އާސަންދައިން ލިބޭ ބޭސްތައް ބޭސްފިހާރަތަކުން ވިއްކާނަމަ ހަރުކަށި ފިޔަވަޅު އަޅާނެ ކަމަށް އާސަންދަ ކުންފުނީގެ މެނޭޖިން ޑިރެކްޓަރ އާމިނަތު ޒީނިޔާ ވިދާޅުވެއްޖެއެވެ.
ޒިނިޔާ މިހެން ވިދާޅުވީ ރައްޔިތުންގެ މަޖިލީހުގެ އިޖުތިމާއީ ކޮމެޓީގައި ޖުލައި 1 އެއްގަ ބޭއްވި ބައްދަލުވުމެއްގަ މެމްބަރަކު ކުރެއްވި ސުވާލަކަށް ޖަވާބު ދެއްވަމުންނެވެ.
ޒީނިޔާ ފާހަގަކުރި ގޮތުގައި ހުރިހާ ފާމަސީއެއްގަ ވެސް ފާމަސީތަކުގެ އުސޫލެއް އޮންނަ ކަނޑައަޅާފައި އޮންނަ ކަމަށާއި، އެންސްޕާއިން އެކަން ކުރެވޭ ގޮތަށް ވަނީ ހަމަޖައްސާފައި ކަމަށެވެ. އެގޮތުން ކުރިއަށް އޮތް ތަނުގައި އެކަމަށް ފިޔަވަޅުތައްވެސް އަޅާނެ ކަމަށެވެ. އަދި ފިޔަވަޅުތަކުގެ ތެރޭގައި ފާމަސީތަކަށް އާސަންދައިގެ ދަށުގައި ހުރިއްޔާ ހުރިހާ ބޭހެއް ދޭން މަޖުބޫރު ކުރާނެ ކަމަށް ވެސް ވިދާޅުވިއެވެ.
އަދި ބޭސް އެޕްރޫވް ޑްރަގް ލިސްޓުން އުނިކޮށްލާނީ ސްކީމްގެ ގަވައިދުތެރެއިން ލިބިނުދެވޭ ހިދުމަތްތަކަށް ފޯރުވާ ހުރިހާ ބޭހެއްކަމަށާއި، އުނިކޮށްފައި ދެން ހުރި ހުރިހާ ބޭހަކީ ހަމަ އާސަންދަ ސްކީމުގެ ތެރެއިން ކަވާ ކުރެވޭ ބޭސްތައް ކަމަށް ހަދާނެ ކަމަށެވެ.
ބޭހުގެ އަގުތަކަށް ސަރުކާރުން ގެނައި ބަދަލަށް ފަހު، އާސަންދައިން ބޭސް ހޯދަން ދިއުމުން ބޭސް ނުހުންނަ ކަމަށް ގިނަ ފާމަސީތަކުން ބުނަމުންދާ ކަމަށް ވިދާޅުވަމުން ފާހަގަކުރެއްވީ ހަމަ އެ ބޭހެއް އެ ފާމަސީއަށް ގަންނަން ދިއުމުން ލިބެން ހުންނަ ކަމަށް ބުނެ ގިނަ ޝަކުވާތަކެއް ލިބެމުންދާ ކަމަށެވެ. މިގޮތަށް ފާމަސީތަކުން ކަންތައްތައް ކުރާ ކަމަށްބުނެ ޝަކުވާތައް ލިބޭތީ ވަރަށް ބޮޑަށް ކަންބޮޑުވާ ކަމަށެވެ. އެހެންކަމުން މިހާރު ގެންދަނީ އެކަންބޮޑުވުންތަކަށް ހައްލު ހޯދުމަށް މަސައްކަތް ކުރަމުން ކަމަށެވެ.
ޚިޔާލުތައް