މުހައްމަދު ޝިހާބް ފުވައްމުލަކު ސްކޫލް (އެފްއެސް) އަދި އެމްޖޭއެސްގައި އަލަށްހަދާ އިމާރާތުގެ މަސައްކަތް ހަވާލުކުރުމުގެ އެއްބަސްވުމުގައި މިއަދު ސޮއިކޮށްފިއެވެ.
މިއަދު ކޮންޓްރެކްޓަރާއި ހަވާލުކުރެވުނީ ފުވައްމުލަކު ސްކޫލުގެ މަލްޓި ޕާޕާސް ހޯލު އިމާރާތުގެ މަސައްކަތާއި މުޙައްމަދު ޖަމާލުއްދީން ސްކޫލް (އެމްޖޭއެސް) ސްކޫލުގައި ހަދާ 16 ކްލާސްރޫމާއި ކޮމްޕިއުޓަރ ލެބްގެ އިމާރާތުގެ މަސައްކަތެވެ. މިމަސައްކަތް ހަވާލުކޮށްފައި ވަނީ އިނޯކާ ޕްރައިވެޓް ލިމިޓެޑް ކިޔާ ކުންފުންޏަކާއެވެ.
މިއަދު އެޑިއުކޭޝަން މިނިސްޓްރީގައި ބޭއްވި ރަސްމިއްޔާތެއްގައި މިއެއްބަސްވުމުގައި އެމިނިސްޓްރީގެ ފަރާތުން ސޮއި ކުރެއްވީ ސްޓޭޓް މިނިސްޓާ އަހުމަދު ރިޔާޒެވެ. އިނޯކާ ޕްރައިވެޓް ލިމިޓެޑް ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ހަސަން ޝަމީމެވެ.
ފުވައްމުލަކުގެ ދެ ސްކޫލެއް، އެފްއެސް އަދި އެމްޖޭއެސް އިމާރާތުގެ މަސައްކަތް ކޮންޓްރެކްޓްގައި ސޮއި ކުރުން.
ދައުލަތުގެ ބަޖެޓުން ޕީއެސްއައިޕީ ގެ ދަށުން ކުރިޔަށްގެންދާ ފުވައްމުލަކު ސްކޫލްގެ މަލްޓިޕާޕަސް ހޯލް އިމާރާތުގެ މަސައްކަތުގެ އަގަކީ, 8.208 މިލިއަން ރުފިޔާ ކަމަށް އެޑިއުކޭޝަން މިނިސްޓްރީއިން ހާމަކުރައްވައެވެ. މިމަސައްކަތް ނިންމަން ޖެހޭ މުއްދަތަކީ 330 ދުވަހެވެ. އެގޮތުން އަންނަ އަހަރުގެ މެއި މަހުގައި މި މަސައްކަތް މުޅިން ނިމޭނެކަމަށް އެޑިއުކޭޝަން މިނިސްޓްރީން ހާމަކުރައްވައެވެ.
އެމްޖޭއެސް ގެ 16 ކްލާސްރޫމް އާއި ކޮމްޕިއުޓަރ ލެބް އިމާރާތުގެ މަސައްކަތް ކުރުމަށް ހުށައަޅުއްވާފައިވާ އަގަކީ 12.013 ބާރަމިލިއަން ރުފިޔާއެވެ. އަދި މިމަސައްކަތް ނިންމުމަށް ކަނޑައަޅާފައި ވަނީ 365 ދުވަހެވެ.
ޚިޔާލުތައް