މާފަންނު ގެއެއްގެ ސިޑި ގޮޅިއަށް ވެއްޓި ބިދޭސީއަކު ނިޔާވެއްޖެ

މާލެ، މާފަންނު ގެއެއްގެ ސިޑި ގޮޅިއަށް ވެއްޓުނު މީހަކު ނިޔާވެއްޖެއެވެ.

މާފަންނުގައި ހުންނަ ގެއެއްގެ 6 ވަނަ ފަންގިފިލާއިން އެގޭ ސިޑި ގޮޅިއަށް މީހަކު ވެއްޓިފައިވާކަމުގެ މައުލޫމާތު 4 ނޮވެމްބަރު 2025 ވަނަ ދުވަހު 18:29 އެހާކަންހާއިރު ފުލުހުންނަށް ރިޕޯޓްކޮށްފައިވާއިރު، ވެއްޓިފައިވަނީ ބަންގްލަދޭޝްއަށް ނިސްބަތްވާ މީހެއް ކަމަށް ފުލުހުން ވަނީ މައުލޫމާތު ދީފައެވެ.

47 އަހަރުގެ އެ މީހާގެ ނަމަކީ ރަތަންއެވެ. އޭނާ ހޮސްޕިޓަލަށް ގެންދިޔައިރުވެސް އޮތީ މަރުވެފައެވެ.

ފުލުހުން ބުނީ މައްސަލަ ތަހުގީގު ކުރަމުންދާކަމަށެވެ.