އިބްރާހިމް ލަތީފް ޖެނުއަރީ 6 ވަނަ ދުވަހު އެމެރިކާގެ ގާނޫނުހަދާ މަޖިލީހުގެ ޗެމްބަރަށް ވަދެ ހަމަނުޖެހުން ހިންގާފައިވަނީ ހައްދުފަހަޅާފައިވާ ފަރާތްތަކާއި ދެކޮޅަށް މަސައްކަތްކުރާ އެންޓި-ފޭސިސްޓް (އެންޓިފާ) މީހުންކަމަށް އެމެރިކާގެ ރައީސް ޑޮނަލްޑް ޓްރަމްޕު ބުނެފިއެވެ. ޓްރަމްޕް މިހެން ބުނެފައިވަނީ އެމެރިކާގެ ގާނޫނު ހަދާ މަޖިލީހުގެ މައިނޯރިޓީ ލީޑަރު ކެވިން މެކާތީ އަށް ކުރެއް 30 މިނިޓްގެ ފޯނުކޯލެއްގައި ކަމަށް އަލްޖަޒީރާ ނޫހުން ހާމަކުރެއެވެ. ޓްރަމްޕް މިހެނ ބުނެފައިވީ ނަމަވެސް، އެހަމަނުޖެހުމާއި ގުޅޭ ވީޑިއޯތަކުން އެހަމަނުޖެހުން ހިންގާފައިވަނީ ޓްރަމްޕްގެ ސަޕޯޓަރުންކަން އެގެއެވެ.
ޓްރަމްޕު އެހެން ވިދާޅުވިނަމަވެސް މައިނޯރިޓީ ލީޑަރު އެއަށް ޖަވާބުދެއްވަމުން “އޭނާ އެތަނަށް ދިޔަކަމަށާއި އެއީ އެންޓިފާ މީހުން ނޫންކަމަށާއި އެއީ ޓްރަމްޕްގެ ސަޕޯޓަރުންކަމަށް” ބުނެފައިވާ ކަމަށްވެސް އަލްޖަޒީރާއިން ހާމަކުރެއެވެ.
އެންޓިފާ ޖަމާއަތަކީ އެމެރިކާގެ ހައްދުފަހަނަޅާފައިވާ ނަސްލީ ތަފާތުކުރުންތަކާއި ހުދުމުޚުތާރުކަމާއި ދެކޮޅަށް ވަކާލާތުކުރާ ބައެކެވެ. އެޖަމާއަތުން މީގެ ކުރިން އެމެރިކާގައި މަރާލެވުނު ކަޅު ނަސްލުގެ ޖޯޖް ފްލޮއިޑްގެ މަރާއި ގުޅިގެންވެސް އަޑުއުފުލާފައިވެއެވެ. މިޖަމާއަތަކީ ޚުދުމުޚުތާރުކަމާއި ނަސްލީ ތަފާތުކުރުން ތަކާއި ދެކޮޅަށް އަޑުއުފުލާ ޖަމާއަތަކަށްވާތީވެ، އެމެރިކާގެ ރައީސް ޓްރަމްޕާއި ކޯޅުންބޮޑު ޖަމާއަތެކެވެ. އެގޮތުން، އެޖަމާއަތަކީ “ޓެރަރިސްޓް” ޖަމާއަތެއްކަމަށްވެސް ޓްރަމްޕްވަނީ މީގެ ކުރިން ބުނެފައެވެ.
މިދިޔަ ބުދަދުވަހުގެ ހަމަނުޖެހުމާއި އެމެރިކާގެ ރައީސް ޑޮނަލްޑް ޓްރަމްޕް މަގާމުން ދުރުކުރުމުގެ މަސައްކަތްވެސް އެމެރިކާގެ ގާނޫނު ހަދާމަޖިލީހުން ކުރިއަށް އެބަގެންދެއެވެ.
ކޮންގްރެސް އިމާރާތުގައި ހިންގި ހަމަނުޖެހުމުގައި މަރުވި މީހުންގެ އަދަދު މިހާރު ވަނީ ފަހަކަށް އަރައިފަ އެވެ. އޭގެ ތެރޭން 35 އަހަރުގެ އަންހެނަކު މަރުވީ ކޮންގްރެސް އިމާރާތުގެ ތެރެއަށް ވަދެ ހަމަނުޖެހުން ހިންގުމުގެ ތެރޭގައި ފުލުހުން ބަޑި ޖެހުމުގެ ސަބަބުންނެވެ.
ޓްރަމްޕުގެ ސަޕޯޓަރުން ކޮންގްރެސްގެ ޗެމްބަރަށް ވަދެގަތީ ރިޔާސީ އިންތިޚާބުގައި ޖޯ ބައިޑަން ހޯދި ކާމިޔާބީ ރަސްމީކޮށް ބަލައިގަތުމުގެ މަސައްކަތް ކުރިއަށް ދަނިކޮށެވެ. އޭގެ ކުރިން ބޭއްވި އެއްވުމެއްގައި ޓްރަމްޕް ވަނީ ސަޕޯޓަރުން ކޮންގްރެސް އިމާރާތާ ދިމާލަށް ދިއުމަށް ހިތްވަރު ދެއްވައިފަ އެވެ.
ޚިޔާލުތައް