މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރއިން ގެދޮރުވެރިޔާ ސްކީމުގެ ދަށުން 4000 ފްލެޓު ދޫކުރުމާ ގުޅޭ އުސޫލަށް މުހިންމު ބަދަލެއް ގެނެސްފިއެވެ.
މި ބަދަލާއެކު، ބިންވެރިޔާ ސްކީމުން އަނބިމީހާ ނުވަތަ ފިރިމީހާއަށް ގޯތި ލިބިފައިވާ ފަރާތްތަކުން ފްލެޓް ދޫކޮށްލަން ޖެހޭނެކަމަށް ކުރިން އޮތް ޝަރުތު ވަނީ އުވާލާފައެވެ.
މިނިސްޓްރީން މިފަދައިން ނިންމާފައިވަނީ ހުޅުމާލެ ފޭސް 2 އަދި ގުޅީފަޅު ހިއްކުމުގެ މަސައްކަތް ދެމިގެންދާތީއާއި، ހިއްކާފައިވާ ބައެއް ބިންތަކުގައި އިމާރާތްކޮށް ދިރިއުޅެން ފެށުމަށް ގިނަ ދުވަސްތަކެއް ނަގާނެތީއެވެ. މި ބަދަލަކީ ރައްޔިތުންގެ ކަންބޮޑުވުންތަކަށް ރިޢާޔަތްކޮށް ގެނެވުނު ބަދަލެއްކަން މިނިސްޓްރީން ފާހަގަކޮށްފައިވެއެވެ.
މިނިސްޓްރީން އިތުރަށް ހާމަކޮށްފައިވާ ގޮތުގައި، 2023 ވަނަ އަހަރުގެ ނޮވެންބަރު 15 ވަނަ ދުވަހު އިޢުލާންކުރި ލިސްޓާ ގުޅިގެން ފްލެޓު ނަންބަރު ގުރުއަތުން ލިބިފައިވާ ފަރާތްތަކުގެ ތެރެއިން، ބިންވެރިޔާ ސްކީމުން އަނބިމީހާ ނުވަތަ ފިރިމީހާއަށް ގޯތި ލިބިފައިވާ އެއްވެސް ފަރާތަކަށް ޝަރުތު ހަމަނުވާކަމުގެ ލިޔުމެއް މިހާތަނަށް ފޮނުވާފައެއް ނުވެއެވެ.
ޚިޔާލުތައް