އިބްރާހިމް ލަތީފް ފުވައްމުލަކު އަތޮޅު ކައުންސިލުން އިންތިޒާމު ކޮށްގެން ބާއްވާ “އަތޮޅު ކައުންސިލް ގުރުއާން މުބާރާތް 2016” ގައި ބައިވެރިވުމުގެ ފުރުސަތު ހުޅުވާލައިފިއެވެ. އަންނަ މެއި މަހުގެ 5 އިން 8 އަށް ކުރިއަށްދާ މިމުބާރާތުގައި ބައިވެރިވުމުގެ ސުންގަޑިއަކީ އެޕްރީލް މަހުގެ 11 ވަނަ ދުވަހެވެ.
މިމުބާރާތް ބަހާލެވިފައިވަނީ ފުވައްމުލަކުގައި ހިންގާ ސްކޫލް ތަކަށާއި ގުރުއާން ކުލާސް ތަކަށާއި ކްލަބް ޖަމްއިއްޔާ ތަކުގެ އިތުރުން ރަށު ކައުންސިލްތަކަށް ކަމަށް އަތޮޅު ކައުންސިލުން ހާމަކުރެއެވެ.
މިމުބާރާތުގައި ބައިވެރިވުމަށް އެދޭ ފަރާތްތަކުން ބައިވެރިވުމަށް އެދޭ ފޯމް ފުރިހަމަ ކުރުމަށްފަހު އަތޮޅު ކައުންސިލްގެ އިދާރާއަށް އެޕްރީލް 11 ވާ ހޯމަ ދުވަހުގެ 1400 ގެ ކުރިން ހުށަހެޅުއްވުމަށް އަތޮޅު ކައުންސިލުން އެދި ލައްވައެވެ.
މިއީ އަތޮޅު ކައުންސިލުން އިންތިޒާމުކޮށްގެން ބާއްވާ 5 ވަނަ ގުރުއާން މުބާރާތެވެ. މިދިޔަ އަހަރު ބޭއްވުނު ގުރުއާން މުބާރާތުގައި 113 ދަރިވަރުން އަޑު އިވިގެންދިޔައެވެ. އެމުބާރާތުގެ އެއްވަނަ އަށް ހޮވުނީ ހާފިޒު އަހުމަދު ސުކޫލެވެ. އަދި ދެވަނަ ހޮވުނީ އެމްޖޭއެމްއެވެ. އަދި ތިންވަނަ އަށް ހޮވުނީ ތަހުފީސުލް ގުރުއާނެވެ.
ޚިޔާލުތައް