ރިޟްވާންގެ މައްސަލާގައި ކެނެޑާ ޚާރިޖީވަޒީރު ކަންބޮޑުވުން ފާޅުކުރައްވައިފި

ގެއްލިފައިވާ ނޫސްވެރިޔާ އަޙްމަދު ރިޟްވާން ޢަބްދުﷲ (28) ގެ މައްސަލާގައި ކެނެޑާގެ ޚާރިޖީވަޒީރު ޖޯން ބަޔާޑް ކަންބޮޑުވުން ފާޅުކުރައްވައިފިއެވެ.
ބަޔާޑް މިކަން ހާމަކުރައްވާފައިވަނީ އޭނާގެ ރަސްމީ ޓްވިޓަރ އެކައުންޓުން ކުރެއްވި ޓްވީޓެއްގައެވެ.

Concerned by recent reports in the #Maldives: likely kidnapping of a journalist, death threats against activists, protests with ISIL flags.

— John Baird (@HonJohnBaird) September 10, 2014

ޖޯން ބަޔާޑް ގެ ޓްވީޓް
ރިޟްވާން ކިޑްނެޕްކޮށްފައިވާ ކަމަށް ބޮޑަށް ބެލެވޭކަމަށް ހާމަކުރައްވަމުން ޖޯން ބަޔާޑް އިތުރަށް ހާމަކުރައްވާފައިވަނީ ރާއްޖޭގައި މިފަހުން ހިނގާފައިވާ، މީސްމީހުނަށް މަރުގެ އިންޒާރުދިނުމާއި “އައިއެސްއެލް” ގެ ދިދަ ހިފައިގެން މުޒާހަރާކޮށްފައިވުމާމެދު ކަންބޮޑުވާކަމަށެވެ.
މިނިވަން ނިއުސްގެ ނޫސްވެރިޔާ ރިޟްވާން ގެއްލިގެން އުޅޭތާ މަހަކަށްވުރެ ގިނަ ދުވަސްވަނީ ވެފައެވެ.
ކެނެޑާގެ ޚާރިޖީވަޒީރު ބަޔާޑް އަކީ ރިޟްވާންގެ މައްސަލާގައި ކަންބޮޑުވުން ފާޅުކުރެއްވި ބޭރު ޤައުމެއްގެ އެންމެ އިސް އޮފިޝަލެވެ. އޭނާ ވަނީ ކުރިންވެސް ދިވެހި ރައްޔިތުންގެ އިންސާނީ ޙައްޤުތަކާ ގުޅުންހުރި މައްސަލަތަކުގައި ވަކާލާތުކުރައްވާފައެވެ.