މުހައްމަދު ޝިހާބް ފުވައްމުލަކު ހޮސްޕިޓަލުން އަލަށް ކިޑްނީބަލި މީހަކު ޑައިލިސް ހަދައިފިއެވެ. ފުވައްމުލަކު ހޮސްޕިޓަލުގައި މި ޑިސެމްބަރު މަހު 11 ވަނަ ދުވަހު ހުޅުވި ޑައިލިސިސް ޔުނިޓުން ފުރަތަމަ ފަހަރަށް ބަލި މީހަކަށް ޑައިލިސްި ހަދާަފއިވަނީ މި ޑިސެމްބަރު މަހު 25 ގައި ކަމަށް ފުވައްމުލަކު ހޮސްޕިޓަލުން ހާމަކުރެއެވެ.
ފުވައްމުލަކު ހޮސްޕިޓަލުގައި ގާއިމުކުރި ޑަޔަލިސަސް ޔުނިޓުން އެއް ފަހަރާ ތިން މީހުންނަށް ޑައިލިސިސް ހެދޭނޭ އިންތިޒާމު ހަމަޖެހިފައި ވެއެވެ.
އައްޑޫ ރީޖަނަލް ހޮސްޕިޓަލުގައި މަސައްކަތްކުރާ ނެފްރޮލޮޖިސްޓް މަދުވެގެން ކޮންމެ ތިންމަހަކުން އެއްމަހުން ފުވައްމުލަކު ހޮސްޕިޓަލަށް ޒިޔާރާތްކޮށް ބަލިމީހުން ބައްލަވާގޮތައް ހަމަޖެހިފައިވާކަމަށް ހެލްތު މިނިސްޓްރީން ހާމަކޮށްފައިއެވެ.
ޑައިލިސަސް ޔުނިޓުގައި މަސައްކަތް ކުރުމަށް ފުވައްމުލަކު ހޮސްޕިޓަލުގެ 4 ނަރުހަކަށް ކަމާއިގުޅޭ ޚާއްސަ ތަމްރީނު މާލޭގެ އައިޖީއެމްއެޗްގައި ދީފައި ވެއެވެ.
އެއްމެ ބަލި މީހަކު ޑައިލިސް ހެދުމަށްފަހު ޑައިލިސްގެ ޚިދުމަތް މެދުކެޑިފައިވާ ކަމުގެ ޝަކުވާ ފާޅުކުރަމުން ފުވައްމުލައް ސިޓީގެ ރައްޔިތަކު ހާމަކޮށްފައިވަނީ “މި ހިސާބުން ދެން މިކަން ނިމުނީ ކމަށް ވަނީ… ދެން (ޚިދުމަތް) ދެވޭނެ ދުވަހެއްވެސް ނޭނގެ ޔޯ”. ޝޯޝަލް މީޑިއާގައި މިމަހު 25 ވަނަ ދުވަހު މީހަކު ޕޯސްޓްކޮށްފައި ވެއެވެ.
ނަމަވެސް އޭނާ ފަހުން ހާމަކޮށްފައިވާ ގޮތުން ފުވައްމުލަކު ހޮސްޕިޓަލުން އުފާވެރި ޚަބަރެއް ދީފައިވާކަމަށާއި އެކަމަށް ހޮސްޕިޓަލުގެ މެނޭޖްމެންޓަށް ޝުކުރު އަދާކަމަށް ބުނެ ޕޯސްޓެއްކޮށްފައި ވެއެވެ.
ފުވައްމުލަކު ހޮސްޕިޓަލުގެ ފުރަތަމަ ޑައިލިސް ޕޭޝަންޓް.
މިއަހަރު ކުރީކޮޅު އިމާރާތްކުރަން ފެށި ޑައިލިސް ޔުނިޓްގެ މަސައްކަތް ނިމްނައި ތަނަށް ބޭނުންވާ އިކްއިޕްމެންޓްތައް އިންސްޓޯލްކޮށް ނިންމާފައި ވަނީ މި ޑިސެމްބަރު މަހު ކުރީކޮޅުއެވެ. ނަމަވެސް މިއަހަރު އޯގަސްޓް މަހު ޑައިލިސް ޚިދުމަތް ދެވޭނެ ކަމަށް ހޮސްޕިޓަލުގެ މެނޭޖަރު ކުރިން ހާމަކުރައްވާފައި ވެއެވެ.
ފުވައްމުލަކު ހޮސްޕިޓަލުން ދުވާލަކު 150 އާއި 200 މީހުންނާ ދެމެދުގެ އަދަދަކަށް ބަލިމީހުން ޚިދުމަތް ހޯދާކަމަށް ވެއެވެ.
ހެލްތު މިނިސްޓްރީން ހާމަކުރައްވާ ގޮތުގައި މާލެ ސިޓީ ފިޔަވައި އަތޮޅުތެރޭގައި 7 ސަރަހައްދެއްގައި 60 މީހުންނަށް ޑައިލެސިސް ޚިދުމަތް ދެމުން ގެންދެއެވެ.
ޚިޔާލުތައް