މުހައްމަދު ޝިހާބް މިރެއިން (27 އޭޕްރީލް) ފެށިގެން ފުވައްމުލައް ސިޓީގައި ކޮވިޝީލްޑް ވެކްސިންގެ 2 ވަނަ ޑޯޒް ޖަހައިދޭނީ 19 ފެބްރުއަރީ 2021 އިން ފެށިގެން އެމަހުގެ ކުރީގެ ދުވަސްތަކުގައި ފުރަތަމަ ޑޯޒް ޖަހާފައިވާ މީހުންނަށް ފުވައްމުލަކު ހޮސްޕިޓަލުން ހާމަކޮށްފިއެވެ.
ފުވައްމުލަކު ހޮސްޕިޓަލުން މިގޮތަށް ހަމަޖައްސާފައި މިވަނީ މިދުވަސްކޮޅު ކޮވިޑް-19 ވެކްސިންގެ 2 ވަނަ ޑޯޒް ޖެހުމަށް ގިނަ ބަޔަކު ކިޔޫގައި ޖެހި ވެކްސިން ޖެހުމަށް ބާރުބޮޑުވެފައި ވަނިކޮށެވެ. ފުވައްމުލަކުއް ސިޓީގައި ވެކްސިންގެ ދެވަނަ ޑޯޒް ޖަހާ ދެ މަރުކަޒުގައި ކޮންމެ ރެއަކުވެސް ގިނަ ބަޔަކު ކިއުޖެހެމުން އަންނަކަން ފާހަގަ ވެއެވެ.
ކޮވިޝީލްޑް 2ވަނ ޑޯޒް ޖަހަން ކުރުނދުމާމާލަމުގެ ކިއުގައި ތިބި މީހުން
ފުވައްމުލަކު ހޮސްޕިޓަލުން މިބަދަލުގެނައި ކަމަށް ބެލެވެނީ ކޮވިޝީލްޑްގެ ދެވަނަ ޑޯޒް ޖެހުމުގެ މުއްދަތު އެފަރާތްތަކަށް ހަމަވުމަށް ގާތްވަމުންދާތީ ކަނޑައެޅިފައިވާ 4 ހަފަހުތާ (8 ވަނަ ހަފުތާއިން 12 ވަނަ ހަފުތާއަށް) މުއްދަތުގެ ތެރޭގައި ފުރަތަމަ ޑޯޒް ޖަހާފައިވާ މީހުންނަށް 2 ވަނަ ޑޯޒް ޖެހުމަށް ފުރުުސަތު ފަހިކޮށް ދިނުމަށްކަމަށް ބެލެވެއެވެ.
މިކަލް ނޫހުނގެ ތަފާސް ހިސާބުތަކަށް ބަލާއިރު ފެބްރުއަރީ 19 ގެ ކުރިން ފުވައްމުލައް ސިޓީގައި ކޮވިޝީލްޑް ފުރަތމަ ޑޯޒް ޖަހާފައި ވަނީ ޖުމްލަ 904 މީހުންނެވެ. އަދި ފުވައްމުލައް ސިޓީގައި މިހާތަނަށް 2284 މީހުންނަށް 2 ވަނަ ޑޯޒް ޖަހާފައިވުމުން އޭގެތެރޭގައި ފެބްރުއަރީ 19ގެ ކުރިން ފުރަތަމަ ޑޯޒް ޖެހި ގިނަބަޔަކު ހިމެނިފައިވުމުގެ ފުރުސަތު ބޮޑެވެ. ވުމާއެކު ބެލެވޭ ގޮތުން ފެބްރުއަރީ 19ގެ ކުރިން ފުރަތަމަ ޑޯޒް ޖެހި މީހުންގެ ތެރެއިން ގިނަ ބަޔަކު މިހާރުވާނީ 2 ވަނަ ޑޯޒް ވެސް ޖަހައިފައެވެ. ނަމަވެސް އެމުއްދަތުގައި ހިމެނޭ މަދުބަޔަކަށް 2 ވަނަ ޑޯޒް ނުޖެހި ތިބުމުން އެމީހުންނަށް އެފުރުސަތު ދިނުން އަވަސްކުރުމުގެ ގޮތުން ނިންމި ނިންމުމެއްކަމަށް ބެލެވެއެވެ.
19 ފެބްރުއަރީ 2021 ގެ ކުރިން ފުވައްމުލައް ސިޓީގައި ކޮވިޝީލްޑް ފުރތަމަ ޑޯޒް ޖެހި މީހުންގެ އަދަދު
ވެކްސިންގެ 2 ވަނަ ޑޯޒްގެ ޝެޑިއުލަށް ބަލާއިރު އެމީހުންނަށް ދެވަނަ ޑޯޒް ޖަހަން ޖެހޭ މުއްދަތު ކުރިޔަށް މިފެށޭ މޭމަހުގެ 14 އަށް ހަމަވާނެއެވެ.
ފުވައްމުލަކު ހޮސްޕިޓަލުން ހާމަކުރައްވާފައިވަނީ އެހެން މީހުންނަށް (20 ފެބްރުއަރީ 2021 އިން ފެށިގެން ފަހުގެ ތާރީޚުގައި ފުރަތަމަ ޑޯޒް ޖަހާިއފައިވާ މީހުންނަށް) 2 ވަނަ ޑޯޒްގެ ވެކްސިން ޖަހަން އަލުން ފަށާނެ ތާރީޚެއް ފަހުން އިއުލާން ކުރާނެ ކަމަށެވެ. ނަމަވެސް ބެލެވެނީ ދެ ދުވަހެއްގެ ތެރޭގައި އެމީހުންނަށް 2ވަނަ ޑޯޒް ޖެހުމުގެ ފުރުސަތު ވެސް ހުޅުވިގެން ދާނެކަމަށެވެ.
ފުވައްމުލަކު ހޮސްޕިޓަލުގެ އެންގުން
+1
+1
ޚިޔާލުތައް