މުހައްމަދު ޝިހާބް އެންވަޔަރމެނޓް މިނިސްޓްރީން ކުރިން ހުޅުވާލާފައިވާ ތިމާވެއްޓާއި ބެހޭ ފޮޓޯ މައުރަޒުގައި ބައިވެރިވުމުގެ މުއްދަތު މިމަހުގެ 19 އަށް އިތުރުކޮށްފިއެވެ. ފޮޓޯގްރާފަސް އޮފް މޯލްޑިވްސް އާއި އެމިނިސްޓްރީ ގުޅިގެން ސްކޫލް ކުދިންނަށް ބާއްވާ މިމުބާރާތް ބޭއްވުމަށް ހަމަޖެހިފައި ވަނީ އަންނަ ޖޫންމަހު 3-4ށް މާލޭގައެވެ. މިމުބާރާތުގައި ފުވައްމުލަކުގެ ސްކޫލްތަކުގެ ދަރިވަރުންނަށް ވެސް ބައިވެރިވުމުގެ ފުރުސަތު ވަނީ ހުޅުވާލެފިފައެވެ.
މުބާރާތަށް ހުށަހަޅާ ފޮޓޯތައް ބަލައިގަތުމަށް މިހާރު ހަމަޖެހިފައިވާ އެންމެ ފަހު ތާރީޚަކީ މި ޖޫންމަހު 19 ވާ ބުރާސްފަތި ދުވަހުގެ މެންދުރުފަހު 1:30 އަށެވެ. މިމުބާރާތަށް ހުށަހެޅޭ ފޮޓޯ އީމެއިލްގެ ޒަރިއްޔާއިން ވެސް ބަލައިގަންނަ ގޮތަށް ވަނީ ހަމަޖެހިފައެވެ. މީގެ އިތުރުން މުބާރާތުގެ އެޕްލިކޭޝަނާއެކު އެންވަރމެންޓް މިނިސްޓްރީގެ ކައުންޓަރުން ވެސް ފޮޓޯގެ ސޮފްޓް ކޮޕީ ބަލައިގަންނަ ގޮތަށްވަނީ ހަމަޖެހިފައެވެ.
މިމުބާރާތް ބަހާލެވިފައި ވަނީ 3 އުމުރުފުރައަކުން 3 ކެޓަގަރީއަކަށެވެ. އެއީ ގްރޭޑް 6-7 ، ގްރޭޑް 8-10 އަދި ގްރޭޑް 11-12 އަށެވެ. މިއިން ކޮންމެ އުމުރުފުރައަކުން ވެސް، ވޯޓަރ/ އެނަރޖީ، ވޭސްޓް / ޕޮލިއުޝަން އަދި ބައިއޯ ޑައިވަރސިޓީ އެންޑް ލައިވްލިހުޑް، މިތިން ކެޓަގަރީގައި ވެސް ފޮޓޯ ބައިވެރި ކުރެވިދާނެއެވެ.
މިމުބާރާތުގެ ވަނަތައް އިއުލާންކުރުން އޮންނާނީ، މުބާރާތަށް ހުށަހެޅޭ ފޮޓޯތައް ދައްކާލުމަސް ބާއްވާ މައުރަޒު ހުޅުވުމުގެ ރަސްމިއްޔާތުގައެވެ. މުބާރާތުގެ ކޮންމެ އުމުރުފުރައަކުން ވެސް ކޮންމެ ދާއިރާއަކު ން 1 ވަނަ، ދެވަނަ އަދި 3 ވަނަ ހޮވާ ގޮތަށް ވަނީ ހަމަޖެހިފައެވެ.
މިއީ މިއަހަރުގެ ދުނިޔޭގެ ތިމާވެށި ދުވަހާއި ގުޅިގެން ‘ދެމެހެއްޓެނިވި ތަރައްގީއަކަށް ތިމާވެށި” މިޝިއާރުގެ ދަށުން ބާއްވާ ފޮޓޯ މުބާރާތެކެވެ.
ޚިޔާލުތައް