މުހައްމަދު ޝިހާބް މެލޭޝިއާ އެމްބަސީގައި (މިހާރު ހައިކޮމިޝަން) ގައި މުހައްމަދު ފަހުމީ ހަސަން ހުންނަވައި އެ އެމްބަސީން ގަވާއިދާއި ޚިލާފަށް ލައްކައެއްހާ ރުފިޔާ ހޭދަ ކޮށްފައިވާ ކަމަށް 2018ގެ އޯޑިޓް ރިޕޯޓުގައި ހާމަކޮށްފިއެވެ.
ގަވާއިދާއި ޚިލާފަށް ކޮށްފައިވާ ޚަރަދުތަކުގެ ތެރޭގައި ސަފީރު ފަހުމީ އާއި އަނބިކަނބަލުންގެ މެޑިކަލް ޗެކަޕެއް ހެއްދުމަށް 26360.00 ރުފިޔާ ޚަރަދު ކޮށްފައި ވާކަމަށް ވެއެވެ. ފުރިހަމަ ހެލްތު އިންޝުއަރެންސް ސްކީމް ލިބެން ހުންނަ ތަންތަނުގައި އެއިޝުއަރެންސް ސްކީމުގެ ބޭރުން އެމީހަކާއި އަނބިން އަދި ދަރިންގެ ސިއްޙީ ކަންކަމަށް ޚަރަދު ކުރުމަކީ އަމިއްލަ އިން ކުރަން ޖެހޭ ކަމެއްގެ ގޮތުގައި އޯޑިޓަރ ޖެނެރަލް އެކާމާއި ގުޅޭ ގަވާއިދާއި ހަވާލާދެއްވައި ހާމަކޮށްފައި ވެއެވެ.
މީގެ އިތުރުން ކުރީގެ ސަފީރު ފަހުމީގެ ބެއްލެވުމުގެ ދަށުން އެއެމްބަސީގައި މިނިނސްޓަރ-ކައުންސެލަރ ކަމުގެ މަގާމުގައި ހުންނެވި އަބްދުއްރަހީމުގެ ދަރިފުޅު ފައިސަލް އާއި އޭނާގެ އަނބިކަބަލުންނަށް ޕްރާޑާ ބްރޭންޑްގެ އަގުބޮޑު އައިނު ހެއްދުމަށް އެމްބަސީގެ ބަޖެޓުން 72438.00ރ. ޚަރަދު ކޮށްފައިވާ ކަމަށް ވެސް އޮޑިޓާ ޖެނެރަލްގެ ރިޕޯޓުގައި ފާހަގަކޮށްފައި ވެއެވެ. މިއީ ވެސް އެކަމަށް ކަނޑައެޅިފައިވާ ގަވާއިދާއި ޚިލާފަށް އެމްބަސީގެ ބަޖެޓުން ކޮށްފައިވާ ޚަރަދުތަކެއް ކަމަށް ފާހަގަކޮށްފައި ވެއެވެ.
މެލޭޝިއާގެ އެމްބަސީގައި ވަޒީފާ އަދާކުރާ މުވައްޒަފުންގެ ހެލްތު އިންޝުއަރެންސް ސްކީމެގައި ދިވެހި ސަރުކާރުން ވަނީ ބައިވެރިކޮށްދީފައެވެ. ވުމާއެކު ސްކީމުގެ ބޭރުން އެމްބަސީގެ ބަޖެޓުން ސިއްހީ ކަންކަމަށް ޚަރަދުކުރާކަމުގައި ވަނީނަމަ އެއީ އަމިއްލައިން ކުރަން ޖެހޭ ކަމެކެވެ.
މި ދެ އަދަދަށް ބަލާލުމުން އެމްބަސީގެ ބަޖެޓުން 98798.00 ރުފިޔާ ގަވައިދާ ހިލާފަށް ޚަރަދުކޮށްފައި ކަމަށް ވެއެވެ. ދައުލަތުގެ ބަޖެޓުން ގަވާއިދާއި ޚިލާފަށް އަމއިްލަ ބޭނުމަށް ޚަރަދުކޮށްފައިވާ މި ފައިސާ ކަމާއި ގުޅޭ އިދާރާތަކުގެ ލަފާގެ މަތިން ހޯދުމަށް އޯޑިޓް ރިޕޯރޓުގައި ބުނެފައިވެއެވެ.
ޕީޕީއެމްގެ ނުފޫޒު ގަދަ އަބްދުއްރަހީމު- އަދުރޭގެ ދަރިފުޅު ފައިސަލްގެ އައިނު ހެދުމަށް ގަވާއިދާއި ޚިލާފަށް 72000ރ. އަށް ވުރެ ގިނައިން ހޭދަކޮށްފައިވޭ.
ޚިޔާލުތައް