މުހައްމަދު ޝިހާބް މާދަމާ، 3 ސެޕްޓެމްބަރު 2022 ވާ ހޮނިހިރު ދުވަހު ޏ.އޭއީސީގެ ބެލެނިވެރިންގެ ޖަމްއިއްޔާއިން ބާއްވާ ޚާއްސަ މެދުރު ކެއުމަކަށް އާއްމުންނަށް ހުޅުވާލައިފިއެވެ. މިކެއުން އޮންނާނީ މާނޭރެ އަތިރީގައެވެ.
މާދަމާ ބާއްވާ މިޚާއްސަ ކެއުމަކީ ޏ.އޭއީސީގެ ދަރިވަރުންގެ އެކެއެކި ހަރަކާތްތަކަށް ފަނޑް ރެއިޒް ކުރުމުގެ ގޮތުން ބާއްވާ ހަރަކާތެކެވެ. ސްކޫލް ދަރިވަރުންގެ ހަރަކާތްތަކަށް އެހީތެރިވުމުގެ ގޮތުން މިފަދަ އިވެންޓްތަކުން އެއްޗެއް ބައްލަވައިގަތުމުން ފެދޭނެއެވެ.
މި ކެއުމުގައި ހިމެނެނީ ސިއްހަތަށް ޚާއްސަ މެނޫ ތަކާއި ސްޕެގަޓީގެ އިތުރުން އާއްމުކޮށް ރެސްޓޯރެންޓްތަކުން ލިބޭ ފްރައިޑް ރައީސް އާއި ފްރައިޑް ނޫޑްލްސްގެ އިތުރުން މަސާލާ ޗިކެން އާއި ފަރާޓާ ވެސް ހިމެނެއެވެ.
މި ޚާއްސަ ކެމުގައި ބައިވެރިވުމަށް އޯޑަރު ނެގުމަށްވެސް ވަނީ ހުޅުވާލާފައެވެ. އެގޮތުން މާދަމާ މެންދުރު ފަހު 3:00 ގެ ކުރިން 9129070 އަދި 7781327 އަށް ގުޅައިގެން އޯޑަރު ކުރުމުން ހިލޭ ގެންގޮސްދޭ ގޮތަށް ވެސް ހަމަޖެހިފައި ވެއެވެ.
އޭއީސީގެ މިޚާއްސަ ކެއުމަކީ ދޫކޮށްލާވަރުގެ ކެއުމެއް ނޫންކަމަށް ބެލެނިވެރިއަކު ހާމަކުރެއެވެ.
ސްކޫލްތަކުގެ ބެލެނިވެރިންނާއި ޓީޗަރުންގެ ޖަމްއިއްޔާގެ އެކިއެކި ކަންކަމަށް އަދި ދަރިވަރުންގެ އެކްސްޓްރާ ކައިރިކިއުލާ ހަރަކާތަކަށް އެހީތެރިވުމުގެ ގޮތުން މިފަދަ ތަފާތު ހަރަކާތްތައް ހިންގައެވެ.
މިފަދަ އިވެންޓްތައް މެދުވެރިކޮށް ރަށުގެ އާއްމުންނަށް ސްކޫލްތަކުގެ ކަންކަމަށް އެހީތެރިވުމަށް މިފަދަ ކަންކަމުން ފުރުސަތު ހުޅުވެގެން ދެއެވެ. މިފަދަ ކަންކަމުގައި ފުވައްމުލަކުގެ ގިނަބަޔަކު ބައިވެރިވާ ކަމަށް ސްކޫލްތަކުން ފާހަގަކުރެއެވެ.
ޚިޔާލުތައް