އަފުންގެ ބަހަ ބަހުޘް މުބާރާތުގެ ފައިނަލަށް ހޭޒް އަދި ފެނަކަ….

ފޯރިގަދަ ބަހުޘް ތަކަކަށްފަހު ފިސްޑާ އިން އިންތިޒާމްކޮށްގެން މީހާރު ފުވައްމުލަކުގައި ކުރިޔަށްދާ މާދަޑު ކައުންސިލްގެ “އަފުންގެ ބަހަ ބަހުޘް މުބާރާތް 2016” ގެ ފައިނަލަށް ޙާފިޒް އަޙްމަދު ސްކޫލް އާއި ފެނަކަ ކޯޕަރޭޝަންގެ ފުވައްމުލަކު ބްރާންޗްގެ ޓީމް ދަތުރުކޮށްފިއެވެ.

މި މުބާރާތުގެ ފިއިނަލަށް މި 2 ޓީމް ދަތުރުކޮއްފައިވަނީ  ކޮންމެ ޓީމަކުންވެސް، ގުރޫޕް ސްޓޭޖްގައި  3 ބަހުސް ކުރުމަށްފަހު އެންމެގިނަ ޕޮއިންޓް ހޯދއިގެންނެވެ.

މި މުބާރާތުގެ ފައިނަލް ބޭއްވުމަށް ހަމަޖެހިފައިވަނީ 27 ޖުލައި 2016 ވާ ބުދަ ދުވަހުގެ ރޭ 20:30 ގައި   ފުވައްމުލަކު ޒުވާނުންގެ މަރުކަޒުގެ ގޯތިތެރޭގައި އެވެ . ފޯރިގަދަވާނެ ކަމަށް ބެލެވޭ މި ބަހުޘް އަޑުއެހުމައްޓަކައި ވިހާވެސް ގިނަ ފަރާތްތަކުން ފުވައްމުލަކު ޒުވާނުންގެ މަރުކަޒަށް ވަޑައިގެން ދެއްވުމަށް ފިސްޑާއިން ވަރަށް ބޮޑު އެދިލެއްވައެވެ.