ޞާލިޙް ކުރިއަށް އޮތް 3 ދުވަހު ބައެއް ވަގުތުތަކުގައި މާލެ ސަރަޙައްދުގައި އެއްގަމު އުޅަނދު ދުއްވުން މަނާކޮށްފިއެވެ. ފުލހުންގެ އިދާރާއިން މިއަދު ގެޒެޓްކުރި އިއުލާނެއްގައި ބުނެފައިވަނީ، ދިވެހިރާއްޖޭގެ 60 ވަނަ މިނިވަންދުވަހާ ގުޅިގެން 2025 ޖުލައި 25، 26 އަދި 27 ގައި ގިނަ ހަރަކާތްތަކެއް ގްރޭޓަރ މާލެ ސަރަޙައްދުގައިބޭއްވުމަށް ސަރުކާރުން ނިންމާފައިވާތީ މަގުމަތީގެ ސަލާމަތާ ރައްކާތެރިކަން ކަށަވަރު ކުރުމަށާއި މަގުމަތީގެ ތޮއްޖެހުން ކުޑަކުރުމަށާއި އަދި ސެކިއުރިޓީ މަސައްކަތަށް ފަސޭހަކުރުމަށް ކަމަށެވެ.
އުޅަންދުތައް ދުއްވުން މަނާ ވަގުތުތައް:
25 ޖުލައި 2025 – 13:00 އިން 18:00 އަށް – ބަރު އުޅަނދުގެ ތެރެއިން C0, C2, D, E އަދި V ކެޓަގަރީގެ އެއްގަމު އުޅަނދު
26 ޖުލައި 2025 – 15:00 އިން 18:30 އަށް – ހުރިހާ ބާވަތެއްގެ އެއްގަމު އުޅަނދު
27 ޖުލައި 2025 – 18:00 އިން 00:00 އަށް – ބަރު އުޅަނދުގެ ތެރެއިން C0, C2, D, E އަދި V ކެޓަގަރީގެ އެއްގަމު އުޅަނދު
މި ވަގުތުތަކުގައި ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދުތަކާއި އެމްބިއުލެންސްގެ އިތުރުން ޕަބްލިކް ޓްރާންސްޕޯޓް ޚިދުމަތުގައި ބޭނުންކުރާ ބަސްތައް ދުއްވާނެއެވެ. ނަމަވެސް އެނޫން އެހެން އުޅަނދުތައް ދުއްވުން މަނާވާނެއެވެ.
ޚިޔާލުތައް