މުހައްމަދު ޝިހާބް ފުވައްމުލައް ސިޓީ މަސްޖިދުލް ހުދާ (ލިލީ މިސްކިތް) އަލުން އިމާރާތް ކުރުމުގެ މަސައްކަތުގެ އެއްބަސްވުމުގައި “އަ މޭން ކޮންސްޓްރަކްޝަން” ކުންފުންޏާއެކު މިއަދު ސޮއިކޮށްފިއެވެ. މާލޭގައި، އިސްލާމިކް މިނިސްޓްރީގައި މިއަދު (8 އޮސްޓް 2021) ގައި ބޭއްވުނު ބައްދަލުވުމުގައި މި އެއްބަސްވުމުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީީ މިނިސްޓަރ ޑރ. އަޙުމަދު ޒާހިރެއެވެ.
މިއެއްބަސްވުމުގެ ދަށުން މިސްކިތުގެ މަސައްކަތް ނިންމަން ޖެހެނީ 333 ދުވަހުގެ ތެރޭގައެވެ. އެއީ 11 މަސްދުވަހެވެ. މިއެއްބަސްވުމުގެ އަގު ކަމާއި ބެހޭ ފަރާތްތަކުން އާއްމުކޮށްފައެއް ނުވެއެވެ.
މިއަދު އިސްލާމިކް މިނިސްޓްރީގައި ބޭއްވުނު ސޮއިކުރުމުގެ ރަސްމިއްޔާތު 8 އޮގަސްޓް 2021
އިމާރާތް ކުރުމުގެ މަސައްކަތަށް މި އޮގަސްޓްމަހުގެ 5 (2021) ވަނަ ދުވަހުގެ މެންދުރު ނަމާދަށް ފަހު ވަނީ އެމިސްކިތް ބަންދުކޮށްފައެވެ. ލިލީ މިސްކިތަކީ ވަރަށް ކުޑަ ޖާގައެއް ގައި ހުރި މިސްކިތަކަށް ވުމާއެކު އެތަނުގައި އަލަށް އިމާރާތް ކުރަނީ ދެ ބުރިއަށް ހަދާ މިސްކިތެއް ގޮ ގޮތުގައެވެ.
މަސްޖިދުލް ހުދާ އިމާރާތުގެ ޑިޒައިންގެ ގިނަ ކުރެހުންތަކެއް ފުވައްމުލައް ސިޓީ ކައުންސިލުން ކުރިން އާއްމުކޮށްފައި ވެއެވެ. އެގޮތުން މިސްކިތުގެ ތަފާތު އެލެވޭޝަންގެ ކުރެހުންތަކާއި މިސްކިތުގެ އެތެރެ ހުންނާނެ ގޮތުގެ ކުރެހުންވެސް ހިމެނެއެވެ. މި މިސްކިތް ޑިޒައިންކޮށްފައި ވަނީ އެޕޯޗް އެސޯސިއޭޝަނުންނެވެ.
މަސްޖިދުލް ހުދާ އިމާރާތުގެ ޑޒައިން- އެތެރެ ހުންނަ ގޮތް- ކުރެހުންމި މަސައްކަތުގެ ބީލަން ކުރިޔަށް ގެންގޮސްފައި ވަނީ ނެޝަނަލް ކޮމްޕެޓިޓިވް ބިޑިން (އެން.ސީ.ބީ)ގެ އުސޫލުންނެވެ.
ޚިޔާލުތައް