އެއް ފަހަރާ އެންމެ ގިނަ ސަރަޙައްދުތަކުން ‘ސިންކްރޮނައިޒްޑް’ ހަވާ އެރުވުމުގެ އިވެންޓެއް ބޭއްވުމުގެ ރެކޯޑް ރާއްޖެއިން ޤާއިމުކޮށްފިއެވެ. ރާއްޖެއަށް މި ރެކޯޑް މި ލިބުނީ ރޭ ވެލާނާ އިންޓަރނޭޝަނަލް އެއަރޕޯޓުގެ އާ ޓަރމިނަލް ހުޅުވުމަށް ބޭއްވި ހަފްލާއަށް ފަހު އެއަރ ޕޯޓުކައިރީ 3 ދިމާލަކުން އަދި އޭގެއިތުރުން އިތުރުން ތަފާތު 16 ސަރަޙައްދަކުން، ޖުމުލަ 19 ސަރަޙައްދަކުން، އެއްވަގުތެއްގައި ކުރިއަށް ގެންދިޔަ 6 މިނެޓުގެ ހަވާ އެރުވުމުގެ އިވެންޓުގެ ސަބަބުންނެވެ.
މިއަދު ގިނިސް ވޯލްޑް ރެކޯޑްސްގެ ފަރާތުން ވަނީ، މޯލްޑިވްސް އެއަރޕޯޓްސް ކޮމްޕެނީ ލިމިޓެޑް، އެމްއޭސީއެލަށް ރަސްމީކޮށް މި ރެކޯޑް ހާޞިލުކުރިކަމުގެ ލިޔުން ހަވާލުކޮށްފައެވެ. ވެލާނާ އިންޓަރނޭޝަނަލް އެއަރޕޯޓްގެ އައު ޓަރމިނަލްގެ ފުރަތަމަ އެއަރލައިންއަށް މަރުޚާބަ ކިޔުމަށް ބޭއްވި ރަސްމިއްޔާތުގެ ތެރެއިން، މި ލިޔުމާ ހަވާލުވެވަޑައިގަތީ އެމްއޭސީއެލްގެ ޗައަރޕަރސަން އައިޝާ ނުރައިން ޖަނާހެވެ.
ރޭ 21:40 ހާއިރު 6 މިނެޓަށް އެރުވި ހަވާ ބަލަން މާލެ ވަށައިގެން އެތައް ހާސް ބަޔަކު އެއްވިއެވެ.
ޚިޔާލުތައް