މުހައްމަދު ޝިހާބް ފުވައްމުލައް ސިޓީގެ ކޮވިޑް-19 ގެ ޙާލަތު އަދިވެސް ރަނގަޅު ނުވާކަމާއި ހާލަތު އަދިވެސް އޮތީ ގޯސްކޮށް ކަމަށް އިއްޔެ އަލަށް ޕޮޒިޓިވް ވި 20 ކޭސް އިން ހާމަވެއެވެ.
މި މެއި މަހުގެ 6 ވަނަ ދުވަހުން ފެށިގެން ފުވައްމުލައް ސިޓީގެ ކޮވޑް-19ގެ ހާލަތު ވަނީ ގޯސްވާން ފާށާފައެވެ. އެގޮތުން އެދުވަހު އެކަނިވެސް 10 ޕޮޒިޓިވްވި ކޭސް ފެނިފައިވާ އިރު އެހަފުތާ ފަހުކޮޅަށް އައިއިރު ގިނަ ސާމްޕަލް ތަކެއްގެ ނަތީޖާތައް ލިބި، ޕޮޒިޓިވް ކޭސްގެ ދުވަހީ އަދަދުތައް، 17، 18، 25، 9 އަދި އިއްޔެ މިވަނީ 20 ގައެވެ. މި ނަމްބަރުތަކަށް ބަލާއިރު ރަށުތެރޭގައި ބަލި ފެތުރިފައިވާ ކަމަށް ގަބޫލުކުރެއެވެ. އަދި ފަރުދުންގެ ސަމާލުކަން އިތުރަށް ނުދެވިއްޖެ ނަމަ މިހާރަށްވުރެ ވެސް ހާލަތު ގޯސްވެ ފުރިހަމަ ލޮކްޑައުންއަކަށް ވެސް ދާން ޖެހިދާނެ އެވެ.
މިއަދުގެ 20 ޕޮޒިޓިވް ކޭސްގެ ތެރޭއިން 11 ކޭސް ގުޅެނީ މިސްކިތު ކްލަސްޓާއާއެވެ. އަދި ފްލޫ ކްލިނިކަށް ދެއްކި 2 މީހަކާއި ހޯމް ކަރަންޓީނުން 2 މީހަކު ކްލަސްޓާ 5 ގެ 6 ކޭސް އެއް މީގެތެރެގައި ހިމެނެއެވެ.
ފުވައްމުލައް ސީޓީ އީއޯސީގެ ޕްރެސްގައި ސިޏިއާ ޕަބްލިކް ހެލްތު އޮފިސާ އާމިނަތު އަހުމަދު މައުލޫމާތު ދެއްވަމުން ގެންދަވާ.
އިއްޔެގެ 20 ޕޮޒިޓިވް ކޭސް އާއެކު ރަށުގެ އެކްޓިވް އަދަދު މިވަނީ ބަލިން މިހާތަނަށް ރަނގަޅުވި ޖުމްލަ 75 އަށް ވުރެވެސް މައްޗަށް ގޮސްފައެވެ. މިހާރު ބަލީގެ އެކްޓިވް 99 މީހުން އެބަތިއްބެވެ. އަދި މިހާތަނަށް ފުވައްމުލައް ސިޓީއިން ބަލި ޖެހުނު ޖުމްލަ 172 އަށް އެރީއެވެ. އެކްޓިވް ކޭސްތަކުގެ ޖުމްލާގައި ފުވައްމުލަކު ނޫން އެހެން ރަށަކުން ނެގި ސާމްޕަލުން 2 ޕޮޒިޓިވް ކޭސް ހިމެނޭއެވެ.
އިއްޔެ ހަވީރު 6:00 އާއި ހަމަޔަށް ފާއިތުވި 24 ގައިޑިއިރު ނަގާފައިވާ ސާމަޕަލްގެ އަދަދަކީ 135 އެވެ. މި ސާމަޕްލަތަކަކީ ފަތުރުވެރިންނާއި، ހޯމް ކަރަންޓީނު މީހުން، ރޯގާގެ އަލާމާތް ހުރެގެން ފްލޫ ކްލިނިކުން ނެގި ސާމްޕަލްއާއި، ކޮންޓެކްޓް ޓްރޭސިންގެ ސާމްޕަލްތަކުގެ އިތުރުން ރަށުތެރެއިން ނެގި ރެންޑަމް ސާމްޕަލް ތައް ހިމެނެއެވެ. މީގެ ތެރޭގައި ރަށުގެ ކޮމިއުނިޓީ ތެރޭގައި ބަލި ފެތުރިފައިވާ މިންވަރު ދެނެގަތުމަށް ނެގި 100 ރޭންޑަމް ސާމްޕަލް ވެސް ހިމެނެއެވެ.
އިއްޔެ ނެގި 135 ސާމްޕަލްއާއެކު 208 ސާމްޕަލް ނަތީޖާ ނުލިބި އެބަހުއްޓެވެ. އަދި އިއްޔެ ނަތީޖާ ލިބިފައި ވަނީ 98 ސާމްޕަލެއްގެއެވެ. މިއާއެކު ފާހަގަ ކުރެވޭ ކަމަކީ ނަގާ ސާމްޕަލަށް ވުރެ ޓެސްޓް ކުރެވި ނަތީޖާ ލިބޭ ސާމްޕަލްގެ އަދަދު ދަށްވެފައިވާ ކަމެވެ. މިގޮތަށް ދާނަމަ މިހާރުވެސް ބޮޑު ޝަކުވާއަކަށް ވެފައިވާ ނަތީޖާ ނުލިބި ގިނަ ދުވަސްތަކެއްގެ އިންތިޒާރުގައި މީހުން ތިބެން ޖެހުން ކައިރިއެވެ.
ފުވައްމުލައް ސިޓީ އިމަޖެންސީ އޮޕަރޭޝަން ސެންޓަރުން ރޭ ބޭއްވި ނޫސްވެރިންގެ ބައްދަލުވުން. 14 މެއި 2021- ގިނަ ދުވަސްތަކަކަށް ފަހު މޭޔާ ފަލކާހު ރޭގެ ބައްދަލުވުމުގައި ބައިވެރިވެވަޑައިގަތް.
ނަމަވެސް ރޭ ބޭއްވި ފުވައްމުލައް އީއޯސީގެ ނިއުސް ކޮންފަރެންސްގައި ފުވައްމުލަކު ހޮސްޕިޓަލުގެ ސީނިއާ ޕަބްލިކް ހެލްތު އޮފިސާ އާމިނަތު އަހުމަދު ވިދާޅުވީ މިހާރު އެވްރެޖްކޮށް ދެ ދުވަހުގެ ތެރެގައި ސާމްޕަތަކުގެ ނަތީޖާ ލިބެމުންދާކަމަށެވެ. އަދި މިމަހު 7 ގައި ނެގި ބައެއް ސާމްޕަލްތަކުގެ ނަތީޖާ ނުލިބި ލަސްވެގެން އެންމެފަހުން އިއްޔެ ނޫން ކުރީ ދުވަހު (13 މެއި) އަލުން ސާމްޕަލް ނަގައި ޓެސްޓް ކުރެވި މިހާރު އެމީހުންގެ ނަތީޖާތައް ވެސް ލިބިފައިވާކަމަށެވެ.
ފުވައްމުލައް ސިޓީގެ 2 ވަނަ ރާޅާއެއެކު ޕޮޒިޓިވް މީހުންގެ ކޮންޓެކްޓުންގެ އަދަދު މިވަނީ 567 އަށް އަރާފައެވެ. މީގެ ތެރޭގައި 97 މީހުންނަކީ ހައިރިސްކު މީހުންކަމާއި 249 ފަރާތަކީ އަރިދަފުސް ރޯގާގެ އަލާމާތްތައް ހުރި މީހުންކަމަށެވެ. އަދި 164 ގެއެއް ވަނީ މޮނިޓަރިންއަށް ލެވިފައި ކަމަށް އާމިނަތު ހާމަކުރެއްވިއެވެ.
މިވަގުތު ހޯމް ކަރަންޓީނުގައި ބައްޔަށް ޕޮޒިޓިވް ވެފައިވާ 8 މީހަކު ބަލީގެ އަލާމަތް ހުރެގެން ފްލޫ ކުލިނިކުން ސާމްޕަލް ނަގައި ޕޮޒިޓިވްވި 13 އަދި ޑައިރެކްޓް ކޮންޓެކްޓުންގެ ތެރެއިން ޕޮޒިޓިވް ވެފައިވާ 77 މީހުންނާއި ޑިޕާޗާ ސާމްޕަލްއިން ޕޮޒިޓިވްވި އެއް ފަތުރުވެރިއަކު ރަށުގައި އެބަހުއްތެވެ. އަދި ދިވެހިންގެ 91 މީހަކާއި ބިދޭސީންގެ 8 މީހަކު ބަލީގައި އެކްޓިވްކޮށް އެބަތިބި ކަމަށް ރޭގެ ޕްރެސްގައި ހާމަކުރެއްވިއެވެ.
ފުވައްމުލައް ސިޓީ ކޮވިޑް-19ގެ ދެވަނަ ރާޅާއެކު ކޭސްތައް އިތުރުވެފައި 14 މެއި 2021
ފުވައްމުލައް ސިޓީގައި މިވަގުތު (2 ވަނާ ރާޅާއެކު) 6 ކްލަސްޓާއެއް އެބައޮތްކަން ކޮންޓެކްޓް ޓްރެސިންގެ މައުލޫމާތުތަކުން ހާމަވާކަމަށް އާމިނަތު ހާމަކުރެއްވިއެވެ. އިއްޔެއާއި ހަމަޔަށް ލިބުނު ނަތީޖާތަކަށް ބަލާއިރު:
ކްލަސްޓާ 1 (މިސްކިތު) – 75 ޕޮޒިޓިވް ކޭސް
ކްލަސްޓާ 2 – 4 ޕޮޒިޓިވް ކޭސް
ކްލަސްޓާ 3 – އަދި އިންޑެކްސް ކޭސް އެކަނި
ކްލަސްޓާ 4 – އަދި އިންޑެކްސް ކޭސް އެކަނި
ކްލަސްޓާ 5 – 6 ޕޮޒިޓިވް ކޭސް
ކްލަސްޓާ 6 – އަދި އިންޑެކްސް ކޭސް އެކަނި ކަމަށް ހާމަކުރެއްވިއެވެ.
ވެކްސިން ޖެހުން އަލުން ފެށުމަށް ހަމަޖެހިފައި ވަނީ ފިތުރު އީދު ބަންދަށް ފަހުގައެވެ.
ޚިޔާލުތައް