އިބްރާހިމް ލަތީފް އިސްލާމީ ދުނިޔޭގެ ތައުލީމާއި ސައިންސާއި ސަގާފަތާއި ބެހޭ ޖަމިއްޔާ އައިސެސްކޯ (އައިސީއީއެސްސީއޯ) ވައިސް ޗެއާޕާސަންގެ މަގާމަށް ދިވެހިރާއްޖޭގެ ތައުލީމާއި ބެހޭ ވުޒާރާގެ ސްޓޭޓް މިނިސްޓަރު އައިޝަތު އާތިޔާ ނަސީރު ހޮވިއްޖެއެވެ. އާތިޔާ މިމަގާމަށް ހޮވާފައިވަނީ މިސްރުގެ ވެރިރަށް ގާހިރާގައި އިއްޔެ ފެށުނު އެޖަމާއަތުގެ އެގްޒެކްޓިވް ކައުންސިލުގެ 42 ވަނަ ބައްދަލުވުމުގެ ތެރެއިންނެވެ. އެގްޒެކްޓިވް ކައުންސިލް ބައްދަލުވާނީ އަހަރަކު އެއްފަހަރުއެވެ. މިބައްދަލުވުމުގެ ބޭނުމަކީ އެޖަމާއަތުން ތައްޔާރުކުރާ ރިޕޯޓް ދިރާސާކުރުމާއި އެޖަމާއަތުގެ އާންމު ބައްދަލުވުމަށް ހުށަހަޅާ ބަޖެޓާއި އެކްޝަން ޕްލޭން އެކުލަވާލުމެވެ.
އިސްލާމީ އެއްބައިވަންތަކަމާއި ގުޅޭ ޖަމިއްޔާ އޯއައިސީގެ ތެރެއިން އުފެދުނު އައިސެސްކޯ ގެ މައި އިދާރާ ހުންނަނީ މަޣުރިބު (މޮރޮކޯ) ގެ ރަބާތު ޝަހަރުގައެވެ. މިޖަމާއަތް އުފެދިފައިވަނީ 1979 ވަނަ އަހަރުގައެވެ.
ޚިޔާލުތައް