ސާއިމް މޫސާ ފުވައްމުލައް ސިޓީގެ އިސްވެރިންނާއިއެކު ނާއިބް ރައީސް ފައިސަލް ނަސީމް ބައްދަލުވުންތަކެއް ބާއްވައިފިއެވެ. މިކަލް ނޫހަށް މައުލޫމާތު ލިބިފައިވާ ގޮތުގައި މި ބައްދަލު ވުންތައް ބާއްވާފައިވަނީ އޮންލައިން ކޮށެވެ. މިގޮތުން މި ބައްދަލްވުންތަކުގައި ފުވައްމުލަކު ތަމްސީލްކުރާ މަޖުލިސް 3 މެމްބަރުންގެ އިތުރުން ފުވައްމުލަކު މޭޔާރ އަދި ރަށުގެ ބައެއް މުއްސަސާތަކުގެ އިސްވެރިން ވަނީ ބައިވެރިވެ ވަޑައިގެންފައެެވެ.
މިބައްދަލުވުންތަކުގެ ތެރެއިން ފުރަތަމަ ބައްދަލުވުން ބާއްވާފާފައި ވަނީ ކޮވިޑް-19 އާއި ގުޅިގެން ފުވައްމުލަކު ހޮސްޕިޓަލުން ދެމުންގެންދާ ޚިދުމަތްތަކާއި ގުޅޭ ގޮތުންނެވެ. އަދި އިތުރު ދެ ބައްދަލުވުމުގައި ކުރިޔަށް ގެންގޮސްފައިވަނީ ފުވައްމުލަކު ނަރުދަމާ ނިޒާމުގެ ހުރި މައްސަލަތަކާއި ގުޅޭގޮތުންނާއި ފުވައްމުލަކު މަގުހެދުމުގެ މަޝްރޫޢުގެ މަސައްކަތް މިހާރު ގޮސްފައިވާ ހިސާބާއި ބެހޭ ގޮތުނެނެވެ.
މި ބައްދަލުވުންތަކުގައި ޕްލޭނިންގް މިނިސްޓަރ އަސްލަމްގެ އިތުރުން، ފެނަކައިގެ އެމްޑީ އަހްމަދު ސައީދު އަދި އެމްޓީސީސީގެ ސީއޯ އާދަމް އާޒިމް އާއި އެކުންފުނީގެ ބައެއް އިސްވެރިން ބައިވެރިވެ ވަޑައިގެންނެވިއެވެ.
މީގެ އިތުރުން ދެކުނު ސަރަހައްދުގައި އެމްޕީއެލްއިން ދެމުން ގެންދާ ދަތުފަތުރުގެ ޚިދުމަތާއި ބެހޭގޮތުން އެމްޕީއެލްގެ އެމްޑީ ޝާހިދު އަލީ ވަނީ މައުލޫމާތު ދެއްވާފައެވެ.
ޚިޔާލުތައް