މުހައްމަދު ޝިހާބް ދިވެހިރާއްޖެގައި އަލަށް އުފެއްދި “އިންސްޓްޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސް” ގެ މެމްބަރުކަމަށް ފުވައްމުލަކަށް ނިސްބަތްވާ ދެ ޗާޓަޑް އެކައުންޓެންޓުން އައްޔަން ކުރައްވައިފިއެވެ. އެއީ މާލެގަމު ހުނުބޮލި ހަސަން މުހައްމަދު އާއި ދޫނޑިގަމު ނަސީގެ މާލިކު މުހައްމަދުއެވެ. މިދެބޭފުޅުންވެސް މަގާމަށް އައްޔަންކުރެއްވީ ކައުންސިލްގެ ރައީސް އޮޑިޓަރ ޖެނެރަލް ހަސަން ޒިޔެތެވެ.
ހަސަން މުހައްމަދު އާއި މާލިކުގެ އިތުރުން ވެސް 4 މެމްބަރަކު ވަނީ މި ކައުންސިލަށް އައްޔަންކުރައްވާފައެވެ. ކައުންސިލްގެ މެމްބަރުން އައްޔަން ކުރައްވާ އެކަމުގެ ފަތްކޮޅު ހަވާލު ކޮށްދެއްވުން އޮތީ އޮޑިޓަރ ޖެނެރަލްގެ އޮފީހުގައި އިއްޔެ ބޭއްވި ހާއްސަ ޖަލްސާގައެވެ.
ހަސަން މުހައްމަދު އާއި މާލި ކައުންސިލް މެމްބަރުކަމަށް އައްޔަން ކުރައްވާފައި ވަނީ އެކައުންޓެންސީ ޕްރޮފެޝަންގެ ދާއިރާގައި އަމިއްލަ މަސައްކަތް ކުރާ ފަރާތްތަކުގެ ތެރެއިންނެވެ. އެގޮތުން އެ ގާނޫނުގެ 37 ވަނަ މާއްދާގެ ހ. ދަށުން 4 ފަރާތެއް އައްޔަންކޮށްފައި ވެއެވެ. އެއީ
- ހަސަން މުހައްމަދު، މާލެގަމު ހުނުބޮލި (ކްރޯވް މޯލްޑިވްސްގެ އޮޑިޓް ޕާޓްނަރ)
- މާލިކް މުހައްމަދު ދޫނޑިގަމު ވަސީމީގެ (މެރިއަޓް އިންޓަރނޭޝަނަލްގެ ކޮމްޕްލެކްސް ޑިރެކްޓަރ އޮފް ފިނޭންސް)
- ޔައުޤޫބް ޢަބްދުﷲ، ގއ.ދާންދޫ ދާއިރާގެ މަޖުލިސް މެމްބަރ (ޕްރޫޑަންޓް ޗާޓަރޑްގެ މެނޭޖިންގ ޕާޓްނަރ)
- ފަރީހާ ޝަރީފް (އެފް.ޖޭ.އެސް އެސޯސިއޭޓްސްގެ މެނޭޖިންގ ޕާޓްނަރ) އެވެ.
މީގެ އިތުުރުން އޮޑިޓަރ ޖެނެރަލް އޮފީހުން ވެސް ވަނީ 2 މެމެބަރަކު އައްޔަން ކުރައްވާފައެވެ. އެއީ
އެސިސްޓަންޓް އޮޑިޓަރ ޖެނެރަލް ހުސައިން ނިޔާޒީ އާއި
ޗީފް އިންޓާނަލް އޮޑިޓަރ އިބްރާހިމް ފަޒީލް (ޑިރެކްޓަރ އޮފް ސްޓޭޓް އޯންޑް އެންޓަރޕްރައިސަސް އެންޑް ސްޓެޗުޓަރީ ބޮޑީސް އޮޑިޓް) އެވެ.
މި ބޭފުޅުންގެ އިތުރުން މި ކައުންސިލްގައި ހިމެވަޑައިގަންނަވަނީ ކޮމިޝަނަރ ޖެނެރަލް އޮފް ޓެކްސޭޝަން ފަތުޙުﷲ ޖަމީލް އާއި ފައިނޭންޝިއަލް ކޮންޓްރޯލަރ ފާތިމަތު ރަޒީނާއެވެ.
އިންސްޓްޓިއުޓް އޮފް ޗާޓަރޑް އެކައުންޓެންޓްސް އޮފް ދަ މޯލްޑިވްސްގެ ފުރަތަމަ ހަތަރު އަހަރު އަހަރަކީ އިންތިގާލި 4 އަހަރެވެ. އިންތިގާލީ މަރުހަލާގައި މި އިންސްޓްޓިއުޓް ހިންގުމުގެ މަސައްކަތް ކުރާނީ އައްޔަން ކުރެވުނު ކައުންސިލުންނެވެ. ނަމަވެސް އެއިގެ ފަހުން ކައުންސިލަށް މެމްބަރުން އިންތިޚާބު ކުރާނެއެވެ. އެގޮތުން އިންތިޚާބު ކުރާނީ އެ އިންސްޓްޓިއުޓްގެ މެމްބަރުންގެ މެދުގައި ނަގާ ސިއްރު ވޯޓަކުން ކަމަށް އޯޑިޓާރ ޖެނެރަލް އޮފީހުން މީޑާއަށް މައުލޫމާތު ދެއްވާފައި ވެއެވެ.
އަލަށް އުފެއްދި ޗާޓަރޑް އެކައުންޓެންޓްސް އިންސްޓިޓިއުޓުން ދިވެހިރާއްޖޭގެ އެކައުންޓެންސީ ޕްރޮފެޝަނަކީ ބައިނަލް އަޤްވާމީ އުސޫލުތަކާއި ހަމަތަކާ އެއްގޮތްވާ ގޮތުގެމަތިން ކުރިއެރުވުމަށް މަސައްކަތް ކުރުމާއި މި އިންސްޓްޓިއުޓް ހިންގާ ބެލެހެއްޓުމަކީ މިކައުންސިލްގެ މަސްއޫލިއްޔެތެކެވެ. އެގޮތުން ކައުންސިލްގެ ހިންގާ ގަވާއިދު އެކުލަވާލުމާއި، ކޮމިޓީތައް އެކުލަވާލުމާއި، އިންސްޓްޓިއުޓްގެ ރަޖިސްޓްރީ ވާ ފަރާތްތައް ބަލަހައްޓައި، ގިންތި ކަނޑައެޅުމާއި ޕްރައިވެޓް ސެކްޓަރގެ އެކައުންޓިން އަދި އޮޑިޓިން ސްޓޭންޑަރޑްތައް އެކުލަވާލުން ހިމެނެއެވެ.
ޚިޔާލުތައް