އިބްރާހިމް ލަތީފް މިސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން މާލެ އާއި ދެކުނުގެ ފަސް އަަތޮޅެއްގައި ޖުމްލަ 9،200 ހައުސިން ޔުނިޓް އެޅުމުގެ ފްރޭމްވޯކް އެއްބަސްވުންތަކެއްގައި ޗައިނާ އާއި އިންޑިއާގެ ކުންފުނިތަކަކާ އެކު ހައުސިން މިނިސްޓްރީން ސޮއިކޮށްފި އެވެ. މި ބޮޑު ދެ މަޝްރޫއުގެ ފުރަތަމަ އެއްބަސްވުމުގައި ސޮއިކުރީ މިދިއަ އެޕްރީލް މަހާއި މިދިއަ މަހު ކަމަށް ވިޔަސް، ސަރުކާރުން އެކަން ހާމަކުރީ ރޭ ރާއްޖެޓީވީގެ “ފަލަ ސުރުހީ” ޕްރޮގްރާމުގައި ވާހަކަ ދައްކަވަމުން ހައުސިން މިނިސްޓްރީގެ ސްޓޭޓް މިނިސްޓަރު އަހުމަދު ނަޝީދާއި ޑެޕިއުޓީ މިނިސްޓަރު އަލީ ޝާމިން އެވެ.
މިކަލް ނޫހަށް މައުލޫމާތު ލިބޭގޮތުގައި މިހާރު ސޮއިކުރެވިފައިވާ އެއްބަސްވުމުގެ ދަށުން ކުރާކަމަކީ ކުރެހުން ތައްޔާރުކުރުމާއި އެހައުސިން ޔުނިޓް އެޅުމަށް ހިގާނެ ޚަރަދު ކަނޑައެޅުމެވެ. އެއަށްފަހު އެޕްރޮޖެކްޓްތަކަށް ފައިސާހޯދައި އެހައުސިން ޔުނިޓްތައް ތަރައްގީކުރާނީ އާ އެއްބަސްވުންތަކަކާއިއެކުގައެވެ.
މި 9200 ހައުސިން ޔުނިޓްތަކުގެ ތެރެއިން މާލޭގައި އެޅުމަށް ހަމަޖެހިފައިވާ 4،200 ހައުސިން ޔުނިޓް އެޅުމުގެ ފްރޭމްވޯކް އެއްބަސްވުމުގައި ސަރުކާރުން ސޮއިކުރީ ޗައިނާގެ ކުންފުންޏަކާ އެވެ. އަދި ދެކުނުގެ ފަސް އަތޮޅެއްގައި އަޅާ 5،000 ހައުސިން ޔުނިޓްގެ ފްރޭމްވޯކް އެއްބަސްވުން ހެދީ އިންޑިއާގެ ކުންފުނިތަކަކާއިއެކުގައެވެ. މިއެއްބަސްވުން ތަކުން ފުވައްމުލަކުގައި ތަރައްގީކުރުމަށް ހަމަޖެހިފައިވާ ހައުސިން ޔުނިޓްތަކުގެ މައުލޫމާތު ލިބޭގޮތް އަދިވަނީ ނުވެފައެވެ.
ޚިޔާލުތައް