މުހައްމަދު ޝިހާބް ކުރިޔަށް އޮތް އަހަރު ފުވައްމުލައް ސިޓީގައި އެކިދާއިރާތަކުން މަސައްކަތް ކުރާނެ ގޮތުގެ ޚިޔާލު ހޯއްދެވުމަށް އާންމު ބައްދަލުވުންތަކެއް ތާވަލްކޮށް ފުވައްމުލައް ސިޓީ ކައުންސިލުން މަޝްވަރާއަށް ހުޅުވާލައިފިއެވެ.
ފުވައްމުލައް ސިޓީ ކައުންސިލުން އިއްޔެ އާއްމުކޮށްފައިވާ ތާވަލްގައިވާ ގޮތުން 2021 ވަނަ އަހަރުގެ ވޯކް ޕްލޭނާއި ގުޅޭ މަޝްވަރާ ބައްދަލުވުން ތާވަލްގައި، 11 ދާއިރާއަކުން މަޝްވަރާގެ ބައްދަލުވުންތައް ތާވަލްކޮށްފައި ވެއެވެ. މިއަދު ހެނދުނު 10.00ގައި ތައުލީމީ ދާއިރާގެ މަޝްވަރާ ބައްދަލުވުންތައް ބާއްވާއިރު މިއަދު މެންދުރުފަހު 1:00ގައި ޒުވާނުންނާއި ގުޅޭ ގޮތުން މަޝްވަރާ ކުރުމަށްވަނީ ތާވަލްކުރެވިފައެވެ. މިއަދުން ފެށިގެން ކޮންމެ ދުވަހަކުވެސް މިގަޑިތަކުގައި 2 ބައްދަލުވުން ބޭއްވުމަށް ރާވާފައި ވެއެވެ.
ސިޓީ ކައުންސިލްގެ މަޝްވަރާތގެ ތާވަލް.
ފުވައްމުލަކު ސިޓީ ކައުންސިލްގެ މަޝްވަރާގެ ތާވަލް 2021
ތައުލީމީ ދާއިރާ
ސިއްޙީ ދާއިރާ،
ދަނޑުވެރިކަން
ޒުވާނުން
އިންފޮމޭޝަން ޓެކްނޮލޮޖީ
ކުޅިވަރު
ފަތުރުވެރިކަން
ވޯޓަރ ސްޕޯޓްސް
މަސްވެރިކަން
އަމިއްލަ ޖަމްއިއްޔާ ޖަމާއަތްތައް
އާންމު ފަރާތްތައް ވެއެވެ.
މި ދާއިރާތަކުގައި މަސައްކަތް ކުރައްވާ ބޭފުޅުންނާއި ދާއިރާއިން ހިންގާނެ ޕްރޮގްރާމްތަކަށް ހިޔާލު ދެއްވަން ބޭނުންވާ ފަރާތްތަކުން ތާވަލާއެއްގޮތަށް ބައްދަލުވުންތަކުގައި ބައިވެރިވުމަށް އެދި ޢާންމުކޮށް ހުޅުވާލާފައި ވެއެވެ. މިބައްދަލުވުންތައް ކުރިޔަށް ގެންދިއުމަށް ހަމަޖެހިފައިވަނީ ފުވައްމުލައް ސިޓީ ކައުންސިލްގެ ކުރުނދުމާ މާލަމުގައެވެ.
ޚިޔާލުތައް