މުހައްމަދު ޝިހާބް މިއަދު ފުވައްމުލައް ސިޓީއިން ކޮވިޑް-19 އަށް ޕޮޒިޓިވްވީ 4 ދިވެހިންނެވެ. އަދި މިއަދު މީއި ގިނަ ދުވަސްތަކަށްފަހު ބަލީގެ އެކްޓިވް ކޭސްގެ އަދަދު 100 އިން ދަށް ދިޔަފުރަތަމަ ދުވަހެވެ. މިއަދު ބަލިން ރަނގަޅުވި 15 މީހުންނާއެކު ބަލީގެ އެކްޓިވް ކޭސްގެ އަދަދު މިވަނީ 93 އަށް ދަށަށް ގޮސްފަައެވެ. މިއީ 38 ދުވަހަށް ފަހު އެކްޓިވް ކޭސްގެ އަދަދު 100 އަށް ވުރެ ދަށްވި ފުރަތަމަ ދުވަހެވެ.
މިއަދު ނަތީޖާ ލިބުނު 67 ރޭންޑަމް ސާމްޕަލްގެ ތެރެއިން ވެސް އެއްވެސް މީހަކު ބައްޔަށް ޕޮޒިޓިވް ވެފައެއް ނުވެއެވެ. އެއާއެކު މިއަދު ނަތީޖާ ލިބުނު 103 ސާމްޕަލްގެ ނިސްބަތުން ޕޮޒިޓިވްވެފައިވާ ރޭޓް މިވަނީ %3.9 މީހުންނެވެ. މިއީ ފާއިތުވި ދުވަސްތަކަށް ބަލާއިރުވެސް ޕޮޒިޓިވްވީ ރޭޭޓް ދަށް މިންވަރެވެ.
މިރޭގެ ނޫސް ކޮންފަރެންސްގައި ފުވައްމުލަކު ހޮސްޕިޓަލުގެ ފަރާތުން ސިނިއާ ޕަބްލިކް ހެލްތު އޮފިސާ އާމިނަތު އަހުމަދު އާއި ފުވައްމުލައް ސިޓީ ކައުންސިލްގެ ފަރާތުން ކައުންސިލް މެމްބަރު މުހައްމަދު އިސްމާއީލްގެ އިތުރުން ޑިރެކްޓާ ޖެނެރަލް އަހުމަދު ނިޖާހު ބައިވެރިވިއެވެ.
ރޭގެ ނޫސް ކޮންފަރެންސް – ފުވައްމުލައް ސިޓީ އީއޯސީ. 21 ޖޫން 2021
މިއަދު ބައްޔަށް ޕޮޒިޓިވްވި 4 މީހުންގެ ތެރޭގައި ހިމެނެނީ:
ހޯމް ކަރަންޓީން 0
ފްލޫ ކުލިނިކުން 1
ކޮންޓެކްޓުންގެ 3
އެކްޓިވް ސާވޭލަންސް 0
ރޭންޑަމް ސާމްޕަލް 0/67
މިއަދު ފުލޫ ކްލިނިކުން ޕޮޒިޓިވްވި މީހާއާއި ގުޅިގެން 16 މީހަކު ކޮންޓެކްޓުންގެ ގޮތުގައި ފާހަގަކުރެވިފައިވާ ކަމަށާއި އަދި 5 ގެއެއް ކަރަންޓީނު ކުރެވިފައި ނުވާކަމަށް ފުވައްމުލަކު ހޮސްޕިޓަލުން ހާމަކުރެއްވިއެވެ.
މިއަދު ބަލިން ރަނގަޅުވެފައި ވަނީ 15 މީހެކެވެ. އެއާއެކު ބަލީގައި މިހާރު ތިބި މީހުން ޖުމްލަ އަކީ 93 މިވަނީ ދަށްވެ އެވެ. މީގައި ހިމެނެނީ 49 ފިރިހެން އަދި 44 އަންހެނުންނެވެ. ބަލިން ރަނގަޅުވި ޖުމުލަ 654 ގައި ހުރިއިރު ބަލި ޖެހުނު ޖުމްލަ އަދަދު މިވަނީ 746 ގައެވެ.
ކޮންޓެކްޓުންގެ ތެރެއިން 24 މީހަކު ދޫކޮށްލެވިފައިވއެވެ.
އެކްޓިވް ކޭސްތަކުގައި ހިމެނެނީ:
ހޯމް ކަރަންޓީނުން 1
ފްލޫ ކްލިނިކް ސާމަޕުން 10
ކޮންޓެކްޓުން 14
ރޭންޑަމް ސާމަޕަލިންގެ
އެކްޓިވް ސާވެލާންސްގެ 1
އެކްޓިވް ކޭސްތަކުގަިއ އެންމެ ގިނައިން މިހާރު ތިބީ 18 އަހަރުން ދަށްގެ މީހުނެވެ. އަދި ދެވަނައަށް ތިބީ 30 އަހަރުން ދަަށުގެ މީހުން ކަމަށް ހޮސްޕިޓަލުން ހާމަކުރައްވައެވެ.
ސާމްޕަލް ޓެސްޓްކުރުން
އަލަށް ނެގި ސާމްޕަލް 116 (ރޭންޑަމް 103)
ނަތީޖާ ނުލިބޭ 127
ނަތީޖާ ލިބުނު 103 (ރޭންޑަމް 67)
މިހާތަނަށް 15،291 ސާމްޕަލް ނެގިފައިވާ ކަމަށް ހާމަކޮށްފައި ވެއެވެ.
ކޮވިޑް-19 ވެކްސިން އަޕްޑޭޓް (ހުކުރު ހޮނިހިރު ދެ ދުވަހު ވެކްސިން ޖެހުމެއް ނޯވޭ)
ފުރަތަމަ ޑޯޒް: މިއަދު 1 އާއެކު ޖުމުލަ 5854
ދެވަނަ ޑޯޒް: މިއަދު 6 އާއެކު ޖުމުލަ 3220
ރަށުތެރެ ބެލެހެއްޓުން
އުސޫލުތަކާއި ޚިލާފުވެގެން އިއްޔެ ފުލުހުން 35 މީހަކު ޖޫރިމާނާ ކޮށްފައި ވެއެވެ. މީގެތެރޭގައި މާސްކު ނާޅައިގެން ޖޫރިމާނާ ކުރެވުނު މީހުންނާއި، މަނާ ގަޑީގައި ބޭރުގައި އުޅެގެން ޖޫރިމާނާ ކުރެވުނު މީހުނާއި އެއްފަހަރާ 3 މީހުނަށް ވުރެ ގިނައިން އެއްތަނަކަށް އެއްވުމުގެ ސަބަބުން ޖޫރިމާނާ ކުރި މީހުން ވެސް ހިމެނެއެވެ
ޚިޔާލުތައް