އިބްރާހިމް ލަތީފް ފުވައްމުލަކުގައި އިއްޔެ (14 މެއި 2020) ވީ ބުރާސްފަތި ދުވަހު ކުއްލިގޮތަކަށް ނިޔާވި ބަގުލާދޭޝް މީހާގެ ގައި ން ކޮވިޑް-19ގެ ސާންޕަލް ނެގުމަށްފަހު މިއަދު ވަޅުލައިފިއެވެ. މާލޭގައި ފެތުރެމުންދާ ކޮވިޑު-19އަށް ޝައްކު ނުވިނަމަވެސް ސާމްޕަލް ކޮވިޑަށް ޓެސްޓުކުރުމަށް ފޮނުވަން ނިންމާފައިވާ ކަަމަށް މިކަލް ނޫހަށް މައުލޫމާތު ލިބެއެވެ.
މީނާގެ ޖަނާޒާގެ އެންމެހައި ކަންކަން ކުރިޔަށް ގެންގޮސްފައިވަނީ ކޮވިޑް19 ގެ ސަބަބުން އިއުލާންކޮށްފައި ކުއްލި ނުރައްކަލުގެ ޙާލަތުގެ ކަންކަން ވިލަރެސްކުރާ ނޭޝަނަލް އިމަޖެންސީ އޮޕަރޭޝަން ސެންޓަރުގެ އިރުޝާދާ އެއްގޮތަށް، ކޮވިޑް19ގެ ސަބަބުން ނުވަތަ އެ ބައްޔަށް ޝައްކު ކުރެވޭ މީހުން ވަޅުލުމަށް ކަނޑައެޅިފައިވާ އުސޫލުތަކާ އެއްގޮތަށް ކަމަށް ފުވައްމުލަކު ސިޓީ ކައުންސިލުން ހާމަކުރެއެވެ. ޖަނާޒާގެ ކަންތައްތައް ކުރިއަށްގެންގޮސް ފައިވަނީ ކައުންސިލްގެ މުވައްޒަފުންނެވެ.
އިިއްޔެ ނިޔާވި މީހާއާއި، 1 އޭޕްރީލްގެ 2020 ގެ ފަހުން މާލެ ސަރަހައްދުން މި ސިޓީއަށް އައި ފަރާތްތަކުގެ ތެރެއިން އޭނާއާއި ސީދާ ކޮންޓެކްޓްވި ފަރާތްތަކުގެ ސާމްޕަލް ވެސް ނަގައި މިހާރުވަނީ ކޮވިޑް-19އަށް ޓެސްޓް ކުރުމަށް މާލެ ފޮނުވިފައި ކަމަށް ފުވައްމުލައް ސިޓީ ކައުންސިލުން ހާމަކުރައްވައެވެ.
ނިޔާވި ބަންގްލާދޭޝް މީހަގެ މައްޗަށް ކަށުނަމާދު ކުރުން
މީނާ އަކީ ފުވައްމުލަކު ވަޑާން ގެއެއްގައި މަސައްކަތް ކުރާތާ 10 ވަރަކަށް އަހަރުވެފައިވާ މީހެއްކަމަށް މިކަލް ނޫހަށް މައުލޫމާތު ލިބެއެވެ. އިއްޔެ ހެދުނު ވަގުތުގައި ދޮރުފަތެއްގައި ދަވާދުލާން އުޅެނިކޮށް މެއަށް ތަދެއް އަރައިގެން އުޅުނު ކަމަށްވެސް މިކަލް ނޫހަށް މައުލޫމާތުލިބެއެވެ. އަދި މީނާ ނިޔާވެފައި ވަނީ އޭގެ ފަހުންކަމަށް ވެސް މައުލޫމާތު ލިބެއެވެ. އުމުރުން 39 އަހަރު މިމީހާގެ ކަށުކަމާއި ކެމީގެ ކަންތައްތައް ކުރިއަށް ގެންގޮސްފައި ވަނީ ކޮވިޑް-19 ގެ ސަބަބުން އިއުލާންކޮށްފައި ކުއްލި ނުރައްކަލުގެ ޙާލަތުގެ ކަންކަން ވިލަރެސްކުރާ ނޭޝަނަލް އިމަޖެންސީ އޮޕަރޭޝަން ސެންޓަރުގެ އިރުޝާދާ އެއްގޮތަށް، ކޮވިޑް-19ގެ ސަބަބުން ނުވަތަ އެ ބައްޔަށް ޝައްކު ކުރެވި މަރުވާ މީހުން ވަޅުލުމަށް ކަނޑައެޅިފައިވާ އުސޫލުތަކާ އެއްގޮތަށް ކަމަށް މިކަލް ނޫހުގެ ރިޕޯޓަރު ހާމަކުރެއެވެ.
ނިޔާވި ބަންގްލާދޭޝް މީހާ ވަލުލާފައިވަނި އަރުއްފަނު ގަބުރުސްތާނުގައެވެ.
މީނާގެ ޖަނާޒާގެ ކަންތައްތައް ކުރިއަށްގެންގޮސް ފައިވަނީ ފުވައްމުލައް ސިޓީ ކައުންސިލްގެ މުއައްޒަފުންް ކަމަށް ސިޓީ ކައުންސިލުން ހާމަކުރައްވައެވެ.
ފުވައްމުލައް ސިޓީ ހިނަވާގެ އަދި މޮޗަރީ
ޚިޔާލުތައް