ހއ. އަތޮޅުން ފެށިގެން ތ. އަތޮޅާ ހަމަޔަށް ޔެލޯ އެލަރޓް ނެރެފި

މޫސުމާ ބެހޭ ޤައުމީ އިދާރާ، މޯލްޑިވްސް މީޓިއޮރޮލިކަލް ސަރވިސް، މެޓް އޮފީހުން، ހއ. އަތޮޅުން ފެށިގެން ތ. އަތޮޅާ ހަމަޔަށް ޔެލޯ އެލަރޓް ނެރެފިއެވެ.

އެލަރޓް ނެރެފައިވަނީ މިއަދު ހެނދުނު 09:30 އިން ފެށިގެން މެންދުރު ފަހު 13:30 އާ ހަމައަށެވެ. ބޯކޮށް ވާރޭވެހި ގަޑިއަކު 25 މޭލާ 30 މޭލާ ދެމެދު ބާރުމިނުގައި ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑު ގަދަވާނެކަމަށް މެޓުގެ އެލަރޓްގައި ވަނީ ބުނެފައެވެ.

މެޓް އޮފީހުން، ކުރިން އޮތީ ފަތިހު 05:30 އިން ހެނދުނު 09:30 އާ ހަމައަށް ތ. އަތޮޅުން ފެށިގެން ބ. އަތޮޅާ ހަމަޔަށް ޔެލޯ އެލަރޓް ނެރެފައެވެ.

އަދި އޭގެ ކުރިން ރޭ ދަންވަރު 01:30 އިން ފެށިގެން ފަތިހު 05:30 އާ ހަމަޔަށް ތ. އަތޮޅުން މ. އަތޮޅާ ހަމައަށްވެސް އޮތީ ޔެލޯ އެލަރޓް ނެރެފައެވެ.