އިބްރާހިމް ލަތީފް ކުރިއަށް އޮތް ދުވަސްތަކުގައި ވެކްސިން ޕާސްޕޯޓު ދޫކުރުމަށް ވިސްނަމުންދާ ކަމަށް ސިއްހަތާއި ބެހޭ ވަޒީރު އަހުމަދު ނަސީމު ވިދާޅުވެއްޖެއެވެ. މިނިސްޓަރު ނަސީމު މިހެން ވިދާޅުވެފައިވަނީ ދައުލަތުގެ މީޑިއާގެ ދިވެހިރާއްޖޭގެ އަޑުގެ ޕްރޮގްރާމެއްގައި ރޭ ވާހަަކަފުޅު ދައްކަވަމުންނެވެ.
ހެލްތު މިނިސްޓަރު ވިދާޅުވީ ކުރިއަށް އޮތްތަނުގައި ދަތުރުކުރުމުގައި ގައުމުތަކުން ވެކްސިންގެ ދެޑޯޒު ފުރިހަމަކުރި ކަމުގެ ޔަގީންކަމަށް އެދޭނެތީވެ، ކުރިއަށް އޮތް ހަތަރުވަރަށް މަސްތެރޭގައި ވެކްސިން ޕާސްޕޯޓެއް ދޫކުރުމަށް ވިސްނާ ވަޑައިގަންނަވާ ކަމަށެވެ. “ދެ ޑޯޒު ފުރިހަމަކޮށް ވެކްސިން ޕާސްޕޯޓް އޮތީވިއްޔާ، ދަތުރުކުރުމާއި ރާއްޖޭގެ އެއް ތަނުން އަނެއް ތަނަށް ވެސް ދަތިކަމެއް ނެތި ދެވޭނެ،” މިނިސްޓަރު ވިދާޅުވި އެވެ.
މިނިސްޓަރު ވިދާޅުވި ގޮތުގައި އޭރުން ރަށްރަށުގައި ގޮސް ކަރަންޓީންވާކަށް ވެސް ނުޖެހޭނެ އެވެ.
ވެކްސްިން ޖެހުމުން ކުރިޔަށް އޮތްތަކުގައި އިޖުތިމާއީ އެކިކަންކަމުގައި އިތުރު ފަސޭހަތަކެއް ލިބިގެންދާނެ ކަމަށް ބެލެވެއެވެ. އަދި ވެކްސިން ނުޖާހާ ފަރާތްތަކުން ބައެއް ކަހަލަ ކަންކަމުން ފުރުސަތު ނުލިބިދާނެއެވެ. އެގޮތުން ވެކްސިން ނުޖާހާ މީހުން ޓީޗަރުންގެ ގޮތުގައި ކްލާސްތަކަށް ކިޔަވައިދިނުމަށް ފުރުސަތު ނުލިބުމާއި، އާއްމުންނާއި ބައްދަލުވާ މަސައްކަތްތަކުން ވެސް ފުރުސަތު ނުލިބުން ކައިރިއެވެ. ވުމާއެކު އެންމެން ވެސް ވީހާ އަވަހަކަށް ވެކްސިން ޖަހައި ރައްކާތެރިކަން ޔަގީން ކުރުމުން މުހިންމެވެ.
ޚިޔާލުތައް