އަދި ލޯނޗުގައި އޭނާ ބަނދަރަށް ގެންގޮސް ބަނދަރުން ހޮސްޕިޓަލަށް ގެންދިޔައީ އެވެ.
އޮޔާދިޔަ ކުއްޖާ ގެއްލިގެން ހޯދަން އެއްވި މީހުން މާނޭރެ އަތިރީގައި، 9 ޖެނުއަރީ 2021
ފުރަތަމަ ހޮސްޕިޓަލަށް ދިޔައިރު މަރުވެފައިވާކަން ނުވަތަ ނުންކަން ޔަގީނެއް ނުވެއެވެ. ނަމަވެސް ގެންބުނު މިހާ ވަނީ ޚަބަރު ހުސްވެފައިކަމަށް ވެއެވެ. އަދި ފުރަތަމަ ފަރުވާދޭ ކޮޓަރީގައި ފަރުވާއަށްފަހު ދިރިހުރި ކަމުގެގެ އުއްމީދު ނެތްކަމަށް ޑޮކްޓަރު އާއިލާއަށް މައުލޫމާތު ދީފައިވެއެވެ.
ގެނބިނު ކުއްޖާ ބަލާ އެމްބިއުލޭންސް ބަނދަރަށް ގޮސް، 9 ޖެނުއަރީ 2021
މިއަދު ގެނބިގެން މަރުވި ފައުޒާން އަކީ ފުވައްމުލަކު ސްކޫލްގެ ގްރޭޑް 10 ގައި ކިޔަވަމުން އަންނަ ދަރިވަރެއް ކަމަށް މައުލޫމާތު ލިބެއެވެ.
ފުވައްމުލަކު ހޮސްޕިޓަލް ސަރަހައްދުގައި އާއިލާ މީހުންނާއި ރައްޓެހިން ހިތާމާގައި ތިބި ކަމަށް މިކަލް ނޫހުގެ ރިޕޯޓަރު ހާމަކުރެއެވެ. އެސަރަހައްދުގެ ހާލަތު މިވަގުތު އޮތް ގޮތުން އިތުރު ތަފުސީލް ލިބޭ ގޮތް ވަނީ ނުވެފައެވެ.
ފުވައްމުލަކު ބަނދަރު 2003 ގައި ހުޅުވި ފަހުން އަރާ ފޭބުމަށް މާނޭރު ނެރު ބޭނުމެއް ނުކުރެއެވެ. ނަމަވެސް މޫދަށް އެރެން މީހުން އެތަން ބޭނުންކޮށް އުޅެއެވެ. މާނޭރެ ނެރަކީ ނެރުހެދުމުގެ ކުރީގައި ވެސް މީހުން މަރުވުމުގެ އެތައް ހާދިސާތަކެއް ހިނގާފައިވާ ތަނެކެވެ. އަދި ނެރުކެނޑުމުގެ ފަހުން ވެސް އެފަދަ ހާދިސާތައް ހިނގާފައި ވެއެވެ. ފުވައްމުލަކުގެ ފަރުން ކެނޑި ނެރުތަކުގެ ބޭރުކޮޅު ބަންދުކުރުމުގެ މަސައްކަތްތަކެއް ވެސް ވެނަި ޚުރެވިފައެވެ. ނަމަވެސް މާނޭރު ނެރުގެ ބޭރުކޮޅު އަދި ވަނީ ބަންދު ނުކުރެވިއެވެ.
މާނޭރެ ނެރު
ޚިޔާލުތައް