މުހައްމަދު ޝިހާބް ފުވައްމުލައް ސިޓީއިން ކޮވިޑް-19 އަށް މިއަދު 7 މީހުން ޕޮޒިޓިވްވި އިރު އެއިގެތެރެއިން ރޭންޑަމް ސާމަޕްލުން ޕޮޒިޓިވްވި 6 މީހުން ހިމެނެއެވެ. ނަތީޖާ ލިބުނު ސާމްޕަލްގެ ނިސްބަތުން އިއްޔެ ޕޮޒިޓިވްވެފައިވާ ރޭޓް %3.9 ގައި ހުރިިއިރު މިއަދު މިވަނީ %5.1 އަށް މިއަދަދު މައްޗަށް ޖެހިލާފައެވެ.
މިއަދު ޕޮޒިޓިވްވި 7 މީހުންގެ ތެރޭގައި ރޭންޑަމް ސާމްޕަލުން ޕޮޒިޓިވްވި 6 މީހުންނަކީ ވެސް ދިވެހީންނެވެ. ދެން ހިމެނެނީ ކޮންޓެކްޓުންގެ ތެރެއިން ޕޮޒިޓިވްވި މީހެކެވެ. މި 7 މީހުންނަކީ ވެސް ދިވެހިންނެވެ.
މިހާރު ކޮވިޑް ފެސިލިޓިގައި އެޑްމިޓް ކުރެވުނު 2 މީހުންގެ ތެރެއިން ބަލިން ރަނގަޅުވުމުން ދޫކޮށްލާފައިވަނީ އެޑްމިޓްކުރި މާބަނޑު މީހާ ކަމަށް މިރޭގެ ނޫސް ކޮންފަރެންސްގައި ހާމަކުރިއެވެ.
މިރޭގެ ނޫސް ކޮންފަރެންސްގައި ފުވައްމުލަކު ހޮސްޕިޓަލުގެ ފަރާތުން ބައިވެރިވެފައެއް ނުވެއެވެ. މިރޭ މައުލޫމާތު ދެއްވީ ސިޓީ ކައުންސިލް މެމްބަރު މުހައްމަދު އިސްމާއީލް އާއި ފުވައްމުލައް ސިޓީ ކައުންސިލް ޑިރެކްޓާ ޖެނެރަލް އަހުމަދު ނިޖާހު އެވެ.
ކޮވިޑް-19 ޖެހިފައި މިހަރު ތިބި މީހުންގެ އުމުރުފުރާތައް 15 ޖޫން 2021
އާއްމު އުސޫލެއްގެ ގޮތުން ބިދޭސިން ލަައްވައި މަސައްކަތްކުރުވުން މަނާކުރެވިފައި ވީނަމަވެސް ސިޓީ ކައުންސިލުން ކަނޑައަޅާފައިވާ އުސޫލެއްގެ ދަށުން ބަލައިގެން ހުއްދަ ދޫކޮށް މަސައްކަތް ކުރުވުމަށް ފުރުސަތު ދެމުންދާކަމަށް މިރޭގެ ނޫސް ކޮންފަރެންސްގައި ހާމަކޮށްފައި ވެއެވެ.
އިއްޔެ ބައްޔަށް ޕޮޒިޓިވްވި 7 މީހުންގެ ތެރޭގައި ހިމެނެނީ:
ހޯމް ކަރަންޓީން 0
ފްލޫ ކުލިނިކުން 0
ކޮންޓެކްޓުންގެ 1
ރޭންޑަމް ސާމްޕަލް 6/100
ރޭންޑަމް 6 ސާމްޕަލުން ޕޮޒިޓިވްވި މީހުނާއި ގުޅިގެން 15 ކޮންޓެކްޓުން ފާހަގަ ކުރެވިފައިވާ ކަމަށާއި 4 ގެއެއް މޮނިޓަރިން އަށް ލާފައިވާ ކަމަށް ހާމަކުރެއްވިއެވެ. މިމީހުންގެ ތެރޭގައި ހައިރިސްކު 3 މީހަކާއި ރޯގާގެ އަލާމަތް ހުރި 3 މީހުން ހިމެނެއެވެ.
އިއްޔެ ބަލިން ރަނގަޅުވެފައި ވަނީ 7 މީހެކެވެ. އެއާއެކު ބަލީގައި މިހާރު ތިބި މީހުން ޖުމްލަ އަކީ 153 އެވެ. އެއީ 103 ދިވެހިންނާއި 50 ބިދޭސީންނެވެ. އެމީހުންގެ ޖިންސީ ނިސްބަތަށް ބަލާއި ހިމެނެނީ 99 ފިރިހެންނުންނާއި 54 އަންހެނުންނެވެ. ބަލިން ރަނގަޅުވި ޖުމުލަ 542 ގައި ހުރިއިރު ބަލި ޖެހުނު ޖުމްުލަ އަދަދު މިވަނީ 694 ގައެވެ.
ފުވައްމުލައް ސިޓީގައި ޖޫން މަހު ކޮވިޑް-19 އަށް ޕޮޒިޓިވް ވާ ދެސީ /ބިދޭސި ރޭޓް ހުރިގޮތް (ނަތީޖާ ލިބުނު ސާމްޕލަގެ ނިސްބަތުން)
އަވަށްތަކުގައި މިހާރު ބަލީގެ އެކްޓިވް މީހުން ތިބި އަދަދު އަދިވެސް އެންމެ ގިނައީ ހޯދަޑު އަވަށުގައެވެ. ހޯދަޑު އަވަށުގައި 53 މީހުން އަދި ދެވަނައަށް ފުނާޑުގައި 30 މީހުން އެބަތިއްބެވެ.
ސާމްޕަލް ޓެސްޓްކުރުން
އަލަށް ނެގި ސާމްޕަލް 131
ނަތީޖާ ނުލިބޭ 138
ނަތީޖާ ލިބުނު 156
މިހާތަނަށް 14،474 ސާމްޕަލް ނެގިފައިވާ ކަމަށް ހާމަކޮސްފައި ވެއެވެ.
ކޮވިޑް-19 ވެކްސިން އަޕްޑޭޓް (ހުކުރު ހޮނިހިރު ދެ ދުވަހު ވެކްސިން ޖެހުމެއް ނޯވޭ)
ފުރަތަމަ ޑޯޒް: އިއްޔެ 1 އާއެކު ޖުމުލަ 5843
ދެވަނަ ޑޯޒް: އިއްޔެ 6 އާއެކު ޖުމުލަ 3193
ރަށުތެރެ ބެލެހެއްޓުން
ކާފިއުއާއި އެޗްޕީއޭގެ މޮނިޓަރިން އާއި ގުޅިގެން ސިޓީ ކައުންސިލުން އަޅާފައިވާ ފިޔަވަޅުތައް މޮނިޓާ ކުރުމުގެ ގޮތުން ރަށުގެ 8 އަވަށުގައި ފުލުހުންގެ އިތުރުން ވޮލަންޓިއަރުން ވެސް ހަރަކާތްތެރިވަމުން ދެއެވެ.
އުސޫލުތަކާއި ޚިލާފުވެގެން އިއްޔެ ފުލުހުން 57 މީހަކު ޖޫރިމާނާ ކޮށްފައި ވެއެވެ. މީގެތެރޭގައި މާސްކު ނާޅައިގެން ޖޫރިމާނާ ކުރެވުނު މީހުންނާއި، މަނާ ގަޑީގައި ބޭރުގައި އުޅެގެން ޖޫރިމާނާ ކުރެވުނު މީހުނާއި އެއްފަހަރާ 3 މީހުނަށް ވުރެ ގިނައަިން އެއްތަނަކަށް އެއްވުމުގެ ސަބަބުން ޖޫރިމާނާ ކުރި މީހުން ވެސް ހިމެނެއެވެ.
ޚިޔާލުތައް