ސާއިމް މޫސާ އައިޑިއަލް ސްކޫލުން، ފުވައްމުލަކުގައި އެހީތެރިކަމަށް ބޭނުންވެފައި ތިބި ބައެއް މީހުންނަށް އެހީތެރިކަމުގެ އަތެއް ފޯރުކޮއްދީފިއެވެ.
މިކަލް ނޫހަށް މައުލޫމާތު ދެއްވަމުން އެ ސްކޫލްގެ ޕްރިންސިޕަލް މުހައްމަދު ހުސެއިން ވިދާޅުވީ މިއަދު އެ ސްކޫލުން ހިންގި މި ހަރަކާތުގައި ފުވައްމުލަކުގެ ތިބި އެހީތެރިކަމަށް ބޭނުންވެފައި ތިބި ބައެއް ރައްޔިތުންނަށް އަންނައުނު ހަދިޔާ ކޮއްފައިވާނެ ކަމަށެވެ.
“އަޅގަނޑުމެން މިއަދު ހަދިޔާ ކޮއްފައިވާ އަންނައުނުތަކަކީ ބޭނުން ކޮއްފައިވާ އަންނައުނު ތަކެއް، އެހެންނަމަވެސް ވަރަށް އާ އަންނައުނުތަކެއް” މުހައްމަދު ޙުސެއިން ވިދާޅުވިއެވެ.
އިތުރަށް ވާހަކަ ދައްކަމުން ޕުރިންސިޕަލް މުހައްމަދު ޙުސެއިން ވިދާޅުވީ މި ހަރަކާތް މެދުކެނޑުމެއްނެތި ކުރިޔަށް ގެންދިއުމަށް އެ ސްކޫލުން ނިންމާފައިވާ ކަމަށާއި،ކުރިޔަށް އޮތްތާގައި ވިޔަފާރި ވެރިންނާއި ގުޅިގެން، މިހަރަކާތް އިތުރަށް ފުޅާކޮއް، ބޭނުންކޮއްފައި ހުންނަ އެއްޗެހީގެ ބަދަލުގައޮ މުޅިން އާ އެއްޗެހި ދިނުމަށް މަސައްކަތް ކުރަމުންދާ ކަމަށެވެ.
މިއަދުގެ މި ހަރަކާތަކީ ފުވައްމުލަކު ޕޮލިސް ސްޓޭޝަނާއި ފުވައްމުލަކު ފެމެލީ އެންޑް ޗިލްޑްރެން ސަރވިސް ސެންޓަރާއި ގުޅިގެން ހިންގި ހަރަކާތްތެއް ކަމަށް އައިޑިއަލް ސްކޫލުން މައުލޫމާތު ދެއްވައެވެ.
ޚިޔާލުތައް