މުހައްމަދު ޝިހާބް މިއަދު ފުވައްމުލައް ސިޓީއިން ކޮވިޑް-19 އަށް ޕޮޒިޓިވްވި މީހަކު ނެތެވެ. އަދި އިތުރު މީހަކު ބަލިން ރަނގަޅުވެފައެއް ވެސް ނުވާކަމަށް މިރޭގެ މީޑިއާބްރިފިންގައި ފުވައްމުލައް އިއޯސީއިން ހާމަކުރެއްވިއެވެ. ކޮމިއުނިޓީއިން ޕޮޒިޓިވް ކޭސް އެއް ނުފެންނާތާ 5 ދުވަސް ވީއެވެ.
މިއަދަކީ މޮނިޓަރިން އާއި ގުޅިގެން އަޅާފައިވާ ފިޔަވަލުތައް (ކާފިއު) ގެ މުއްދަތު ހަމަވާ ދުވަހެވެ. ނަމަވެސް މި ރޭގެ ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރު (އީއޯސީ)ގެ ބައްދަލުވުން ނިމުނު އިރުވެސް އެޗްޕީއޭއިން ގޮތެއް ކަނޑައަޅާފައެއް ނުވެއެވެ.
މިރޭގެ ޕްރެސް ބްރީފިންގައި މޭޔަރު ފަލާޙު ޝަރީފު މައުލޫމާތު ދެއްވަނީ
މިރޭ ކުރިއަށްދިޔަ ފުވައްމުލައް ސިޓީ އީއޯސީގެ 16 ވަނަ މީޑިއާ ބްރީފިންގައި ފުވައްމުލަކު ހޮސްޕިޓަލުގެ ފަރާތުން ބައިވެރިވީ ފުވައްމުލަކު ހޮސްޕިޓަލުގެ މެނޭޖަރު އަހުމަދު ސައީދުއެވެ. އަދި ފުވައްމުލައް ސިޓީ ކައުންސިލުގެ ފަރާތުން މޭޔަރު ފަލާޙު ޝަރީފާއި ޑިރެކްޓަރ ޖެނެރަލް އަހުމަދު ނިޖާހު ބައިވެރިވެ ވަޑައިގެން މައުލޫމާތު ދެއްވިއެވެ.
އިއްޔެ ފުވައްމުލަކު ބަނދަރުގައި ކަރަނޓީނު ކުރެވިފައިއޮތް އުޖާލާ ބޯޓުން ކޮވިޑް-19 އަށް ފައްސިވި 6 މީހުންގެ ތެރެއިން 5 މީހުންނަކީ ބޭރުގައިމުގެ މީހުންނެވެ. އަދި ދިވެހި 1 އެވެ.
މިއަދު އިތުރު މީހަކު ޕޮޒިޓިވްވެފައި ނުވުމާއި އެކު މިހާރު ފުވައްމުލައް ސިޓީއިން ޕޮޒިޓިވް ވެފައިވާ ޖުމްލަ އަކީ 45 އެވެ. އަދި ބަލިން ރަނގަޅުވި ޖުމްލައަކީ 19 އެވެ. އެކްޓިވް ކޭސްގެ ގޮތުގައި ފުވައްމުލައް ސިޓީގައި ތިބީ 25 މީހުންނެވެ. އެކްޓިވް ކޭސްގެ ބަލީގެ އެކަކު ވަނީ އައްޑޫ ސިޓީއަށް ބަދަލުކުރެވިފައެވެ.
ފުވައްމުލައް ސިޓީ ކޮވިޑް-19 އަޕްޑޭޓްސް 26 ފެބްރުއަރީ 2021. ފުވައްމުލައް ސިޓީ އޯއީސީ
ފުވައްމުލައް ސިޓީގެ މޮނިޓަރިން ޙާލަތުން ނެގޭނީ މިހާރު ނަގަމުން ދާ ރޭންޑަމް ސާމަޕަލްތަކުގެ ނަތީޖާ އަންނަ ގޮތަކުން ކަމަށް މީޑިއާ ބްރީފިންގައި ވަނީ ކުރިން ވަނީ ފާހަގަ ކުރައްވާފައެވެ. ނަމަވެސް ފުވައްމުލައް ސިޓީގެ ރޭންޑަމް ސާމްޕަލިންގެ ނާތިޖާ ނުލިބި ގިނަ ދުވަސްތަކެއް ވާތީ ކާފިއުގެ ފިޔަވަޅުތަކާއި މެދު ގޮތެއް ނިނމުން ވެސް ލަސްވެގެން ދެއެވެ.
މިހާތަނަށް ފުވައްމުލަކު ހޮސްޕިޓަލުން ޖުމްލަ 5617 ސާމްޕަލް ނަގާފައިވާ އިރު، މިއަދު ނެގި ޖުމްލަ ސާމްޕަލްގެ އަދަދަކީ 194 އެވެ. ޓެސްޓް ނުކުރެވޭ 444 ސާމްޕަލް ހުރިއިރު މިއަދު ނަތިޖާ ލިބުނީ 388 ސާމްޕަލެއްގެ އެވެ.
މިއަދު ވެސް ރޭމްޑަމް ސާމްޕަލްގެ 150 ނަގާފައިވާކަމަށް ފުވައްމުލަކު ހޮސްޕިޓަލުގެ ފަރާތުން އަހުމަދު ސައީދު ހާމަކުރެއްވިއެވެ.
މިރޭގެ ޕްރެސް ބްރީފިންގައި މޭޔަރު ފަލާޙު ޝަރީފު މައުލޫމާތު ދެއްވަނީ
މިއަދުގެ 194 ސާމްޕަލް ބެހިގެން ދަނީ:
ދަތުރުވެރިންގެ 22
ފްލޫ ކްލިނިކް 4
ކޮންޓެކްޓް ގެ 10
ހޯމްކަރަންޓީނުގެ 8 ސާމްޕަލް
ރޭންޑަމް ސާމަޕަލިންގެ 150 އެވެ.
ވެކްސިން ޖެހުން؛ މިއަދު 26 ފެބްރުއަރީ 2021 ގައި 396 މީހަކަށް ވެކްސިން ޖަހާފައިވޭ
ވެކްސިން އަޕްޑޭޓްސް
މިއަދު ވެކްސިން ޖެހިފައި ވަނީ 168 މީހުންނަށެވެ. އެއީ:
45 އަހަރުން މަތީގެ 130،
30 އަހަރުން މަތީ ހައިރިސްކް 30
ކުރީސަފުގެ މަސައްކަތް ތެރިން 6،
ދާންމަތިވެފައިވާ 0 އަދި
އެހެނިހެން މީހުން 7 އެވެ.
މިހާތަނަށް ފުވައްމުލައް ސިޓީއިން ވެކްސިން ޖެހިފައި ވަނީ ޖުމްލަ 2152 މީހަކަށެވެ. މިއަދާއި ހަމަޔަށް ފުވައްމުލައް ސިޓީއަށް ލިބިފައި ވަނީ ވެކްސިންގެ 3 ބެޗުން 2320 ޑޯޒް އެވެ.
މާދަމާ އެމްޖޭއެސް ގައި އަދި ޏ.އޭއީސީގައި ވެކްސިން ޖަހަނީ 45 އަހަރުން މަތީގެ އެންމެންނާއި 35 އަހަރުން މަތީގެ ހައިރިސްކް މިހުންގެ އިތުރުން ފްރޮންޓްލައިނާސް އަށެވެ.
މިހާތަނަ ފުވައްމުލައް ސިޓީގައި ކޮވިޑް-19 ވެކްސިން ޖެހިފައިވާ މިންވަރު – މައުލޫމާތު ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރ
ޕޮލިސް މޮނިޓަރިން
އެޗްޕީއޭގެ އުސޫލާއި ޚިލާފުވެގެން 7 މީހަކު ޖޫރިމާނާ ކޮށްފައި ވާކަމަށް މިރޭގެ މީޑިއާ ބްރީފިންގައި މައުލޫމާތު ދެއްވިއެވެ.
މައުލޫމާތު: ފުވައްމުލައް އީއޯސީ 16 ވަނަ ޕްރެސް، 26 ފެބްރުއަރީ 2021، 21:30.
ޚިޔާލުތައް