މުހައްމަދު ޝިހާބް ފުވައްމުލައް ސިޓީއިން ނެގި ކޮވިޑް-19 ރޭންޑަމް ސާމްޕަލްތަކުން ގިނައަދަދަކަށް ބިދޭސީ މަސައްކަތު މީހުންކަން ޕޮޒިޓިވް ވަމުން އަންނަކަން ފުވައްމުލައް ސިޓީގެ ކޮވިޑް ތަފާސް ހިސާބުތަކުން ހާމަވެއެވެ. އިއްޔެ ޓެސްތްކުރެވުނު ރޭންޑަމް ސާމްޕަލް ތަކުން ޕޮޒިޓިވްވި 4 މީހުންނަކީ މުޅިންވެސް ބިދޭސީ މަސައްކަތްތެރިންނެވެ. އެއާއެކު ރަށުގެ މީހުންގެ ކަންބޮޑުވުންތައް ވެސް އިތުރުވެފައި ވެއެވެ.
މީގެ އިތުރުން ރޭގައި ލިބުނު ރޭންޑަމް ސާމަޕްލްތަކުގެ ނަތީޖާއިން ވެސް 10 ބިދޭސީ މަސައްކަތްތެރިން ބައްޔަށް ޕޮޒިޓިވް ވެފައި ވާކަން ވަނީ ހާމަކޮށްފައެވެ. މިއިން ދޭހަވަނީ ފުވައްމުއްލައް ސިޓީ ކޮމިއުނިޓިގައި ބަލި ބޮޑަށް ފެތުރެމުން އަންނަނީ ބިދޭސީން ގެތެރޭގައި ކަމެވެ. ވުމާއެކު އެފަރާތްތަކުގެ ހަރަކާތްތައް ރަށުތެރޭގައި ކޮންޓްރޯލް ކުރުން މިވަނީ މުހިންމުކަމެއްގެ ގޮތުގައި ބެލެވިފައެވެ.
ފުވައްމުލަކުގައި ދިރިއުޅޭ ބަންގްލާދޭޝް މީހުނާއި އެމްބަސީން ބައްދަލުކުރުން
އަދަދުގެ ގޮތުން އެހެން މީހުންގެ ނަމްބަރުތައް މަތި ނަމަވެސް އެމީހުންނަކީ ކަރަންޓީނު ކުރެވިފައި ނުވަތަ އައިސޮލޭޓް ކުރެވިފައި ތިބި މީހުންކަމުން، އެމީހުންގެ ފަރާތުން އެހެން މީހުންނަށް ބަލި ފެތުރުމުގެ ފުރުސަތު ވަރަށް ބޮޑުތަނުން ކުޑައެވެ. ބިދޭސީ މަސައްކަތު މީހުންގެ ދިރިއުޅުމުގެ ވައްތަފާޅި އާއި ގިނަބަޔަކު ކުޑަ ތަންކޮޅެއްގައި އުޅެމުން އަންނާތީ ބަލި އިތުރަށް ފެތުރުމުގެ ފުރުސަތު އެމީހުންގެ މެދުގައި ވަކިން ބޮޑެވެ.
ބައްޔަށް ހުށަހެޅިފައިވާ ބިދޭސީ މަސައްކަތްތެރިންނާއި މެދު އަމަލުކުރާނެ ގޮތަކާއިމެދު ފުވައްމުލައް ސިޓީ ކައުންސިލުން މަޝްވަރާ ކުރުމުން އަންނަކަމަށް ވެއެވެ. އަދި މިއަދު ވަނީ ގޭގެއަށް ބިދޭސިން ގެންގޮސްގެން މަސައްކަތް ކުރުން ހުއްޓާލުމުގެ އަމުރެއް ނެރެފައެވެ.
ރޭގެ މީޑިއާ ބްރީފިންގައި ފުވައްމުލަކު ހޮސްޕިޓަލުން ވިދާޅުވެފައި ވަނީ ބިދޭސީންގެ ސާމްޕަލްތައް ނެގުމުގައި ވެސް ދަތިތަކެއް ހުރިކަމަށެވެ. އެގޮތުން އެމީހުން ވާހަކަދައްކާ ބަސް ނޭނގި މުއާމަލާތްކުރުމުގައި ދިމާވާ ދަތިތަކާއި ގިނަ ބިދޭސިންތަކެއް ސާމްޕަލް ނެގުމަށް ދެކޮޅުހަދަމުން ދާކަން ފާހަގަ ކުރެއްވިއެވެ. އަދި ބައްޔަށް ޕޮޒިޓިވް ވެފައިވާ ބައެއް ބިދޭސިން ރަށުތެރޭގައި މަސައްކަތްކުރުމަށް ގޭގެއަށް ގޮސް އުޅޭ ކަމުގެ މައުލޫމާތު ލިބޭ ކަމަށާއި ބަލިޖެހިފައިވާ މީހުންގެ ޑައިރެކްޓް ކޮންޓެކްޓުން ވެސް ރަށުތެރޭގައި އުޅޭ ކަމުގެ ޝަކުވާ ލިބޭ ކަމަށެވެ.
ކޮވިޑް-19 އަޕްޑޭޓް – 25 މެއި 2021
ބިދޭސީ މަސައްކަތު މީހުންގެ ތެރެއިން ވަކިފަރާތެއްގެ ބެލުމުގެ ދަށުގައި ނޫންގޮތަކަށް އުޅޭ މީހުން ގިނަފަހަރު އުޅޭ ތަނެއް ނޭނގުމާއި އެމީހުންނާއި އުޅެ ތަނުން އެކިތަންތަނަށް ބަދަލުވަމުންދާތީ މުއާމަލާތްކުރަން ދަތިވާކަމަށް ވަނީ އެނގިފައެވެ. ކޮންޓެކްޓްގެ ގޮތުގައި ހިމެނޭ ބައެއް މީހުން އެހެން މީހުންނާއެކު މަސައްކަތް ކުރާ ސައިޓްތަކުގައި މަސައްކަތް ކުރަމުން ދާކަމުގެ ޝަކުވާ ބައެއް ފަރާތްތަކުން މިކަލް ނޫހާއި ވެސް ހިއްސާކޮށްފައި ވެއެވެ.
ފުވައްމުލައް ސިޓީގައި އިއްޔެއާއި ހަމަޔަށް، ރަށުގައި ތިބި އެކްޓިވް ކޭސްގެ 229 މީހުންގެ ތެރެއިން 10 މީހުންނަކީ ބިދޭސިން ނެވެ. މި10 މީހުންގެ ތެރެއަށް ރޭގައި ޕޮޒިޓިވްވި 10 މީހުން ލުމުން ޖުމްލަ 20 ބިދޭސީން ވީއެވެ. އަނެއް 219 މީހުންނަކީ ދިވެހިންނެވެ.
އިއްޔެ ފުވައްމުލަކުން އަލަށް ޕޮޒިޓިވް ވެފައިވަނީ 12 މީހުންނެވެ. އެއީ:
ހޯމް ކަރަންޓީނުން 1
ފްލޫ ކްލިނިކުން 1
ކޮންޓެކްޓުންގެ 6
ރޭންޑަމް ސާމްޕަލިންގެ 4 (4 ބިދޭސިން) އެވެ.
ކޮވިޑް-19 އަޕްޑޭޓް ޗާޓް- 25 މެއި 2021
ޚިޔާލުތައް
ލިޔުމުގައި ފުދޭވަރަކަށް ކުށް އެބަހުރި.އަލުން ޗެކްކޮށްލައްވާ
ޝުކުރިއްޔާ!. އަލުން ރިވައިޒް ކުރެވިފައި.