އިބްރާހިމް ލަތީފް ފުވައްމުލަކު ސިޓީގައި ސްވިމިން ޕޫލެއް އެޅުމާއި ގުޅޭގޮތުން ކުޅިވަރާއި ބެހޭ ވަޒީރު އިންޑިއާ ހައިކޮމިޝަނާއި ފުވައްމުލަކު ސިޓީގެ ތިން މެންބަރުންނާއިއެކު މަޝްވަރާ ބައްދަލުވުމެއް ބާއްވައިފިއެވެ. މިބައްދަލުވުމުގައި މަޝްވަރާ ކުރެވުނީ ފުވައްމުލަކު ސިޓީގައި އެޅުމަށް ހަމަޖެހިފައިވާ ސްވިމިން ޕޫލް އެޅުމުގެ މަސައްކަތް އިންޑިއާގެ އެހީގެ ދަށުން ކުރިއަށް ގެންދިއުމާއި ގުޅޭގޮތުން ކަމަށް ކުޅިވަރާއި ބެހޭ ވަޒީރު އަހުމަދު މަހުލޫފު ކުރެއްވި ޓްވީޓެއްގައި ވިދާޅުވެފައިވެއެވެ.
ފުވައްމުލަކުގައި ސްވިމިންގ ޕޫލެއް އެޅުމާ ބެހޭގޮތުން މަޝްވަރާކުރިއިރު، މާލެ ސިޓީގައި އޮލިމްޕިކް ސައިޒުގެ ސްވިމިންގ ޕޫލެއް އެޅުމުގެ މަސައްކަތް ދަނީ ކުރަމުންނެވެ. ސްވިމިންގ ޕޫލް އެޅުމަށް ބޭނުންވާ ބިން ސާފުކޮށްފައިވީ ނަމަވެސް، ކޮވިޑް-19 ގެ ސަބަބުން ޕޫލް އެޅުމުގެ މަސައްކަތަށް ކޮންމެވެސް ވަރެއްގެ މަޑުޖެހުމެއް ވަނީ އައިސްފައެވެ.
ޚިޔާލުތައް