މުހައްމަދު ޝިހާބް ފުވައްމުލައް ސިޓީގެ ކޮވިޑް-19 ގެ ދެވަނަ ރާޅާއެކު އިއްޔެ އާއި ހަމަޔަށް ފުވައްމުލައް ސިޓީއިން ފެނިފައިވަނީ ކޮވިޑް-19ގެ އެއް ކްލަސްޓާ ކަމަށް ފުވައްމުލައ ސިޓީ ހެލްތު އިމަޖެންސީ ސެންޓަރުގެ ރޭގެ ބައްދަލުވުމުގައި ހާމަކުރައްވައފިއެވެ. މިކްލަސްޓާ ގުޅިފައިވަނީ ދިގުވާޑު އަވަށުގައި ހުންނަ މަސްޖިދުއް ސަފްވާއަށް ނަމާދަށް ދިޔަ މީހުންނާއެވެ.
އިއްޔެ ވަނީ އިތުރު 4 މީހަކު ބައްޔަށް ޕޮޒިޓިވް ވެފައެވެ. އެއާއެކު މިކްލަސްޓާގެ ޕޮޒިޓިވް ކެސްގެ އަދަދު ޖުމްލަ 14 އަށް އެރީއެވެ. ކޮންޓެކްޓުންގެ އިތުރު ސާމަޕްތައް ނަގައި ޓެސްޓް ކުރުމަށް ވަނީ ފޮނުވާފައެވެ. އަދި ރަށުގެ ކޮވިޑް-19ގެ ޙާލަތު މުޅިން އެނގިގެންދާނީ އެ ސާމްޕަލްތަކުގެ ނަތީޖާ ލިބުމުން ކަމަށް ރޭގެ ޕްރެސް ކޮންފަރެންސްްގައި ހާމަކުރެއްވިއެވެ. މިހާރު ފުވައްމުލައ ސިޓީގައި ބަލީގެ އެކްޓިވް 17 މީހުން އެބަތިއްބެވެ. އަދި ބަލިން 74 މީހަކު ރަނގަޅުވެފައި ވެއެވެ. އަދި އިއްޔެ 201 ސާމަޕަލް ނަގާފައި ވެއެވެ. މިއީ މުޅިންވެސް ފްލޫ ކްލިނިކްގެ ސާމްޕަލްތަކާއި ހޯމް ކަރަންޓީނު ސާޕަލްތަކާއި ބަލީގެ ޑައިރެކްޓް ކޮންޓެކްޓުންގެ ސާމަޕަލްތަކެވެ. ރަށުން ރޭންޑަމް ސާމްޕަލް ނަގަންފަށާނީ ކޮންޓެކްޓުންގެ ސާމްޕަލްތައް ނަގައި ނިމިގެން ކަމަށް މައުލޫމާތު ދެއްވިއެވެ.
ފުވައްމުލައް ސިޓީ ކޮވިޑް-19 އަޕްޑޭޓް 7 މެއި 2021
ޕޮޒިޓިވް ކޭސްތަކާއި ގުޅިގެން 167 މީހަން ޑައިރެކްޓް ކޮންޓެކްޓުންގެ ގޮތުގައި ފާހަގަކުރެވިފައި ވެއެވެ.
މިރާޅާއެކު ކޮވިޑް-19 ޖެހޭ މީހުންނަށް ކުރާ އަސަރު ބޮޑުކަމަށެވެ. ވުމާއެކު ރައްޔިތުން މިކަމަށް ސަމާލުވެ ބަލިން ރައްކާތިރުވުމުގެ ކަންތަތަކަށް ސަމާލުކަން ދިނުމަށް ތަކުރާރުކޮށް އެދިފައި ވެއެވެ.
ފުވައްމުލައް ސިޓީއަސް ދިމާވި ކޮވިޑް-19ގެ ފުރަތަމަ ރާޅާއެކު ކާފިއު އިއުލާންކުރީ 10 ފެންރުއަރީ 2021 ގައެވެ. އެއިގެ 3 މަސް ދުވަސް ފަހުން މިވަނީ 2 ވަނަ ރާޅަކާއި ވެސް ކުރިމަތިލާން ޖެހިފައެވެ.
އިއްޔެ އެޗްޕީއޭއިން ވަނީ ފުވައްމުލައް ސިޓީއާއި އައްޑޫ ސިޓީގައި ކޮވިޑް-19 ފެތުރޭތީ ރައްކާތެރިކަމުގެ ގެތުން ޚާއްސަ ފިޔަވަލުތަކެއް އަލާއި ރަށުގައި އާއްމުކޮށް ބޭރަށް ނުކުމެ އުޅުން (ކާފިއު) ވަނީ 1 ހަފުތާއަށް (7-14 މެއި 2021) މަނާކޮށްފައެވެ. އެއާއެކު ޒަރޫރީ ބޭނުމެއްގައި ނޫނީ އެއްތަނުން އަނެއް ތަނަށް ދިއުމަކީ މަނާކަމެކެވެ.
އެޗްޕީއޭއިން އަޅަފައިވާ ޚާއްސަ ފިޔަވަޅުތައް؛
1. ރޭގަނދު 9:00 އިން ފެށިގެން ފަތިހު 4:00 އަށް އެއްގަމު އުޅަނދުފަހަރު ދުއްވުމާއި، މުގުމައްޗާއި އާއްމު ތަންތަނަށް މީހުން ނުކުމެ އުޅުން މާނާ.
2. ޕާޓީތަކާއި ހަފުލާތަކާއި، ބައްދަލުވުންތައް، އަދި ރަސްމިއްޔާތުތައް ބޭއްވުން ހުއްޓައިލުން.
4. ފުވައްމުލައް ސިޓީގެ އެއް އަވަށުން އަނެއް އަވަށަށް ދަތުރުކުރުން ހުއްޓައިލުމާއި، އެއްގެއިއން އަނެއްގެއަށް ޒިޔާރަތް ކުރުން ހުއްޓައިލުން. (3. އައްޑުސިޓީގެ އެއްރަށުން އަނެއްރަށަށް)
5. އެއްފަހަރާ 3 މީހުންނަށްވުރެ ގިނައިން މަގުމައްޗަށާއި އާއްމު ތަންތާނގާއި އެއްވެ އުޅުން ހުއްޓައިލުން.
6.ސެލުންތަކާއި، ބޯކޮށާތަން އަިދ ޖިމްތައް ބަންދުކުރުން
7. ހުރިހަ ކުޅިވަރު ހަރަކާތްތަކާއި ކައްސަރަތުގެ ހަރަކާތްތައް ހިންގުން ހުއްޓައިލުން.
8. ޓޭކްސީގެ ޚިދުމަތް އެޗްޕީއޭގެ ގައިޑްލައިނާއި އެއްގޮތަށް ދިނުން.
9. ފިހާރަތަކުން ވެސް އެޗްޕީއޭގެ ގައިޑްލައިންއައި އެއްގޮތަށް ޚިދުމަތް ދިނުން.
10. ޔުނިވާސިޓީ، ކޮލެޖްތަކުގެ ކްލާސްތައްކަށް ދަރިވަރުން ހާޒިރުވެގެން ކުރިޔަށް ގެންދިއުން ހުއްޓައިލުން.
11. ކެފޭ، ހޮޓާ، ރެސްޓޯރަންޓް ތަކާއި ކާބޯތަކެތީގެ ޚިދުމަތްދޭ އެހެނިހެންތަންތަން ޑެލިވަރީއާއި ޓޭކްއަވޭ ނުންގޮތަށް ޚިދުމަތް ދިނުން ހުއްޓާލުން.
މީގެ އިތުރުން ފުވައްމުލައް ސިޓީ ކައުންސިލުން ވަނީ މީގެ 2 ދުވަސް ކުރިން ރައްކާތެރިކަމުގެ ފިޔަވަޅުތަކެއް އަޅާފައެވެ. މިދެ ފަރާތުގެ ފިޔަވަޅުތަކުގައި ކޮންމެވެސް ވަރެއްގެ ތަފާތުތަކެއް އެބަހުއްޓެވެ.
ފުވައްމުލައް ސިޓީ ކައުންސިލްގެ މީޑިއާ ބްރީފިން 7 މެއި 2021
ފުވައްމުލައް ސިޓީ ކައުންސިލުން އަޅާފައިވާ ފިޔަވަޅުތައް
އިއްޔެ ގެ ޕޮޒިޓިވް ކޭސްތަކާއި ގުޅިގެން ފުވައްމުލައް ސިޓީ ކައުންސިލުން އަޅާފައިވާ ފިޔަވަޅުތައް
1. ޒަރުރީ ބޭނުމެއްގައި ނޫނީ އެއްގެއިން އަނެއްގެއަށް ދިއުންހުއްޓާލުން އަދި ގެއިން ބޭރަށް ނިކުމެ ނޫޅުން
2. ފުވައްމުލައް ސިޓީގައި ގައިމުވެފައިވާ ހުރިހާ އޮފީސްތައް ބަންދުކޮށް ޚިދުމަތްތައް އޮންލައިންކޮށް ދިނުމަށް ބަދަލުކުރުން
4. ސްކޫލްތަކާއި ކޮލެޖް، ޓިއުޝަން އަދި ގްރުއާން ކްލާސްތައް ވެސް އޮންލައިންކޮށް ކުރިޔަށް ގެންދިއުމަށް ބަދަލުކުރުމަށް ސިޓީކައުންސިލުން ވަނީ ނިންމާފައެވެ.
5. ކެފޭ، ރެސްޓޯރަންޓް ތަކާއި ސައިހޮޓާ ފަދަ ތަންތަން އެޗްޕީއޭގެ މިންގަޑާއި އެއްގޮތަށް، ޓޭކް އަވޭ އަދި ޑެލިވަރީއަށް އަދި އިތުރަށްވެސް ގައިޑްލައިންގެ ތެރެއިން ޚިދުމަތްދިނުން
6. ފިހާރަތަކުން ޚިދުމަތްދޭ އިރުވެސް ގައިޑްލައިންއައި އެއްގޮތަށް އެފިހާރައަކަށް އެފާހަރާ ވަނުމަށް ކަނޑައެޅިފައިވާ މިންގަޑާއިއެއްގޮތަށް ޚިދުމަތްދިނުން
7. ސެލޫންތަކާއި ބޯކޮށާ ތަންތަން އަދި ޖިމްތައް ވަގުތީ ގޮތުން ބަންދުކުރުން
8. ކުޅިވަރު ހަރަކާތްތައް ހުއްޓާލުން އަދި ޕާކްތަކާއި މައިޒާންތައް ބަންދުކުރުން
9. ހަފުލާތަކާއި ޕާޓީތަކާއި، އެއްވުންތައް، ބައްދަލުވުންތައް، ރަސްމިއްޔާތުތައް، އަދި މިނޫންވެސް ގިނަ މީހުން އެއްވެގެން ކުރިޔަށް ގެންދާ ހަރަކާތްތައް އޮންލައިންކޮށް ކުރިޔަށްގެންދިއުން. އަދި އެއްވެ ނޫޅުން.
މިކަންތައްތައް ތަންފީޒުކުރުން ކަމާބޭހޭ އިދާރާތަކުން ކުރިޔަށްގެންދާނެ ކަމަށް ރޭގެ މީދިއާ ބްރީފިންގައި ހާމަކޮށްފައި ވެއެވެ.
ޒަރޫރީ ބޭއްނުމެއްގައި ދަތުރުކުރާން ޖެހޭ ފަރާތްތަކުން ދުރާލާއެކަމަށް އެދި ހުށަހަޅާއިގެން ކަންތައްތައް ފުރިހަމަކުރުމަށް އެދިފައިވެއެވެ. ފުވައްމުލައް ސިޓީ މޮނިޓަރިންއަށް ލުމާއި ގުޅިގެން މިފިޔަވަޅުތައް އެޅުމަށް ސިޓީ ކައުންސިލުން ވަނީ ނިންމާފައެވެ.
މިހާލަތުގައި ފުވައްމުލައް ސިޓީއަށް ދަތުރުކުރެވޭނީ އެޗްޕީއޭގެ ޚާއްސަ ހުއްދައެއްނަގައިގެންވެ. މިހުއްދައަށް އީމެިއލް މެދުވެރިކޮށް އެދޭވޭގޮތަށް ވަނީ ހަމަޖައްސާފައެވެ.
ވެކްސިން އަޕްޑޭޓްސް
އިއްޔެ ފުވައްމުލައް ސިޓީއިން އެއްވެސް މީހަކު ވެކްސިން ޖހާފައެއް ނުވެއެވެ. ސިނޮފާމް ވެކްސިން ޖެހުން ކުރިޔަށް ގެންދިއުމަށް މިޙާރު އޮތް ހުރަޖހަކި ރަށުގައި ކާފިއު އިއުލާންކޮށްފައި ވުމެވެ.
ފުވައްމުލައް ސިޓީގައި ދިރިއުޅޭ ކަމަށް ބެލެވޭ 10،705 މީހުންގެ %26.8 މީހުން ވަނިކޮވިޝީލްޑް 2 ވަނަ ޑޮޒް ފުރިހަމަކޮށްފައެވެ.
މިއީ ފުވައްމުލައް ސިޓީގައި ދިރިއުޅޭ މީހުންގެ ތެރެއިން ވެކްސިން ޖެހުމުގެ ފުރުސަތު އޮތް (18 އަހަރުން މަތީ) 7735 މީހުންގެ %73.7 މީހުން ވަނީ ކޮވިޑް-19 ވެކްސްިންގެ ފުރަތަމަ ޑޯޒް ޖަހާފައެވެ.
ފާއިތުވި އަންގާރަ ދުވަހު (6 މެއި 2021) ގެ ނިޔަލަށް ކޮވިޑް-19 ވެކްސިންގެ 2 ވަނަ ޑޯޒް ފުވައްމުލައް ސިޓިއިން 2868 މީހަކު ފުރިހަމަކޮށްފައި ވެއެވެ. އަދި 5711 މީހަކު ފުރަތަމަ ޑޯޒް ފުރިހަމަކޮށްފައި ވެއެވެ.
ޚިޔާލުތައް