މުހައްމަދު ޝިހާބް އައްޑޫ ސިޓީ އާއި ފުވައްމުލައް ސިޓި ގުޅުގައިދޭ ފެރީގެ ޚިދުމަތް ވަގުތީ ގޮތުން އިއްޔެ އިން ފެށިގެން މެދުކަނޑާލައިފިއެވެ.
ފުވައްމުލައް ސިޓީއިން އައްޑޫ ސިޓީ ފޭދޫ ބަނދަރަށް ކުރާ ލޯންޗު އަދި ދޯނި ފެރީ ދަތުރުތައް މެދުކަނޑާލީ އައްޑޫ ސިޓީގައި ކޮވިޑް-19 ފެތުރޭތީ އެސިޓީ އެޗްޕީއޭގެ މޮނިޓަރިން ޙާލަތަށްލައި އަރާ ފޭބުން މަނާކުރުމާއި ގުޅިގެންނެވެ.
ދަތުރުތައް މެދުކަނޑަޅިކަން ހާމަކުރަމުން މިދަތުރުތައް ކުރިޔަށްގެންދާ ސަދަން ޓްރާންސްޕޯރޓް ލިންކް އިން ހާމަކޮށްފައި ވަނީ ދަތުރުތައް މެދުކަނޑާލީ އެޗްޕީއެއީން ވަކިގޮތެއް އަންގަން ދެންކަމަށެވެ. އަދި ދަތުރުތައް ކެންސަލްވި ދުވަސްތަކަށް ޓިކެޓް ނަގާފައިވާ ފަރާތްތަކަށް، ދަތުރުތައް އަލުން ފެށުމުން ދަތުރުކުރެވޭނެ އިންތިޒާމު ހަމަޖެހިގެންދާނެ ކަމަށެވެ.
އައްޑޫސިޓީ-ފުވައްމުލައް ފެރީ ޝެޑިއުލް
އެމްޕީއެލް އިން ކުރިޔަށްގެންދާ މިސަރަހައްދުގެ ބަހާއި ފެރީގެ ޚިދުމަތްތައް ވެސް ވަނީ މެދުކަނޑާލާފައެވެ.
ފުވައްމުލައް ސިޓިއާއި އައްޑޫ ސިޓީ ފޭދޫ އާއި ދެމެދު ހަފުތާއަކު 3 ދަތުރުކުރެއެވެ. އެއީ ހޮނިހިރު، ހޯމަ އަދި ބުރާސްފަތި ދުވަހުއެވެ. މި ފެރީތަކުގައި 2 އަހރުން ދަށުގެ ކުދިންނާއި 65 އހަރުން މަތީ މީހުންނަށް (ހަމައެކަނި ދޯނި ފެރީގައި) ހިލޭ ދަތުރުކުރެވެއެވެ. މިފެރީތަކުގެ ޓިކެޓް އޮންލައިންކޮށް ބުކު ކުރެވެނެ އިންތިޒާމު ވަނީ ހަމަޖެހިފައެވެ.
ޚިޔާލުތައް