މުހައްމަދު ޝިހާބް ފުވައްމުލައް ސިޓީގެ އައު އިންޖީނުގޭގެ ބިންގާ އެޅުމުގެ ރަސްމިއްޔާތު އިއްޔެ ބާއްވައިފިއެވެ. ފުވައްމުލަކުގެ އައު އިންޖީނުގެ އަޅަނީ ފުވައްމުލަކު ދޫނޑިގަމު ބަނދަރު ސަރައްހައްދުން އުތުރު ކޮޅުގައެވެ.
އިއްޔެ ހަވީރު ބޭއްވި މި ރަސްމިއްޔާތުގައި ފެނަކައިގެ މެނޭޖިން ޑިރެކްޓާ (އެމްޑީ) އަހުމަދު ސައީދުއާއި މޭޔަރު ފަލާހު ޝަރީފު އާއި ރައްޔިތުންގެ މަޖުލީހުގެ ފުވައްމުލަކުގެ 3 މެމްބަރުންނާއި ރަށުގެ ގިނަބަޔަކު ބައިވެރިވެ ވަޑައިގަތެވެ. މީގެ ިއތުރުން ނާއިބު ރައީސް ފައިސަލް ނަސީމު ބައްދަލުވުމުގައި ބައިވެރިވެ ވަޑައިގަތީ ވާޗުއަލްކޮށެވެ. މިރަސްމިއްޔާތުގައި ނާއިބު ރައީސާއި މޭޔަރު ފަލާހު، ފުވައްމުލަކުގެ 3 އެމްޕީން އަދި އާއްމުންގެ ފަރާތުން އިބްރާހިމް ޝާހު، ދިގުވާޑު ފީރޯޒުގެ އާއި ފެނަކަ ފުވައްމުލަކުގެ މެނޭޖަރު ހުސޭން ޝާފީ ވާހަކަ ދެއްކެވިއެވެ.
ފެނަކައިގެ އައު އިންޖީނުގޭގެ ބިންގާއެޅުމުގެ ރައސިއްޔާރތުަގއި ނާއިބު ރައީސް ފައިސަލް ނަސީމު އަދި އެމްޕީ ހުސޭން. 8 އޭޕްރީލް 2021
މިއަދުގެ ބިންގާ އެޅުމާއެކު ކުރިއަށް އޮތް މަސްދުވަހުގެ ތެރޭގައި އިންޖީނުގޭގެ އަމަލީ މަސައްކަތް ފެށިގެންދާނެކަމަށް ހާމަކުރެއްވިއެވެ. މި އިންޖީނުގޭގެ މަސައްކަތް ކުރިޔަށް އޮތް 18 މަސް ދުވަހުގެ ތެރޭގައި ނިމި ޚިދުމަތް ދެވޭ ވަރުވާނެކަމަށް އެމްޑީ ސައީދު ވިދާޅުވިއެވެ. މިއީ 260 މިލިޔަން ރުފިޔާގެ ޕޮރޮޖެކްޓެއް ކަމަށާއި މިއީ ފެނަކައިން ޚަރަދު ކުރާ ޕުރޮޖެކްޓެއް ކަމަށް އެމްޑީ ސައީދު ހާމަކުރެއްވިއެވެ.
ނައިބު ރައީސާއި 3 އެމްޕީން ޖަލްސާގައިޥާހަކަ ދެއްކެވި
މިހާރު ފުވައްމުލަކު އިންޖީނުގޭ ހުރީ ރަށުގެ މެދުގައި އާއްމުން ދިރިއުޅޭ ގެތަކުގެ ތެރޭގައި، ފުވައްމުލަކު ހޮސްޕިޓަލް ހުރި ސަރަހައްދުގައެވެ. މިހާރު ހުރި އިންޖީނުގެއިން އާއއްމުންނަށް ދަތިތައް ްކުރިމަތިވާކަމަށާއި، އިންޖީނުގޭގެ ޖާގައިގެ ދަތިކަން ބޮޑުވެ ކަރަންޓަށްގެ ޚިދުމަތް ފުޅާވުމަށް ބޮޑެތި ހުރަސްތަކެއް ވަނީ ކުރިމަތިވެފައެވެ. މިހާރު ހުރި ފުވައްމުލަކު އިންޖީނުގެއިން އަހަރެއްގެ މައްޗަށް 114،000 ޓަނުގެ ކާބަންޑައި އޮކްސައިޑް އެހިސާބުގެ ޖައްވަށް ބޭރުވެގެން ދާކަމަށް މައުލޫމާތު ހިއްސާކުރެއްވިއެވެ.
އައު އިންޖީނުގެ ބޭނުންކުރަން ފެށުމާއެކު ފުވައްމުލަކުގެ ކަރަންޓަށް ދިމާވެފައިވާ މައްސަލަތަކަށް ދާއިމީ ހައްލެއް ލިބިގެންދާނެ ކަމަށް އެމްޑީ ސައީދު ވިދާޅުވިއެވެ.
ފެނަކައިގެ އައު އިންޖީނުގޭގެ ބިންގާއެޅުމުގެ ރަސްމިއްޔާތުގައި ތިބީން. 8 އޭޕްރީލް 2021’މިއީ އެއްވެސް ހާލެއްގައި ހުޅަނގު މޫސުމަށް ދިޔަދޮވި ލައި، އިރުވައި މޫސުމަށް އަޅުގަނޑުމެން ފުރާޅުގައި، ޖަހާ، އަޅާ ސަތަރިގަނޑެއް ނޫން. އެއީ ފަލަމަޑީގެ ގަހަކަށްނުވެ ތިޔަރައްޔިތުންނަށް 18 މަސް ދުވަހުގެތެރޭގައި ޚިދުމަތް ދިނުމަށް ްއަޅުގަނދުމެން އެޅި ބިންގަލެއް” ކަމަށް ފެނަކައިގެ އެމްޑީ ސައީދު ވިދާޅުވިއެވެ.
ފެނަކައިގެ ޚިދުމަތްތަކުގެ ޔަގީންކަން އައު މެނޭޖްމެންޓާއެކު ފާއިތުވި ދުވަސްކޮޅުގައި ރާއްޖޭގެ އެންމެ އުތުރުން ހއ.ތުރާކުނުން ފެށިގެން އައްޑޫ ސިޓީ ކޯއްޓޭއާއި ހަމަޔަށް ވަނީ ބަލައިގަނެ އިތުބާރު އުފައްދާފައިކަމަށް އެމްޑީގެ ވާހަކާގައި ހާމަކުރެއްވިއެވެ.
ފެނަކައިގެ އައު އިންޖީނުގޭގެ ބިންގާއެޅުމުގެ ރަސްމިއްޔާތުގައި ތިބީން 8 އޭޕްރީލް 2021
މި އިންޖީނުގެއާއެކު 21 ކިލޯމީޓާރުގެ ކަރަންޓް ނެޓްވޯކް އަޕްގްރޭޑް ކުރެވިގެންދާނެ ކަމަށާއި، އެއިރުން މުޅި ފުވައްމުލައް ސިޓީގެ ކަރަންޓް ނެޓްވޯކް ޒަމާނީ ފެންވަރަށް ބަދަލުކުރެވިގެންދާނެ ކަމަށް އެމްޑީ ސައިޑު ހާމަކުރެއްވިއެވެ.
މި ރަސްމިއްޔާތުގައި ފުވައްމުލަކުގެ ނަރުދަމާގެ މައްސަލަ ހައްލުކުރުމަށް ކަނަޑައެޅިފައިވާ މަސައްކަތްތައް އަމަލީގޮތުން ކުރަން ފެށުން ވެސް ވަނީ އިފްތިތާޙުކޮށްފައެވެ. އަދި އެކަމަށް ބޭނުންވާ ބައެއް ސާމާނު ރަށަށް ގެނެފވިފައިވާ ކަމަށް ވެއެވެ.
މޭޔަރު ފަލާޙުއާއި އމެނޭޖާ ޝާފީ، ޝާހު އަދި ޖަލްސާގެ އެމްސީ.
ޚިޔާލުތައް