އަހުމަދު ނިޖާހް ފުވައްމުލަކު ސުކޫލް (އެފްއެސް) އިން ބެލެނިވެރިންގެ ފުވަސް ފާހަނގަކޮށްފިއެވެ.
އިއްޔެ އާއި މިއަދު ކުރިއަށް ގެންދާ ހަރަކާތްތަކުގެ ތެރޭގައި އަދަބީ ޝޯއަކާއި ދުވަހާއި ގުޅޭގޮތުން ޑިސްކަޝަން ފޯރަމެއްގެ އިތުރުން ކުޅިވަރު ހަރަކާތްތަކެއް ކުރިއަށްގެންގޮސްފައިވެއެވެ. ބެލެނިވެރިންގެ ދުވަސް ފާހަނގަކުރުމުގެ ރަސްމިއްޔާތަށް ބެލެނިވެރިން އެސުކޫލަށް ހާޟިރުވުމުން ސުކޫލުން ބެލެނިވެރިންނަށް މަރުހަބާކިޔާފައިވަނީ ޓީޗަރުންގެ ފަރާތުން މަލެއް ދިނުމާއި އެކުއެވެ. އަދި މީގެ އިތުރުން ބެލެނެވެރިންނާއި ޓީޗަރުންނާއި ދެމެދު އާކަރިކިއުލަމަށް ހޭލުންތެރިކުރުމުގެ ގޮތުން ބަހުސެއް ކުރިއަށް ގެންގޮސްފައިވެއެވެ. މިހަރާކަތްތައް ކުރިއަށް ގެންދަނީ ބެލެނިވެރިންނާއި ޓީޗަރުންގެ ބައިވެރިވުމާއި އެކުއެވެ.
ބެލެނިވެރިންގެ ދުވަސް ފާހަނގަ ކުރުމުގެ ގޮތުން އިއްޔެ ބޭއްވި ރަސްމިއްޔާތުގައި އެފްއެސްގެ ޕްރިންސިޕަލް ހަސަން ޒަރީރު ބެލެނިވެރިންނާއި މުޙާތަބުކޮށް ވިދާޅުވީ ބެލެނިވެރިން ކުދިންނަށް ގުރުއާންކިޔަވައިދިނުމަށް ހާއްސަ ސަމާލުކަމެއް ދެއްވުމަށާއި އަދި ހާއްސަކޮށް ދެ ނަމާދު ދޭތެރޭގައި ގުރުއާން ކިޔެވުން ކުދިންގެމެދުގައި އަށަގަންނަވައި އެކަން ދެމެހެއްޓުމަށް އިލްތިމާސް ކުރެއްވެވިއެވެ. މީގެ އިިތުރުން ނަމާދުފަދަ ދީނީ ކަންތައްތަކަށް ލޯބިކުރާ ބަޔަކަށް ހެދުމަށާއި ދީނުމުގެ ހަމަތަކާއި އުސޫލްތަކަށް ލޯބި ކުރާ ކުދިންތަކަކަށް އެކުދިން ހަދަންޖެހޭނެކަމަށްވެސް ވިދާޅުވިއެވެ.
މީގެ އިތުރުން ބެލެނިވެރިންނާއި ޓީޗަރުންނާއި ދެމެދު މިއަދު ހިންގާ ބައެއް ހަރަކާތްތަކުގެ ތެރޭގައި ފުވައްމުލަކު ބައެއް ސަގާފީކުޅިވަރުތައް ކަމަށްވާ ފައިގަތަޅާ (ޗުކީ)، ބޮސް ކުޅުމާއި ވޮލީ އަދި ބަށިފަދަ ކުޅިވަރުތައް ކުރިއަށް ގެންދިޔުމަށް ހަމަޖެހިފައިވެއެވެ. ސުކޫލްގެ މުވައްޒަފުންގެ ފަރާތުން ރޭ ބެލެނިވެރިންނަށް ހާއްސަ ރޭގަނޑު ކެއުމެއްވެސް ދީފައިވެއެވެ. އަދި މީގެ އިތުރުން ބެލެނެވެރިންނަށް އަމާޒުކޮށްގެން ކުދިން ތަރުބިއްޔަތު ކުރުމާއި ގުޅޭ ގޮތުން ހާއްސަ ތަމްރީން ތަކެއް ކުރިއަށް ގެންދިޔުމަށް ރާވާފައިވެއެވެ.
ފުވައްމުލަކު ސުކޫލްގައި ކޮންމެ އަހަރަކު ބެލެނިވެރިންގެ ދުވަސް ފާހަނގަކުރަމުން ގެންދެއެވެ.
ޚިޔާލުތައް