ތ. ވިލުފުށީގައި މިއަދު ހެނދުނު ހިނގި އަލިފާނުގެ ހާދިސާގައި ޒަހަމްވި އެކަކު އިތުރު ފަރުވާއަށް މާލެ ގެނެސްފިއެވެ.
މިއަދު ހެނދުނު އަލިފާނުގެ ހާދިސާ ހިނގާފައިވަނީ ތެޔޮ އުފުލާ ބޯޓެއްގައެވެ. މިހާދިސާގައި ދެ މީހަކަށް އަނިޔާވެފައިވާއިރު، އޭގެ ތެރޭގައި ހިމެނެނީ ދޯނީގެ ވެރިފަރާތާއި ބިދޭސީ މީހެކެވެ.
ވިލުފުށި ކައުންސިލްގެ މެމްބަރަކު ވިދާޅުވީ، ހާދިސާގައި ރޯވުމުން ދެ މީހުން ވެސް ރަށު ސިއްހީ މަރުކަޒަށް ގެންދެވުނު ކަމަށާއި އެތަނުން ދޯނީގެ ވެރިފަރާތް ވަރަށް ބޮޑަށް ޒަހަމްވެފައިވާތީ، އިތުރު ފަރުވާއަށް މާލޭ ފޮނުވާލަން ނިންމީކަމަށެވެ.
މެމްބަރު ވިދާޅުވި ގޮތުގައި މި ހާދިސާގައި ދޯނީގެ ވެރިފަރާތުގެ ހަށިގަނޑުގެ ގާތްގަނޑަކަށް 50 އިންސައްތަ ވަނީ ފިހިފައެވެ. ނަމަވެސް ބިދޭސީ މީހާއަށް މާބޮޑެތި އަނިޔާތަކެއް ނުލިބޭ ކަމަށް ވަނީ ވިދާޅުވެފައެވެ.
+1
+1
ޚިޔާލުތައް