އިބްރާހިމް ލަތީފް ރެޑިކަލް ޕާޓީ އޮފް މޯލްޑިވްސްގެ ނަމުގައި ސިޔާސީ ޕާޓީއެއް އުފެއްދުމަށް ހުއްދަ ދިނުމަށް ނިންމާފައިވާ ކަމަށް އިލެކްޝަންސް ކޮމިޝަނުގެ ރައީސް އަހުމަދު ޝަރީފު ހާމަކުރައްވައިފިއެވެ. ޝަރީފް ރޭ ކުރެއްވި ޓްވީޓެއްގައި، މިވަގުތު ޕާޓީ އިލެކްޝަންސް ކޮމިޝަނުގެ ދަފުތަރުގައިވާ ޕާޓީތަކާއި، އުފެއްދުމުގެ މަރުހަލާގައިވާ ޕާޓީތަކާއި ބެހޭ މައުލޫމާތު ހިއްސާކޮށްފައި ވެއެވެ. ރެޑިކަލް ޕާޓީ އޮފް މޯލްޑިވްސް އުފެއްދުމުގެ ހުއްދަ ދީފައިވަނީ ފުވައްމުލަކު ފުނާޑް މުޝްތަރީގޭ، އަހުމަދު ބަދީއު އަށެވެ.
ބަދީއުއަށް ސިޔާސީ ޕާޓީ ހެދުމުގެ ހުއްދަ ދިނުމަށް ނިންމާފައި ވަނީ އިއްޔެ ކަމަށާއި ނަމަވެސް އަދި ހުއްދަ ހަވާލުކޮށްފައި ނުވާކަމަށް ޝަރީފު ހިއްސާކުރެއްވި މައުލޫމާތުގައި ވެއެވެ.
ޝަރީފް ހިއްސާކުރެއްވި މައުލޫމާތުގައި ވާގޮތުން ޕާޓީ އުފެއްދުމަށް ހުއްދަދީ އަދި ހުއްދަ ދިނުމަށް ނިންމާފައި ވަނީ ފަސް ޕާޓީއަކަށެވެ. އަދި މިވަގުތު ހަތް ޕާޓީއެއް ރެޖިސްޓްރީ ކޮށްދީފައިވާ ކަމަށް ވެސް އެލިސްޓްގައި ވެއެވެ.
ޚިޔާލުތައް