މުހައްމަދު ޝިހާބް ހަކުރުބައްޔަށް ހޭލުންތެރިކުރުމުގެ ގޮތުން މިއަދު ހަވީރު ފުވައްމުލައް ސިޓީގައި ބޭއްވި ދުވުން ގިނަ ބައިވެރިންނާއެކު ކާމިޔާބުކަމާއެކު ނިންމާލައިފިއެވެ. މިއަދުގެ ދުވުމުގައި ފުވައްމުލައް ސިޓީގެ މޭޔަރު އިސްމާއިލު ރަފީގާއި މެޑިކަލް ޑޮކްޓަރުން އަދި ސިޓީ ކައުންސިލް މެމްބަރުންވެސް ބައިވެރިވެ ވަޑައިގެންފައި ވެއެވެ.
ހަކުރުބަލީގެ ދުވަހުގެ ޚައްސަ ދުވުން – ހަކުރުބަލިން ރައްކާރެރިވުމަށް ކަސްރަތުގެ މުހިންމުކަން އަންގައިދޭ!
ފުވައްމުލައް ސިޓީގައި މިއަހަރުގެ ދުނިޔޭގެ ހަކުރުބަލީގެ ދުވަސް ގައުމީ ފެންވަރެއްގައި ފާހަގަކުރުމުގެ ގޮތުން ކުރިޔަށްގެންދާ ހަރަކާތުގެ ތެރެއިން މިއަދު ހަވީރު ބޭއްވި މިދުވުމަކީ ގިނަބަޔަކަށް ސީދާގޮތުން މިހަރަކާތުގައި ބައިވެރިވުމަށް ލިބުނު އިތުރު ފުރުސަތެކެވެ.
މޭނޭރެއިން މިއަދު ހަވީރު ދުވުން ފެށުމުގެ ކުރިން ހުރިހާ ބައިވެރިން އެކުގައި ވޯމަޕް ކަސްރަތުކޮށް ފައިވެއެވެ. މިދުވުމުގައި ކުޑަކުދިންނާއި ޒުވާނުން އަދި އުމުރުން ދުވަސްވީ މީހުންވެސް ބައިވެރިވެފައި ވެއެވެ. މީގެ އިތުުރުން ފުވައްމުލައް ސިޓީގެ މަޝްހޫރު މަޝްހޫރު ދުވުންތެރިން ވެސް ބައިވެރިވެފައިވެއެވެ.
ހަކުރުބަލީގެ ދުވަހުގެ ޚައްސަ ދުވުން – ހަކުރުބަލިން ރައްކާރެރިވުމަށް ކަސްރަތުގެ މުހިންމުކަން އަންގައިދޭ!
މިއަދުގެ ދުވުން ކުރިޔަށް ގެންގޮސްފައިވަނީ ތާރުމަގުން މާނޭރުން ފަށައިގެން ފުވައްމުލައް ސިޓީ ހުޅަނގުކޮޅުން ގޮސް ގެންމިސްކިތް މަގުން ގޮސް ތުނޑީ ސަރަހައްދަށެވެ.
އެންމެ ގިނަ މީހުންނަށް ހަކުރުބަލި ޖެހެނީ ދިރިއުޅުމުގެ ވައްޓަފާޅު ހުންނަ ގޮތުން ކަމަށް ދިރާސާތަކުން ހާމަވެއެވެ. އެގޮތުން ހެލެފެލިވެ އުޅުން މަދުވުމާއި ކަސްރަތު ނުކުރުމަކީ މިބަލި ޖެހުމަށް މަގުފަހިކުރުވާ ކަމެކެވެ. ދިރިއުޅުމުގެ ވައްޓަފާޅި ރަނގަޅުކޮށްގެން ހަކުރުބަލި ޓައިޕް 2 ޖެހޭ މީހުންގެ %80 މަދުކުރެވިދާނެ ކަމަށް ސިއްޙީ ދާއިރާގެ މާހިހިރުން ބުނެއެވެ. ހަށިގަނަޑުގައި ހަކުރުގެ މިންވަރު ކޮންޓްރޯލް ނުކުރެވިއްޖެނަމަ ގުރުދާ (ކިޑްނީ) ގެ މައްސަލަތަކާއި ހިތާއި ލޭހޮޅިތަކުގައި މައްލަ ޖެހުމުގެ އިތުރުން ލޮލުގެ ބަލިތައް ޖެހުމާއި ނާރުގެ ބަލިތައް ޖެހުމަށް މެދުވެރިވެއެވެ.
ހަކުރުބަލީގެ ދުވަހުގެ ޚައްސަ ދުވުން – ހަކުރުބަލިން ރައްކާރެރިވުމަށް ކަސްރަތުގެ މުހިންމުކަން އަންގައިދޭ!
އެގޮތުން ދުވުމާއި ކަސްރަތުކުރުމުގައި ދެމިހުރުމަކީ ތިމާ ހަކުރބަލިންނާއި އެހެން އިތުރު ގިނަ ބަލިތަކަތުން ސަލާމަތްވުމަށް އެޅޭ ބޮޑު ބާރެކެވެ.
ޚިޔާލުތައް