މުހައްމަދު ޝިހާބް ފުވައްމުލައް ސިޓީގެ ކަރަންޓަށް ދިމާވެފައިވާ މައްސަލައަށް ހައްލެއް ހޯދުމުގެ ގޮތުން ކުރިޔަށް ގެންދާ މަޝްރުއޫގެ ދަށުން އައު ޖެނެރޭޓަރެއް މިއަދު ފުވައްމުލަކަށް ގެެސްފިއެވެ. ފެނަކަ-ފުވައްމުލަކުގެ އިސްފަރާތަކު ހާމަކޮށްފައިވާ ގޮތުން މިއަދު ރަށް މިގެނައީ 1.2 މެގަވޮޓް ގެ ޖަނެރޭޓަރެކެވެ.
އަލަށް މިގެނައި އިންޖީނާއެކު ވެސް ފުވައްމުލަކުގެ ކަރަންޓް މައްސަލަ އެއްކޮށް ހައްލުވެގެން ދާނެކަމަކަށް ނުބެލެވެއެވެ.
މިޖަނެރޭޓަރު އިންސްޓޯލް ކުރުމަށް ހަމޖެހިފައި ވަނީ މިހާރުވެސް ފުވައްމުލަކުގައި ބޭނުން ކުރަމުން އަންނަ އިންޖީނުގޭގައެވެ.
އަލަށް ގެނައި 1.2 މެގަވޮޓް ޖެެނެރޭޓަރުން ބާލަނީ
ފުވައްމުލައް ސިޓީއަށް މިހާރު ކަރަންޓްގެ ޚަިދުމަތް ދެމުން އަންނަ އިންޖީނު ގެއަކީ ރަށުގެ މެދު ހިސާބުގައި މީހުން ދިރިއުޅޭ ގެތެކުގެ ކައިރީގައި މީގެ އތައް އަހަރެއް ކުރިން ގާއިމުކުރި ިއންޖީނުގެއެކެވެ. މިހާރު ވަނީ އެއިންޖީނުގޭގެ ގޯތިތެރެ ފުރި، އިތުރު ޖާގައަށް ބޭނުންވެފައެވެ. ނަމަވެސް އެހިސާބުން ޖާގަ ލިބެން ނެތުމާއި، މީހުން ދިރިއުޅޭ ހިސާބާއި ދުރު ތަނެއްގައި އައު އިންޖީނުގެއެއް އެޅުމުގެ މަޝްވަރާތައް ކުރިޔަށްދާކަމަށް މައުލޫމާތު ލިބިފައިވެއެވެ.
އާ އިންޖީނުގެއެއް އެޅުމަށް ދޫނޑިގަމު އަވަށު، ފުވައްމުލަކު ސްކޫލް ބިއްދޮށުގެން ސަރަހައްދެއް ހަމަޖެހިފައިވާ ކަމަށް ވައެވެ. ދާދި ފަހުން ވަނީ ފަނެކަ-ފުވައްމުލަކުގެ އިސް ފަރާތްތަކާއި ސިޓީ ކައުންސިލުގެ އިސްފަރާތްކުން އެބިން ބަލާފައިވެއެވެ.
މިހާރު ފުވައްމުލައ ސިޓީ އަށް ދިމާވެފައިވާ ކަންޓްގެ މައްސަލައަށް ދާއިމީ ހައްލެއް ލިބޭނީ އާއިންޖނުގެ ބޭނުންކުރަން ފެށުމުން ކަމަށެ ވެއެވެ.
އާއްމު ބޭނުންތަކަށް ކަރަންޓް ބޭނުންވާ މިންވަރު ދުވަހެއް ދުވަހަކަށް އިތުރުވަމުން ދާއިރު އާ އިންޖީނުގެއާއެކު ފުވައްމުލަކުގެ ކަރަންޓް ނެޓްވޭކް ވެސް އަޕްގްރޭޑް ކުރަން ޖެހޭނެއެވެ. މިާރުވެސް ރަށުގެ ބައެއް ހިސާބުތަކުގެ ކަރަންޓް ކޭބަލް އަންނަނީ ބަދަލުކުރަމުން ކަމަށް މައުލޫމާތު ލިބެއެވެ.
ފުވައްމުލައް ސިޓީގެ އައު އިންޖީނުގެ އަޅާނެކަމަށް ބެލެވޭ ސަރަހައްދު
ޚިޔާލުތައް