މުހައްމަދު ޝިހާބް ފުވައްމުލައް ސިޓީއިން ކޮވިޑް-19 ވެކްސިންގެ ފުރަތަމަ ޑޯޒް އެންމެ ފުރަތަމަ ޖެހި މީހުންނަށް ދެވަނަ ޑޯޒް ޖެހުމުގެ ޝަރުތު ހަމަވާ އެންމެ ފަހު ދުވަހަކީ މި ހަފުތާގެ ހުކުރު ދުވަސް، 30 މި އޭޕްރީލް 2021، އެވެ. އެއީ ފުރަތަމަ ޑޯޒް ޖެހި ފަހުން 12 ހަފުތާ ހަމަވާ ދުވަހެވެ. ވުމާއެކު އެފަރާތްތަކުން މިހާފުތާގެ ހުކުރުގެ ކުރިން 2 ވަނަ ޑޯޒް ޖެހުމަށް ސަމާލުވުމަށް ފުވައްމުލަކު ހޮސްޕިޓަލުގެ މެނޭޖަރު އަހުމަދު ސައީދު ގޮވާލައްވާފައި ވެއެވެ.
ފުވައްމުލައް ސިޓީގައި 5 ފެބްރުއަރީ 2021 ގައި އެންމެ ފުރަތަމަ ކޮވިޑް ވެކްސިންގެ ޖެހީ ފުވައްމުލަކު ހޮސްޕިޓަލުގެ މުވައްޒަފުންނާއި ކުރީ ސަފުގައި ހަރަކާތްތެރިވާ މީހުންނަށެވެ. އެގޮތުން 5-11 ފެބްރުއަރީ 2021 އަށް ފުވައްމުލައް ސިޓީގައި ކޮވިޑް-19 ވެކްސިންގެ ފުރަތަމަ ޑޯޒް ޖަހާފައިވާ 295 މީހުން އެހަފުތާ (30 އޭޕްރީލް އިން 6 މެއި 2021) ތެރޭގައި ވެކްސިން ގެ 2 ވަނަ ޑޯޒް ފުރިހަމަކޮށް ނިންމަން ޖެހެއެވެ.
ދެވަނަ ޑޯޒް ޖެހުމަށް ކުރުނދުމާ މާލަމުގައި ކިއުގައި ތިބި މީހުން
ތިރީސް އޭޕްރީލް 2021ގެ ފަހުން ކޮންމެ ދުވަހަކީ ވެސް ފުވައްމުލައް ސިޓީއިން ވެކްސިންގެ ފުރަތަމަ ޑޯޒް ޖެހި މީހުންގެތެރެއިން ބަޔަކަށް ވެކްސިންގެ 2 ވަނަ ޑޯޒް ޖެހުމުގެ އެންމެ ފަހުދުވަހަށް ވަމުން ދާނެއެވެ. ވުމާއެކު އެފަރާތްތަކުން ވެކްސިން ޝެޑިއުލަށް ބަލއިގެން ފަހުވަގުތު ޖެހުމުގެ ކުރިން 2 ވަނަ ޑޯޒް ޖަހއި ވެކްސިން ފުރިހަމަކުރުމަށް މެނޭޖަރު އަހުމަދު ސައީދު އާއްމުންގެ ސަމާލުކަން އެކަން ގެނެސްފައި ވެއެވެ.
ކޮވިޑް-19 ވެކްސިންގެ ފުރަތަމަ ޑޯޒް ޖަހައި 8 ހަފުތާ ވުމުން ދެ ވަނަ ޑޯޒް ޖަހަން ޝަރުތު ހަމަވެއެވެ. އަދި އޭގެ ފަހުން 4 ހަފުތާތރޭގައި 2 ވަނަ ޑޯޒް ޖަހަން ޖެހެއެވެ. ދެވަނަ ޑޯޒް ފުރިހަމަކޮށް 14 ދުވަސް ވުމުން ކަރަންޓީނު ނުވެ ދަތުރުކުރެވޭ ގޮތަށް ވަނީ ހަމަޖައްސާފައެވެ. އެގޮތުން ފުވައްމުލައް ސިޓީއިން 2 ވަނަ ޑޯޒް ޖެހި 100 އަށް ވުރެ ގިނަ މީހުންނަށް މިހާރު ކަރަންޓީނު ނުވެ ދަތުރުކުރުވޭނެއެވެ.
ދެވަނަ ޑޯޒް ޖެހުމަށް ފުވައްމުލަކު ހޮސްޕިޓަލުގައި ކިއުގައި ތިބި މީހުން
ފުވައްމުލައް ސިޓީގައި ކޮވިޑް-19ގެ ވެކްސިންގެ ދެވަނަ ޑޯޒް ޖަހަން ފޭށީ މިއޭޕްރީލް މަހު 7 ވަނަ ދުވަހުއެވެ. އެދުވަހުން ފެށިގެން އިއްޔެ 24 އޭޕްރީލްގެ ނިޔަލަށް ކޮވިޝީލްޑްގެ ދެ ޑޯޒް ފުރިހަމަކޮށްފައި ވަނީ 1703 މީހުން ކަމަށް ފުވައްމުލަކު ހޮސްޕިޓަލުން ހާމަކުރައްވައެވެ. އަދި މިއީ ރަށުގައި ދިރިއުޅޭ އާބާދީގެ ގާތްގަޑަކަށް %17 އެވެ.
ނަމަވެސް މިހާރު ގިނަބަޔަކު ދެވަނަ ޑޯޒް ވެކްސިން ޖެހުމަށް 2 ވެކްސިން ސެންތަރުގައި އިއުޖެހޭކަން ވަނީ ފާހަގަ ކުރެވިފައެވެ. މިހާރު ދެވަނަ ޑޯޒް ވެކްސިން ޖަހަމުން އަންނަނީ ރޭގަޑު 9؛00 އިން ފެށިގެން 12 އަށެވެ. ވެކްސިން ޖެހުން ކުރިޔަށް ގެންދަނީ ފުވައމްުލަކު ހޮސްޕިޓަލުގެ ގަރާޖު ސަރަހައްދުންނާއި ފުވައްމުލައް ސިޓީ ކައުންސިލްގެ ކުރުނދުމާމާލަމުންނެވެ.
ނަމަވެސް ސިނޮފާމގެ ދެވަނަ ދޯޒް ޖެހުމަށް ފައިތުވި 3 ދުވަހު ވެސް އިތުރު މީހަކު ގޮސްފައިނުވަކާން ފުވައްމުލަކު ހޮސްޕިޓަލުން އާއްމުކޮށްފައިވާ ތަފާސް ހިސާބުތަކުން އެނގެއެވެ. އެއީ ފުރަތަމަ ޑޯޒް ޖެހު މީހުންގެ އަދަދު ފާއިތުވި 3 ދުވަހު ވެސް ހުރީ 5551 ގައި ކަމަށްވުމުން ނެވެ.
ފުވައްމުލައް ސަޓީ ކޮވިޑް އަޕްޑޭޓް ތަފާސް ހިސާބު
މިހާރ ތަލަސީމިއާ، ހަކުރު ބަލި އަދި G6PDގެ މީހުންނަށްވެސް ސިނޮފާމް ފުރަތަމަ ޑޯޒް ޖެހުމަށް ވަނީ ހުޅުވާލާފައެވެ. މީގެ އިތުރުން 80=6- އަހަރާއި ދެމެދުގެ މިހުންނަށް ވެސް ސިނޮފާމްގެ ފުރަތަމަ ޑޯޒް ޖެހުމަށް ހުޅުވާލާފައިވާ ކަމަށް ްފުވައްމުލަކު ހޮސްޕިޓަލުން ހާމަކުރައްވައެވެ.
ސިނޮފާމް ފުރަތަމަ ޑޯޒް ޖެހުމުން މާއަވަހަށް 2 ވަނަ ޑޯޒް ޖަހަން ފުރުސަތު ލިބެއެވެ. އެއީ ފުރަތަމަ ޑޯޒަށް ފަހު 4 ހަފުތާ ފަހުން ސިނޮފާމްގެ 2 ވަނަ ޑޯޒް ޖެހުމަށް ހަމަޖެހިފައިވާތީއެވެ.
ޚިޔާލުތައް