މުހައްމަދު ޝިހާބް މިއަދު ފުވައްމުލައް ސިޓީއިން ކޮވިޑް-19 އަށް ޕޮޒިޓިވްވީ 10 މީހުންނެވެ. މީގެތެރެއިން 7 މީހުންނަކީ ކޮންޓެކްޓުންގެ ގޮތުގައި ފާހަގަ ކުރެވިފއިވާ ފަރާތްތަކެއް ކަމަށާއި އަނެއް 3 މީހުންނަކީ ފްލޫ ކުލިނިކުން ޕޮޒިޓިވްވި މީހުން ކަމަށް މިރޭގެ ނޫސް ކޮންފަރެންސްގައި ފުވައްމުލަކު ހޮސްޕިޓަލުން ހާމަކުރެއްވިއެވެ. މިއަދު ނަތީޖާ ލިބުނު 50 ރޭންޑަމް ސާމްޕަލްގެ ތެރެއިން އެއްވެސް މީހަކު ބައްޔަށް ޕޮޒިޓިވް ވެފައެއް ނުވެއެވެ.
ނަމަވެސް މިއަދު ފްލޫ ކްލިނިކުން ޕޮޒިޓިވްވި ދެ މީހުންނަކީ ކޮމިއުނީޓީ ތެރެއިން ބަލީގެ އަލާމާތް ހުރެގެން ފުލޫ ކުލިނިކަށް ދައްކައިގެން ޕޮޒިޓިވްވި ދެމީހުންނެވެ. އަދި މި މީހުންނަކީ ކަރަންޓީން އަދި ކޮންޓެކްޓުންނާއި އެއްވެސް ގޮތަކުން ގުޅުން ހުރި ފަރާތްތަކެއް ކަން އެގެންނެތް ކަމަށް ހޮސްޕިޓަލުން މިރޭގެ ޕްރެސްގައި ބައިވެރިވި ފުވައްމުލަކު ހޮސްޕިޓަލުގެ ސިނިއާ ޕަބްލިކް ހެލްތު އޮފިސާ އާމިނަތު އަހުމަދު ވިދާޅުވިއެވެ. މިއަދު ޕޮޒިޓިވްވި 10 މީހުންގެ ތެރޭގައި މުޅިންވެސް ހިމެނުނީ ދިވެހިންނެވެ. އެއާއެކު މިއަދު ނަތީޖާ ލިބުނު 96 ސާމްޕަލްގެ ނިސްބަތުން ޕޮޒިޓިވްވެފައިވާ ރޭޓް މިވަނީ %10.4 އަށް ދަށްވެފައެވެ.
ކޮވިޑް-19 ބައްޔަށް ފެތުރެމުން ދާ ނިސްބަތް % އިން – 19 ޖޫން 2021
މިރޭގެ ނޫސް ކޮންފަރެންސްގައި ފުވައްމުލައް ސިޓީ ކައުންސިލްގެ ފަރާތުން ބައިވެރިވީ ކައުންސިލް މެމްބަރު މުހައްމަދު އިސްމާއީލުގެ އިތުރުން ޑިރެކްޓާ އަލީ މަސީޙު އެވެ.
އިއްޔެ ފިހާރަތަކަށް މީހުން ވައްދައިގެން ވިޔަފާރިކުރުމަށް ހުޅުވާލައި އެކަމުގެ ހުއްދަ 60 ފިހާރައަކަށް ދެވިފައިވާ ކަމަށް ޑިރެކްޓާ މަސީޙު ވިދާޅުވިއެވެ. ފިހާރަތަކަށް ހުއްދަ ދިނުމުގައި އެންމެ ކުދި ފިހާރަތަކަށް ހުއްދަ ދެނީ 2 މީހުންނަށް، މެދުސައިޒުގެ ފިހާރަތަކަށް 3، ބޮޑު ފިހާރަތަކަށް 4 އަދި އެންމެ ބޮޑު ފިހާރަތަކަށް 5 މީހުންނަށް ހުއްދަ ދެމުން އަންނަ ކަމަށެވެ. ފިހާރަތައް ހުޅުވުމަށް ހުއްދަ ދިނުމުގައި ބަލަނީ އެޗްޕީއޭ އިން މިކަމަށް ކަނޑައަޅާފައިވާ މިންގަނޑުތަކާއި މީގެ ކުރިން ސިޓީ ކައުންސިލުން ނެރެފައިވާ އުސޫލަށް ފިހާރައިގެ ކަންކަން ހަމަޖެހިފައިވޭ ތޯ ކަމަށެވެ.
މިއަދު ބައްޔަށް ޕޮޒިޓިވްވި 10 މީހުންގެ ތެރޭގައި ހިމެނެނީ:
ހޯމް ކަރަންޓީން 0
ފްލޫ ކުލިނިކުން 3
ކޮންޓެކްޓުންގެ 7
ރޭންޑަމް ސާމްޕަލް 0/50
މިއަދު ޕޮޒިޓިވްވި 8 މީހުންނާއި ގުޅިގެން 9 ކޮންޓެކްޓުން ފާހަގަ ކުރެވިފައިވާ ކަމަށާއި 12 ގެއެއް މޮނިޓަރިންއަށް ލާފައިވާ ކަމަށާއި، އަދި 27 މީހުން ކޮންޓެކްޓުންގެ ގޮތުގައި ފާހަގަކުރެވިފައިވާ ކަމަށް ހާމަކުރެއްވިއެވެ.
އިއްޔެ ބަލިން ރަނގަޅުވެފައި ވަނީ 12 މީހެކެވެ. އެއާއެކު ބަލީގައި މިހާރު ތިބި މީހުން ޖުމްލަ އަކީ 113 އެވެ. އެއީ 91 ދިވެހިންނާއި 22 ބިދޭސީންނެވެ. އެމީހުންގެ ޖިންސީ ނިސްބަތަށް ބަލާއި ހިމެނެނީ 62 ފިރިހެންނުންނާއި 51 އަންހެނުންނެވެ. ބަލިން ރަނގަޅުވި ޖުމުލަ 617 ގައި ހުރިއިރު ބަލި ޖެހުނު ޖުމްލަ އަދަދު މިވަނީ 729 ގައެވެ.
އަވަށްތަކުގައި މިހާރު ބަލީގެ އެކްޓިވް މީހުން ތިބި އަދަދު އަދިވެސް އެންމެ ގިނައީ ހޯދަޑު އަވަށުގައެވެ. ދަޑިމަގު 17 ދިގުވާޑު 9، ހޯދަޑު އަވަށުގައި 27، މާދަޑު 5 މީހުން އަދި މިސްކިތްމަގު 10 ފުނާޑު، 30 މާލެގަން 9 ދޫނޑިގަން 6 މީހުން އެބަތިއްބެވެ.
ކޮވިޑް-19 ޖެހިފައި މިހަރު ތިބި މީހުންގެ އުމުރުފުރާތައް 19 ޖޫން 2021
ސާމްޕަލް ޓެސްޓްކުރުން
އަލަށް ނެގި ސާމްޕަލް 123
ނަތީޖާ ނުލިބޭ 52
ނަތީޖާ ލިބުނު 96 (ރޭންޑަމް 50)
މިހާތަނަށް 14،834 ސާމްޕަލް ނެގިފައިވާ ކަމަށް ހާމަކޮށްފައި ވެއެވެ.
ކޮވިޑް-19 ވެކްސިން އަޕްޑޭޓް (ހުކުރު ހޮނިހިރު ދެ ދުވަހު ވެކްސިން ޖެހުމެއް ނޯވޭ)
ފުރަތަމަ ޑޯޒް: މިއަދު 0 އާއެކު ޖުމުލަ 5845
ދެވަނަ ޑޯޒް: މިއަދު 0 އާއެކު ޖުމުލަ 3200
ރަށުތެރެ ބެލެހެއްޓުން
ކާފިއުއާއި އެޗްޕީއޭގެ މޮނިޓަރިން އާއި ގުޅިގެން ސިޓީ ކައުންސިލުން އަޅާފައިވާ ފިޔަވަޅުތައް މޮނިޓާ ކުރުމުގެ ގޮތުން ރަށުގެ 8 އަވަށުގައި ފުލުހުންގެ އިތުރުން ވޮލަންޓިއަރުން ވެސް ހަރަކާތްތެރިވަމުން ދެއެވެ.
އުސޫލުތަކާއި ޚިލާފުވެގެން އިއްޔެ ފުލުހުން 45 މީހަކު ޖޫރިމާނާ ކޮށްފައި ވެއެވެ. މީގެތެރޭގައި މާސްކު ނާޅައިގެން ޖޫރިމާނާ ކުރެވުނު މީހުންނާއި، މަނާ ގަޑީގައި ބޭރުގައި އުޅެގެން ޖޫރިމާނާ ކުރެވުނު މީހުނާއި އެއްފަހަރާ 3 މީހުނަށް ވުރެ ގިނައިން އެއްތަނަކަށް އެއްވުމުގެ ސަބަބުން ޖޫރިމާނާ ކުރި މީހުން ވެސް ހިމެނެއެވެ.
ޚިޔާލުތައް