މުހައްމަދު ޝިހާބް އިއްޔެއަކީ ވެސް ފުވައްމުލައް ސިޓީއިން ގިނަ އަދަދެއްގެ ބަޔަކު ކޮވިޑް-19 ޕޮޒިޓިވްވި ދުވަހެކެވެ. އެގޮތުން އިއްޔެ ވަނީ 18 ކޭސް ޕޮޒިޓިވް ވެއެވެ. މިއީ މިހާތަނަށް އެއްދުވަހެއްގެ މައްޗަށް ފުވައްމުލައް ސިޓީއިން އެންމެ ގިނަ ޕޮޒިޓިވް ކޭސް ރެކޯޑު ކުރެވުނު ދުވަހެވެ. މީގެެ އެއްދުވަސް ކުރިން 17 ކޭސް ރެކޯޑް ކުރެވިފައި ވެއެވެ.
އިއްޔެ އަލަށް ޕޮޒިޓިވްވި ކޭސްތަކުގެ ތެރޭގައި ހޯމް ކަރަންޓީނުން 4 މީހަކާއި، ރޯގާގެ އަލާމާތް ހުރެގެން ފްލޫ ކްލިނިކަށް ދެއްކުމުން ނެގި ސާމަޕަލުން ޕޮޒިޓިވްވި 8 މީހުން ހިމެނޭކަމަށް ފާހަގަ ކޮށްފައިވެއެވެ. ފްލޫ ކުލިނިކުން އިއްޔެ ޕޮޒިޓިވްވި ބައެއް މީހުންނަކީ ޑިރެކްޓް ކޮންޓެކްޓްސްގެ ގޮތުގައި ވެސް ފާހަގަ ކުރެވިފައިވާ ފަރާތަކެއް ކަމަށް ފުވައްމުލަކު ހޮސްޕިޓަލުން ހާމަކުރެއްވިއެވެ. އަދި އިއްޔެ ވަނީ ޑިޕާޗާ ސާމަޕްލުން 1 ފަތުރުވެރިއަކު ވެސް ބައްޔަށް ޕޮޒިޓިވް ވެފައި ކަމަށް ސިނިއާ ޕަބްލިކް ހެލްތު އޮފިސާ އާމިނަތު އަހުމަދު ހާމަކުރެއްވިއެވެ.
ރޭގެ ނޫސްވެރިންގެ ބައްދަލުވުމުގައި ފުވައްމުލައް ހޮސްޕިޓަލުގެ ސިނިއަާ ޕަކްލިކް ހެލްތު އޮފިސާ އާމިނަތު އަހުމަދު
ޑައިރެކްޓް ކޮންޓެކްޓުންގެ ތެރެެއިން މިހާތަނަށް ނަތީޖާ ލިބުނު ސާމްޕަލްތަކުން 32 ފަރާތެއް ބައްޔަށް ޕޮޒިޓިވްވެފައިވާ ކަމަށް އާމިނަތު އަހުމަދު ރޭގެ ޕްރެސް ކޮންފަރެންސްގައި ހާމަކުރެއްވިއެވެ.
މިހާރު ޕޮޒިޓިވް ވެފައިވާ ކޭސްތަކުގެ ތެރޭގައި 3 މަހުގެ ތުއްތު ކުއްޖަކާއި 6 މަހުގެ ތަލަސީމިއާ ކުއްޖަކު ވެސް ޕޮޒިޓިވް ވެފައިވާ ކަމަށް ފުވައްމުލަކު ހޮސްޕިޓަލުގެ ކްލިނިކަލް ހެޑް ޚަދީޖާ އަބްދުލް މަޖީދު ހާމަކުރެއްވިއެވެ. މިހާރު ޕޮޒިޓިވް ކޭސްތައް ރަށުގެ ހުރިހާ ހިސާބެއްގައި ވެސް ތިބިކަމަށާއި، ވުމާއެކު ވަކި ހިސާބަކި ސޭފް ތަންތަން ކަމުގައި ބެލެވެން ނެތްކަމަށް ވިދާޅުވިއެވެ. ވުމާއެކުއާއްމު ރައްޔިތުންގެ ހަރަކާތްތައް މަދުކުރެވި އެކަމަށް ސަމާލުވެގެން އުޅުމަށް އިސްކަންދޭން ޖެހޭ ކަމަށް ހާމަކުރެއްވިއެވެ.
ވީވަރަކުން ހޮސްޕިޓަލަށް އައުން މަދުކުރުމަށާއި ހޮސްޕިޓަލަށް ކޮންމެހެން އަންނަން ޖެހެ މީހުން ވެސް އެކަނިއައުމަށާއި އެހީތެރިއަކު ބޭނުންވާ މީހުން އިތުރު އެކަކު ގެނައުމަށާއި ކޮންމެހެން ބޭނުން ޖެހިގެން ނޫނީ ކުޑަކުދިން ހޮސްޕިޓަލަށް ނުގެނައުމަށް ވެސް އިލްތިމާސް ކުރެއެވެ. އެއީ ހޮސްޕީތަލުގެ ތިބި މީހުންގެ ވެސް ސަމާލަތަށް ވިސްނައިގެން ކަމަށާއި، ބަލީގެ ކޮންޓެކްތްުންގެ ގޮތުގައި ހޮސްޕިޓަލުގެ މުވައްޒަފުން ކަރަންޓީން ކުރަންޖެހުމާއި އައިސޮލޭޝަނަށް ދާން ޖެހޭ މިންވަރު އިތުރުވެއްޖެނަމަ ހޮސްޕިތަލުން ދެވޭ ޚިދުމަތްތައްކަށް ބުރޫއަރާފާނެތީ ކަމަށް ޚަދީޖާ ހާމަކުރެއްވިއެވެ. މިދުވަސްވަރު ބަލިމީހުންނަށް އެއްގޮތަކަށް ވެސް ޒިޔާރަތް ނުކރުމުމަށް އެދެއެވެ.
ރޭގެ ނޫސްވެރިންގެ ބައްދަލުވުމުގައި ފުވައްމުލައް ހޮސްޕިޓަލުގެ ކްލިނިކަލް ހެޑް ކަދިޖާ އަބްދުލް މަޖީދު
އިމަޖެންސީ ހާލަތުގައި ނޫނީ ބަލިވެގެން ހޮސްޕިޓަލަށް ނައައުމަށާއި އޯޕީޑީ ބަލިމީހުން ޑޮކްޓަރަށް ދެއްކުމަށް ހޮސްޕިޓަލުގެ ނަމްބަރަށް ގުޅައިގެން އޮންލައިންކޮށް ޑޮކްޓަރަށް ދެއްކުމުގެ އިންތިޒާމު ހަމަޖެހިގެން ދާނެކަމަށެވެ. އަދި އިމާޖެންސީ ހަލަތުގައި ބަލިމީހާ ހޮސްޕިޓަލަށް ގެނެވޭ ހިންދުވެސް ބައިބޯވާގޮތަށް ގިނަ މީހުން ހޮސަޕިޓަލަށް ނައައުމަށް އެދިފައިވެއެވެ. އޯޕީޑީގެ ޚިދުމަތް މެދުނުކުެޑި މިފަހަރު ކުރިޔަށްގެންދެވެތޯ މަސައްކަތް ކުރުމުން ދާކަމަށެވެ.
އިއްޔެގެ ޕޮޒިޓިވްވި ކޭސްތަކާއެކު މިހާތަނަށް އެކްޓިވް 45 ކޭސް ހިމެނޭއިރު އެއީ ދިވެހި 41 މީހުނާއި ބިދޭސީ 4 މީހުންނެވެ. މިހާތަނަށް ފުވައްމުލައް ސީޓީއިން ޕޮޒިޓިވްވެފައިވާ ޖުމްލައަކީ 118 އެވެ.
ފުވައްމުލައް ހޮސްޕިޓަލުން ހާމަރާއްވާ ގޮތުގައި މިހާރު ފެންނަމުންދާ ބައެއް ކޭސްތަކަކީ ކުރީގެ ކޭސްތަކާއި އެއްވެސް ގުޅުމެއްނެތް ކޭސްތަކެކެވެ. އެގޮތުން އަރިދަފުސް ރޯގާގެ އަލާމާތްތައް ހުރެގެން ފްލޫ ކްލިނިކަށް ދައްކާ މީހުންގެ ތެރެއިން ވެސް ޕޮޒިޓިވްތައް ފެންނަމުން ދާކަމަށް ހާމަކުރެއެވެ. އެއާއެކު ހާމަވަނީ ރަށުތެރެގައި ބަލި އުޅޭ ކަމެވެ. އެގޮތުން ބަލިން ރައްކާތެރިވުމަށް ސަމާލުކަން ދިނުމަށް އެދިފައި ވެއެވެ. އަދި ސާމްޕަލް ނަގައި ނަތީޖާ ނުލިބި ގިނަ ދުވަސް ވިޔަސް ރައްކާތެރިކަން އިސްކުރުމަށް ހޮސްޕިޓަލުން ދޭ އިރުޝާދުތަކާއި އެއްގޮތަށް އަމަލުތައް ބެހެއްޓުމަށް އިލްތިމާސް ކޮށްފައި ވެއެވެ.
ރޭ ފުވައްމުލަކު އިމަޖެންސީ އޮޕަރޭޝަން ސެންޓަރުން ބޭއްވި ބައްދަލުވުމުގައި ފުވައްމުލަކު ހޮސްޕިޓަލުގެ ފަރާތުން ސިނިއާ ޕަބްލިކް ހެލްތު އޮފިސާ އާމިނަތު އަހުމަދާއި ކްލިނިކަލް ދާއިރާގެ ހެޑް ޚަދީޖާ އަބްދުލް މަޖީދު އާއި ފުވައްލުކު ސިޓީ ކައުންސިލްގެ ފަރާތުން ޑިރެކްޓާ ޖެނެރަލް އަހުމަދު ނިޖާހު ބައިވެރިވެ ފައިވެއެވެ.
ކޮންޓެކްޓުންގެ ސާމްޕަލް ނަގައި ނަތީޖާ ނުލިބި ގިނަ ދުވަސްވެގެންދާކަމުގެ ކަންބޮޑުވުން އޮތްކަމަށް ފުވައްމުލަކު ހޮސްޕިޓަލުގެ ފަރާތުން ވެސް ރޭ ހާމަކުރިއެވެ. އަދި މިކަމަކީ ސާމްޕަލް ނަގާފައިވާ ގިނަ ބަޔަކު ކަންބޮޑުވުން ފާޅުކުރަމުން އަންނަ ކަމެކެވެ.
އިއްޔެނެގުނު ސާމަޕްލް 70
ނަތީޖާ ނުލިބި ހުރި ސާމްޕަލް: 272
މިހާތަނަ ރަށުން ނެގުނު ޖުމްލަ ސާމްޕަލް 9827
ޕޮޒިޓިވް ކޭސްތަކާއި ގުޅިގެން އައިސޮލޭޓް ކުރެވިފައިވާ 415 މީހުން
އެކަހެރިކުރެވިފައިވާ މީހުންގެ ތެރޭގައި ހައިރިސްކު 67 މީހުން، އަރިދަފުސްން ރޯގާގެ އަލާމަތް ހުރި 168 މީހުން
ޚިޔާލުތައް