ސިޒޭރިއަން ހަދާ ގިނަ އަންހެނުންނަށް ބޭނުންވާ އެނޮކްސަޕެރިން (ކްލެކްސޭން) އިންޖެކްޝަން ރާއްޖެއިން ހުސްވުމާ ގުޅިގެން ގިނަ ބަޔަކު ކަންބޮޑުވުން ފާޅުކުރަން ފަށައިފިއެވެ. މި އިންޖެކްޝަނަކީ ސިޒޭރިއަން ހެދުމަށްފަހު ލޭ ގަނޑުގަނޑުވުން ހުއްޓުވުމަށް ބޭނުންކުރާ ވަރަށް މުހިންމު އިންޖިކްޝަނެކެވެ.
ރާއްޖޭގައި ބޭސް އެންމެ ފުޅާ ދާއިރާއެއްގައި އެތެރެކުރާ ސަރުކާރު ހިއްސާވާ ކުންފުނި، އެސްޓީއޯއިން މި އިންޖެކްޝަން ހުސްވެފައިވާކަން ކަށަވަރުކުރެވިފައިވެއެވެ. އަދި އެހެން ބޭސްފިހާރަތަކުން ވެސް މި އިންޖެކްޝަން ވަނީ ހުސްވެފައެވެ
މިކަމާ ގުޅިގެން ގިނަ އާއިލާތަކުން މިހާރު ޖެހިފައިވަނީ، ތަކުލީފުތަކާއި ބޮޑެތި ހޭދަތަކެއް ކުރުމަށްފަހު،ރާއްޖެއިން ބޭރުން މި އިންޖިކްޝަން ގެނައުމަށެވެ. މިއީ ކޮންމެ ކޮންމެ މިހާކަށް ކުރެވޭނެ ކަމެއް ނޫނެވެ.
ޞިއްޙީ މާހިރުން ވިދާޅުވާ ގޮތުގައި މި އިންޖެކްޝަން ނުލިބިއްޖެނަމަ، ސިޒޭރިއަން ހަދާ އަންހެނުންނަށް ލޭ ގަނޑުގަނޑުވުމުގެ ނުރައްކާ އިތުރުވެ، އެކަމުގެ ސަބަބުން ޞިއްޙީ ގޮތުން ނުރައްކާތެރި އެހެން މައްސަލަތަކާ ކުރިމަތިލާން ޖެހިދާނެއެވެ.
މި މައްސަލަ ޙައްލުކުރުމަށް ސަރުކާރުގެ ކަމާބެހޭ ފަރާތްތަކުން އަވަސް ފިޔަވަޅުތަކެއް އަޅަންޖެހޭ ކަމަށް ރައްޔިތުން ދެކެއެވެ.
ޚިޔާލުތައް