އިބްރާހިމް ލަތީފް ފްރީ ޑައިވް މޯލްޑިވްސް އިން ފުވައްމުލަކުގައި ފްރީ ޑައިވް ކޯހެއް ބޭއްވުމަށް ހަމަޖެހިފައިވާ ކަމަށް އެފަރާތުން ބުނެފިއެވެ. އޮކްސިޖަން ފުޅި ފަދަ އަލާތްތައް ބޭނުންނުކޮށް ފީނުމުގެ މިކޯހަކީ ފްރީ ޑައިވް ލެވެލް 1 ގެ ކޯހެކެވެ. މިކޯހުގައި ފްރީ ޑައިވް ފިޒިއޮލޮޖީގެ އިތުރުން، ސޭފްޓީ، އިކުއަލައިޒޭޝަން، ރެސްކިއު، އަދި ބްރީތިން ޓެކްނިކްސް ކިޔަވައިދެވޭނެއެވެ.
މިކޯހުގައި ކިޔަވައިދެއްވާނީ ފްރީ ޑައިވް މޯލްޑިވްސްގެ ފަންނީ ބޭފުޅުންކަމަށް އެފަރާތުން ހާމަކުރެއެވެ. މިކޯސް ފެށުމަށް ހަމަޖެހިފައިވަނީ އޮކްޓޫބަރު މަހުގައެވެ. ނަމަވެސް، މިކޯހަށް ނަންނޯޓުކުރުން މިހާރު ކުރިއަށްދާކަމަށާއި ނަންނޯޓުކުރާއިރު 50 އިންސައްތަ ކޯހުގެ ފީ ދައްކަން ޖެހޭ ކަަމަށްވެސް އެފަރާތުން ހާމަކުރެއެވެ. ކޯހުގެ ފީގެ އަދަދަކީ 3000 ރުފިޔާ ކަމަށް ވެސް މިކަލް ނޫހަށް މައުލޫމާތު ލިބެއެވެ. ހަފުތާއެއްގެ މުއްދަތަކަށް ކުރިއަށް މިކޯހުގެ ބައިވެރިވުމަށް އެދޭ ފަރާތްތަކުން އަންނަ މަހުގެ 15 ގެ ކުރިން ނަންނޯޓުކުރުމަށާއި އަދި މިބުރުގައި ކުރިއަށް ގެންދަނީ 10 ދަރިވަރުންގެ އެއްބެޗުކަމަށްވެސް މިކޯސް އިންތިޒާމު ކުރާ ފަރާތުން ހާމަކުރެއެވެ.
ޚިޔާލުތައް